注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

直六的秘密  

2018-04-01 22:14:30|  分类: 基本理论 |  标签: |举报 |字号 订阅

  下载LOFTER 我的照片书  |
直六的秘密 - Ryan  - 粤车无数
直六引擎,一直都系热血车迷嘅心头好。到底直六有啲咩咁好呢?又有啲咩副作用呢?好多车厂都研发过直六,不过到宜家仍然坚持嘅唔多,今次我就用两部车嚟做例子,简单讲下直六有啲咩玄机。可能呢篇文章会闷闷地,因为会涉及数学同物理。
直六的秘密 - Ryan  - 粤车无数
呢部E36 325i系我第一部宝马,E36嘅生产周期系由1990年9月份,出到1999年2月份,而E46系1998年2月份已经出现,所以有一段时间,距系同E46一齐出。至于E36系列里面325i呢个型号,就由1990年9月开始,出到1995年9月。早期嘅E36 325i系用编号M50B25嘅引擎,排气量系2494cc,最大马力192匹,最大扭力25公斤米。1993年呢个引擎加入单VANOS,编号改为M50B25TU,马力同扭力都冇变,但系扭力提早出。当年无论320i、323i、325i、325td、325tds、328i抑或M3嘅3.0同3.2,都用直六引擎。
直六的秘密 - Ryan  - 粤车无数
一提起直六,车迷就会谂到“平衡”。直六属于往复式引擎,往复式引擎嘅平衡其实系一个数学关系,不过我想用物理去讲。每一只活塞都有连杆,连杆另一边装系曲轴,曲轴一边会连住飞轮,飞轮有惯性。曲轴一转,活塞岩岩开始郁嘅时候其实系快啲,之后就会嚟会慢啲,所以活塞上上落落唔系匀速,而系时快时慢,所以就会出现冇规律嘅惯性,最直观感觉就系震。如果用数学去解答,就系一串无穷无尽嘅数字。不过神奇嘅事就系呢个时候发生,只要缸数去到一定数目,就可以用排列方式同曲轴设计令到活塞嘅惯性冲力抵消,而咁啱,需要6个汽缸,亦都唔需要额外加装平衡轴。直六引擎多数都系打竖摆,吸气嘅过程系由前到后,想每个汽缸吸气量同流速一样,就要系进气歧管做文章。另外,以前嘅直六多数都好大份,如果装系细车上面,会占用好多引擎舱空间,散热同重量系旧式直六引擎嘅死穴。
直六的秘密 - Ryan  - 粤车无数
四冲程嘅引擎,通常系曲轴转两转点一次火,啱啱好系720度,所以直六嘅曲轴可以分成120度一截,点火间隔都系120度。曲轴角度系0嘅时候,有两个活塞系最低点,有两只活塞连杆系120度嘅位置,剩低两只系240度嘅位置。宜家计一条数,[cos(0°)+cos(120°)+cos(240°)]X 2,啱啱好等于0,即系话已经抵消咗震动。至于转数嘅影响几乎微乎其微,因为直六嘅秘密就在于呢支曲轴。除咗机械质感之外,直六引擎另外一个最吸引人嘅地方,就系声浪。因为点火间隔比较特别,所以排气嘅音频亦都会比较Man。
直六的秘密 - Ryan  - 粤车无数
除咗E36 325i,我仲玩过一只R129 300SL。R129嘅生产周期由1989年3月份,一路出到2001年年尾,至于300 SL呢个型号,就由1989年9月份,出到1993年年尾,之后虽然都系叫300 SL,不过已经换咗引擎。R129系列系1994年9月份开始改名,“SL”行先,“XXX”数字跟尾。
呢个直六引擎同E36 325i果个唔同,325i果个系电喷供油,300 SL呢个系用化油器嘅,引擎编号M103.984,排气量2960cc,单缸2气门设计,190匹。因为部车翻嚟嘅时候化油器已经坏咗,后来我换咗个丰田海狮嘅化油器落去。
因为系其他车嘅零件,供油比例唔啱呢部车。初初装上去着车,喷得太多油淋熄晒啲火嘴,所以又要拆火嘴出嚟洗翻干净,再调化油器,再着车,如果又淋熄就要再重新嚟过,反反复复。化油器有怠速嘅通道,又有气道,每次调嘅幅度都要好细好细。
直六的秘密 - Ryan  - 粤车无数
M103当年之所以出名系因为襟用,今时今日都依然系一挞即着,可以加92号汽油。十九年前停用直六,宜家奔驰又再用翻,就唔可以就咁搬只大笨牛上车就算数。最新款嘅“梅菜直六”有个好新嘅设计——冇缸套,而且为左配合直喷同涡轮增压,活塞改用长行程短直径设计,所以果个新嘅直六引擎基本上唔会长过一般嘅直四引擎好多,至于襟唔襟用,就要用时间去验证。
 
  评论这张
 
阅读(27)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018