注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

福克斯换心记  

2018-07-13 23:56:29|  分类: 试车日记 |  标签: |举报 |字号 订阅

  下载LOFTER 我的照片书  |
福克斯换心记 - Ryan  - 粤车无数
 呢部系福克斯MK3,原装系1.6升自然吸气引擎配5前速手波波箱。车主开咗几年之后厌咗,但系又相当之留恋福克斯嘅转向感觉,所以最近换咗一副2.0自然吸气引擎落去,再另外配一个5前速手波波箱。
福克斯换心记 - Ryan  - 粤车无数
 呢个系原装嘅1.6升引擎,公里数唔算长,原装嘅时候低转扭力算系几好,由起步一路去到中速区域都好畅顺。如果开冷气上斜坡,就会觉得力量唔够,高速想超车亦都要等,再加上部车唔算轻,1.6嘅弱点会进一步放大。
福克斯换心记 - Ryan  - 粤车无数
 呢个角度会睇到,原装嘅1.6机器仲系用紧老鼠仔分火线,车主换咗另外一个改装牌子嘅出品,但系效果唔算太明显。
福克斯换心记 - Ryan  - 粤车无数
 手波波箱可以话系福克斯嘅灵魂,如果你开过MK1同MK2,会更加觉得福克斯呢个系列根本就系造出嚟俾人练习开快车嘅。福克斯原装嘅坐姿系偏高嘅,三个踏板都唔系太适合练习跟趾,不过难唔代表做唔到,唔同车有唔同嘅控制技巧,练得多就会熟,满足感就系咁样嚟。
福克斯换心记 - Ryan  - 粤车无数
 开头提过呢部车宜家嘅引擎同波箱系分开上嘅,而唔系“”车波电全套“。因为呢副引擎原本系跟一个6前速双离合波箱嘅,所以电脑都会唔同。至于波箱就来自另外一部车,可惜唔知系装工出咗问题定系个波箱坏坏地,空档嘅时候,离合器踩到一半左右会有啲“”啷啷“声,唔踩或者踩到尽就会冇声。
福克斯换心记 - Ryan  - 粤车无数
 大线同电脑系来自另外一台车,不过线束嘅质素就麻麻地,除咗隔热同绝缘包得唔系好靓之外,可能之前俾啲重野压过,有几段线路本来系圆嘅,宜家变咗扁。
福克斯换心记 - Ryan  - 粤车无数
 之前都有网友系后台留言换引擎大概要几多钱,其实都系视乎翻你想换咩引擎同埋追求到咩地步。例如呢部车咁,呢张系维修单,列出嚟嘅其实都系好表面嘅项目,仲有其他隐性消费会跟住嚟,尤其系调试阶段。
福克斯换心记 - Ryan  - 粤车无数
 电压对于电子节气门会有好大影响,所以隔一段时间最好都调一调,系度分享下点样定义翻节气门嘅开度。首先系定义最细开度,通电唔使挞着车,咩踏板都唔好踩,等20秒,然之后熄匙,再等20秒。最细开度定义完之后,宜家轮到最大开度。依然系通电唔使挞着车,将油门踏板踩到最尽唔好缩脚,等20秒,然之后缩脚,熄匙。
福克斯换心记 - Ryan  - 粤车无数
 保险丝盒里面都做咗少少手脚。
福克斯换心记 - Ryan  - 粤车无数
 对于改装嘅车嚟讲,飞线系好普遍,尤其系电控零件唔匹配但系唔装唔得嘅时候。电线有自己设计嘅标准负荷同寿命,飞线系有风险,所以接线同包裹一定要好认真。
福克斯换心记 - Ryan  - 粤车无数
 呢个系高压油泵调节器,零件编号系CM5E-9D376-CB,之前1.6果个引擎系冇呢个嘢嘅,所以对应嘅油喉都要换。供油对于引擎来讲非常之重要,一般来讲如果好似呢部车咁,既然换咗2.0,而且油路有分别,我系好建议换埋对应引擎嘅油泵,不过车主冇换。
福克斯换心记 - Ryan  - 粤车无数
 呢个调节器有一个专门嘅隔热罩。
福克斯换心记 - Ryan  - 粤车无数
 同原装嘅1.6引擎相比,呢个2.0水温升得相当快,热车时间缩短咗一倍有多,至于水温最高去到105度左右。
福克斯换心记 - Ryan  - 粤车无数
 电子扇大约系105度左右开,不过系间歇性,只要水温去到100度附近,距就停。
福克斯换心记 - Ryan  - 粤车无数
 试车嘅时候发现4个故障,一个系氧传感器,一个系原装嘅上坡辅助功能失效,一个系排气温度过高,仲有一个系方向盘有杂声。
福克斯换心记 - Ryan  - 粤车无数
另外,引擎转速系2000转附近会有好明显震动,连车身都会震埋,高过或者低过呢个转速都冇震。
福克斯换心记 - Ryan  - 粤车无数
 连续开咗20公里左右,着咗引擎故障提示灯同另一个警告灯号,电脑显示依然系氧传感器故障。再问翻个车主,原来排气依然用翻1.6原装排气。
福克斯换心记 - Ryan  - 粤车无数
 除咗改装费用之外,有网友留言问过耗油量。如果按照翻呢个显示,基本上同原装相差无几,广州市区日日塞车,想悭油有啲难度。不过换咗引擎之后,力量嘅进步的确好明显。以前用惯嘅转速,宜家都一样,但系车速同加速感觉都会强好多,尤其系着冷气嘅时候,唔会再有1.6果阵嘅重拖感觉。就算好似试车路段咁大角度上斜坡,以前要用1档上宜家可以用2档,落斜坡嘅时候“引擎刹车”亦都比起之前更加明显,相对来讲,更加安全。
 
 
  评论这张
 
阅读(2)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018