注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

揾车日记  

2018-04-16 09:37:39|  分类: 基本理论 |  标签: |举报 |字号 订阅

  下载LOFTER 我的照片书  |
揾车日记 - Ryan  - 粤车无数
我冇乜节假日观念,所以就算系清明时节我都会去旅游,或者去睇车试车。清明买易手车会唔会平啲?一啲啲,唔系百分百,但系就一定唔会贵啲。上次写过一篇极速买RAV4嘅文章,有网友系后台问我点解一个人去买车。其实呢个系我习惯嚟嘅,唔系话我有几高超嘅睇车技巧,我系识少少,尤其系我长时间接触过嘅车,我会用好多时间去钻研,例如睇技术资料,去修理厂睇下维修,再睇下身边有冇人有同款车,有就多啲试下,一日试唔够就试两日,试到我认为有把握为止。好耐好耐之前都试过有朋友跟埋我去睇车试车,但系好多时倾倾下偈再加上车行老板成日有意无意扰乱,搞到我本来记得重点睇嘅位置唔记得咗睇,亦都因为咁交过学费。为咗唔好犯同样嘅错误,我就开始自己去睇车买车,甚至过户、维修、年审我都系一脚踢。揾车日记 - Ryan  - 粤车无数
今次揾嘅车有啲难度,所以大约半年前我就成日去图书馆睇下有冇呢款车嘅资料。有系有,不过唔算好齐,我想了解嘅嘢,都收录系唔同嘅书里面。网络虽然有资料睇,但系其实唔够书本咁系统化,对于车嘅零件来讲,图文并茂系好重要,彩色唔彩色唔系最大问题,一定要清晰,要非常非常之具体。
揾车日记 - Ryan  - 粤车无数
除咗技术资料之外,维修资料都系好重要嘅,因为描述嘅故障都好详细,对于试车嘅时候会好有帮助。有啲车天生就有缺陷,有啲车完成度会高啲,所以试车唔系自己爽就得,要好留心有冇出现资料讲嘅故障。至于网络资料方面,维修视频、事故车修复视频通通都要睇,睇下边啲部位可以整,边啲部位只能够换,边啲可以DIY,边啲要借助专业工具甚至要超过一个人完成。如果你自问唔够维修师傅同翻新师傅细心,你就唔好学人买上咗年纪嘅易手车。揾车日记 - Ryan  - 粤车无数
有追开我呢个公众号嘅网友应该会发现,我系好经常洗车嘅,所以我系好唔中意落雨天开部车出去。不过买易手车好讲缘分,自己做咗咁多准备功夫,突然之间有心水嘅车出现,我就唔会理其他,睇咗先算。呢个时候,落雨唔系问题,行雷闪电都唔系问题,路程远更加唔系问题。只要最后买到预期之中嘅实物,再望翻转头,其实个过程有几难熬已经唔重要。揾车日记 - Ryan  - 粤车无数
讲咗咁耐,我到底揾部咩车呢?其实睇落都冇乜特别,如果你唔了解呢部车嘅话,会觉得系一只好常见嘅四门宝马。不过如果你好留意宝马近十年嘅发展,就会知道呢款车系好跨世代。比如距用咗电子液压助力,有主动转向功能。主动转向嘅核心零件系一组行星齿轮,传感器收集到车速讯号之后,就命令一只马达去驱动,改变转向轴同齿轮之间嘅传动比例,咁就可以做到加大或者减少转向角度,慢速嘅时候,扭少少肽盘就可以将前辘摆好大角度,方便泊车或者调头,高速嘅时候,要扭多啲肽盘车头先会摆。不过呢个主动转向系同DSC联动,所以防滑传感器收集到嘅信号,方向机电脑都会收到。视频我发咗系微博,有兴趣就自己去睇。揾车日记 - Ryan  - 粤车无数
呢款5系列四门房车,编号E60。你睇个表就知道唔简单,因为成个车系有好多个型号。基本上汽油引擎、柴油引擎、四缸、六缸、八缸、十缸、涡轮增压、自然吸气、后驱、四驱,乜鬼都有。至于点解个表里面会有重复嘅车名,系因为引擎唔同或者其他改良,出厂日期系有分别嘅。揾车日记 - Ryan  - 粤车无数
我今次揾嘅车,系2007年9月份之后出嘅自然吸气后驱嘅530i,用编号N52B30嘅引擎。宝马直六N52B30有几种唔同嘅物料,例如曲轴箱系用两件式镁铝合金同埋其他硅铝合金零件造,缸盖用硅铝合金造,而缸盖罩系用镁合金造,所以呢个引擎会比较轻。至于新科技,距系用咗第二代Valvetronie同双VANOS,全可变气门控制,想大力过旧款嘅M54直六又要减低废气排放就系靠距同埋编号MSV80嘅引擎管理软件。除此之外,仲有可变流量嘅机油泵,因为引擎唔同状态,需要嘅机油流速都会有分别。散热方面,距系用电子水泵,可以系冷车着车嘅时候减慢水箱水流速,令到热车更加快,而且距系自己调节,唔使理引擎转速,就算熄车之后,距都依然可以继续转。之前我都提过,打竖摆嘅直六引擎,平均分空气入去汽缸系好重要,所以距有一个分三段调节嘅进气歧管,部车怠速同低速会打开第一级,中段转速会打开第二级,高转就打开第三级。呢个引擎冇机油尺,机油量、机油温度同机油质素都系用传感器探测,顺便计算埋保养周期。揾车日记 - Ryan  - 粤车无数
呢个引擎用一条皮带就带动晒所有皮带辘,运转相当之顺畅,而且引擎本身都有一种好沉实嘅声,听落几有底气。不过熟悉宝马嘅朋友应该会知道,呢款车原装嘅水管系用快速接头,就唔系图片呢啲码箍,呢啲就系维修痕迹。
揾车日记 - Ryan  - 粤车无数
我玩过几只宝马,如果讲到精髓,我觉得反而唔系引擎,而系个车架设计、用料同底盘调校。呢张图系我睇车嘅时候影嘅,贴纸话前框架系铝合金造,但系就咁睇字你睇唔出咩范围,所以下面再补一张透视图。
揾车日记 - Ryan  - 粤车无数
基本上,成个头都系铝合金咁滞。至于安全设备方面,E60全系列都系用光纤传输,叫做ASE,技术跟翻E65/E66底盘嘅7系。唔系部部E60都一样嘅,因为距都有分欧版同美版。首先讲下欧版,如果撞车,会保证有60V供电,然之后所有收集到嘅信号都会保存系安全网关模块里面,仲会生成碰撞电码用来打开其他功能,例如控制电子液压转向。E60全系列都有由A柱去到C柱嘅气帘,前面双气囊系可以分两级打开,四只车门都有气囊。除此之外,仲有安全带自己收紧同埋头枕会主动向前压。至于美版车,会多咗几样安全装备。例如多咗个传感器用嚟判断前排乘客有冇坐人,同埋果个人有冇揽安全带,前面两个座位会多咗膝头哥护垫,因为唔系每个国家同地区都要求揽安全带嘅。如果装咗儿童座椅,前面乘客安全气囊会自己关。另外仲有安全带提示同声音报警,同埋一个紧急呼叫制,主要方便车里面嘅人遇到事故或者坏车可以即刻求救。
揾车日记 - Ryan  - 粤车无数
玩宝马,无论新车定易手车,一定要知道呢个ETK网页。车架号、零件号系买零件最基本要知道嘅,可以帮你同零件店负责人悭翻好多时间,除非距发错货,如果唔系你买零件嘅准绳度可以去到90%,点解唔系百分之百呢?因为有选装件嘅分别,除咗原装选配,其实其他车系都会有零件啱呢部E60用。呢款车嘅前桥都系铝合金造嘅,而且有装加强板,用嚟保证横向强度。后桥嘅支撑架、横向摆臂、摇臂都系铝合金造。距个后悬挂系四连杆设计,成个底盘都系用橡胶杯士,拉杆就用嚟加强车身刚性,稳定杆就装系后桥后面,标准宝马格局。如果系出口去俄罗斯、东欧、埃及、加勒比海、非洲同南美嘅左肽版本,仲会有一个“不良路面升高套件”,主要有改良嘅麦花臣避震、前后调整垫同埋总成保护板。不过装咗呢个套件,出车嘅时候就唔可以用翻扁平比低过50%嘅车胎,跑车化底盘组件都唔可以装。
揾车日记 - Ryan  - 粤车无数
买易手车,我唔会太在乎转手次数,尤其系上咗年纪嘅宝马,一定系手数多嘅。因为个个都系谂住玩一阵就放,好少会长期持有,最好系坏车之前放。我最在意嘅,反而系部车嘅完成度,而唔系所谓嘅“一粒螺丝冇郁过”。坦白讲,宝马呢个牌子从来都唔系易养易服侍,尤其呢部设计咁复杂嘅E60,所以我系好中意买啲啱啱整完嘅宝马,整乜都好,最好损耗件或者水路油路零件帮我换晒距,咁就为之啱我心水。除此之外,易手车所有跟车翻嚟嘅嘢最好都齐,例如呢部车咁,三条锁匙,车尾工具,车主手册,全部都有嘅,证件全部都齐,保险仲有2个月,可以话系即买即用。至于出保险记录,我都查过,身家清白。
揾车日记 - Ryan  - 粤车无数
世界上其实冇绝对好嘅车同绝对唔好嘅车,主要睇下部车啱唔啱你,呢一点先系最重要。正所谓“You are what you drive”,你拣嘅车,其实系由你自己嘅生活阅历同生活条件决定。我自己买过几个唔同牌子嘅车,但系兜兜转转始终都会有只宝马系度穿插,就算后来玩到保时捷,我都觉得宝马印象系最深,呢种感觉相信你都可以系我之前嘅文章里面体会得到。
 
 
  评论这张
 
阅读(25)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018