注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

买车日记  

2017-10-22 19:54:55|  分类: 基本理论 |  标签: |举报 |字号 订阅

  下载LOFTER 我的照片书  |
买车日记 - Ryan  - 粤车无数
 想顺顺利利买一部易手车,你出门口之前已经要准备。衫裤鞋袜简简单单就得,唔好好似观光咁着到身光颈靓,如果开车去,唔好开靓车贵车,因为通常易手车嘅大卖场,停车场都喺麻麻地,多数都喺冇乜人睇,无谓刮花刮伤。停车停远啲,宁愿行多两步,如果你停车停到去人家档口门口,除咗阻塞交通之外,人家见你着到咁型又开靓车过嚟睇车,通常都唔会平俾你。
买车日记 - Ryan  - 粤车无数
 买车一定要知道自己想买咩车,而且喺要具体到牌子款式型号,唔好单凭预算嚟确定。如果有人叫你帮距揾车,要求喺“10万封顶,乜车都冇所谓,好开好用就得”,咁其实即系嘥气。我买呢部RAV4之前,同以往一样,都喺一早确定款式,我之前试过当年嘅新车,之后亦都揾咗五六部2010左右差唔多年份嘅车睇过,跟住再去睇车。如果见到车行嘅车洗到好干净,你唔好太兴奋,因为所有嘅翻新美容甚至整容都喺为左掩饰。你唔可以话人贱格,因为买卖自由,你自己唯一可以做嘅就喺细心睇车,大胆假设,小心求证。如果你自问唔够帮呢部车翻新嘅师傅细心,咁你就唔好学人买易手车。
买车日记 - Ryan  - 粤车无数
 油漆同螺丝喺非常之重要嘅检查环节,补漆同喷漆喺好正常嘅维修,唔好一见到翻喷就即刻怀疑车况,仲要睇埋车龄、螺丝有无拧过、有无烧焊、覆盖件有无拆过、贴纸喺咪完好等等等等一系列状态,咁你先可以有5成把握话距有问题。点解睇到咁仔细都喺话得5成把握呢?因为唔排除部车本身组装工艺同零件质素差,又或者新车落地之前已经郁过呢啲零件,如果你见过“运损车”,你就会明。
买车日记 - Ryan  - 粤车无数
 好多人都识得睇呢啲玻璃信息,不过我可以话俾你听,唔喺百分百。尤其喺前挡风玻璃,如果你用车经验超过3年,而且经常跑高速,你会发现你件玻璃已经好蒙,除左成日俾砂石打中之外,雨刮都会留痕,所以换车头挡风玻璃喺好正常。不过如果你发现,全车玻璃所有月份都出入好大,玻璃周围嘅胶边拆过,咁你就要小心。
买车日记 - Ryan  - 粤车无数
 好多人都怕调表,你唔使怕,因为怕都冇用。车喺讲保养嘅,尤其喺内饰,比如太盘,无论胶定喺皮,一定会有使用痕迹,你唔好以为笠个方向盘套就可以瞒天过海,太盘啲制、喇叭位、拧太盘嘅顺滑程度一样可以有迹可循。
买车日记 - Ryan  - 粤车无数
 睇车要睇啲隔夜车。有啲老细一见你埋嚟就好自觉叫你着车,甚至帮埋你着车。唔排除距好有诚意,但系你都唔好太开心,因为已经忽略咗关键。好多人成日怕烧机油,但系你都要分清楚距喺“烧机油”定喺“消耗机油”。冻车嘅时候,如果你同你朋友去睇车,你应该叫你朋友着车,呢个时候叫距踩大少少油门,汽油车嘅话,踩到3千左右就得。因为未完全润滑,所以呢个时候你企喺车后面睇,如果明显有烟,咁你先可以大致上觉得距可能烧机油,如果部车热咗,再睇呢样就会冇咁明显。热车之后,睇下原地有无油渍或者有颜色嘅水渍,试完车翻嚟,一样要再观察。等部车稍为冻翻,就拧开个机油盖,睇下有无白色或者啡色,如果有,可能有水入咗去。
买车日记 - Ryan  - 粤车无数
 波箱都喺,要喺冻车果阵试,自动波嘅话一定要留意有冇明显震动,因为好明显嘅话就表示波箱磨损已经有,但系波箱嘅固定脚都有可能有事,所以一定要试清楚,尤其喺D同R,特别喺R,一定要快接入。试到呢度,部车其实热咗,咁你又可以睇下其他电控功能得唔得,发现有唔妥你唔使即刻激动到爆粗,你自己记住先,记性唔好就用手机记低。
买车日记 - Ryan  - 粤车无数
座椅嘅保养,一样可以反映到车况。如果你平时行街见到有高级嘅皮具店,你最好都入去行下,摸下手袋摸下银包,如果唔喺你点知咩喺靓嘅材料靓嘅工艺呢?如果之前笠咗个座椅套,虽然可能会干净啲,不过如果经常坐人,就会冇乜弹性,甚至乎会塌。
买车日记 - Ryan  - 粤车无数
 易手车行通常都会摆啲“道具”出嚟,令到买家觉得部车喺“极少用”、“极好保养”、“极品”。比如距会摆啲车主手册,或者摆张儿童座椅喺后排,又或者掉啲女士饰品喺地毯,等你觉得距喺“女性老司机接送小童专车”,你千期唔好俾呢啲嘢迷惑,一定要细心睇机件嘅损耗。
买车日记 - Ryan  - 粤车无数
 虽然出面气温三四十度,你坐喺车里面都唔好净喺挂住叹冷气,留意下所有电子屏幕会唔会突然闪下闪下,着住冷气,着埋灯光,着晒所有嘢,原地打太,睇下怠速会唔会大幅度又上又落。因为旧车,如果电压长时间唔稳定,或者距之前唔知加装咩装备超负荷,咁部车嘅其他电子零件都一样会好快坏。
买车日记 - Ryan  - 粤车无数
 座椅可以透露嘅信息实在太多,所以应该用多啲时间观察。通常翻新内饰,如果比较赶,距喺好难清洁到折合位,或者凳脚嘅滑轨。有啲人中意将安全带拉到最尽睇下有冇发霉,不过呢啲可以清洗又可以换,好难证明啲乜,但系你都要检查,尤其睇下安全带上面缝埋一齐嘅布带,上面都有嘢睇。
买车日记 - Ryan  - 粤车无数
 SUV除左载人,亦都好多人用嚟载货。载货嘅SUV,往往尾箱会好邋遢,如果经常装啲硬物,周围嘅胶饰板会有划痕,甚至烂,如果货物高,可能会连玻璃都刮花,所以睇车一定要细心,唔好净喺凭感觉。
买车日记 - Ryan  - 粤车无数
 试车过程我就唔讲喇,因为我成日都话,试车即系试食,你买车,你自己试,感觉良好就可以买。不过重点嚟喇,筹备咗咁耐,车又睇完,喺时候讲价。讲价唔喺随口嗡架,大家都要服,呢个时候你就列晒所有你发现而且证实咗喺故障嘅故障出嚟,因为呢啲都喺议价嘅条件。检查文件嘅时候,你会睇到登记证、行驶证、保险、购置税证、新车交易发票诸如此类,虽然过户年审未必样样要,不过最好全部有齐。因为我之前买进口120霸道嘅时候,无购置税证,偏偏上年年审要,虽然我到最后都补办翻,但系差啲错过年审日期。政策时时变,以前唔需要嘅证件,唔代表以后唔使。至于呢部RAV4,价钱我就唔讲,睇车果日喺星期日,过唔到户,根据证件,我亦都揾朋友查过出险记录,最后我喺落咗1成订就走咗,过户果日再俾尾数。由睇呢部车到落订,前前后后大约个半钟,可能你会觉得好快,但系如果计埋前期准备功夫,唔算快喇。买易手车,你试完觉得OK,价钱又冇超预算嘅话,你就可以落墨,你唔好成日啉住呢部唔买唔紧要,下一部一定会更好,未必嘅。
 
  评论这张
 
阅读(40)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018