注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

再试君威  

2017-10-22 19:38:21|  分类: 试车日记 |  标签: |举报 |字号 订阅

  下载LOFTER 我的照片书  |
再试君威 - Ryan  - 粤车无数
 试车即系试食,我话嘅,所以我好多时都会重复去试同一部车,时间唔同心情唔同,试车嘅感觉都会好唔同。
再试君威 - Ryan  - 粤车无数
 上次我话呢部车嘅HUD唔喺D咩正嘢,今次试车预啱落雨,更加觉得距阻视线。呢个HUD可以切换唔同嘅资料显示,如果切换到好似咁嘅转速显示,距投影出嚟差唔多有大半条车道咁阔,再加上颜色配搭相当随意,睇落都几“华强北”。
再试君威 - Ryan  - 粤车无数
 又阴天,又落雨,冷气就算较到最LOW嘅档位都喺唔够冻。如果好似上两个礼拜咁阳光灿烂,应该都几恶顶。
再试君威 - Ryan  - 粤车无数
 名厂音响唔错,而且好衬呢部车,因为呢部车个壳似跑房车,但系内笼依然似舒服车。其实唔单只坐落似,揸落都似,因为如果讲跑车感觉,距喺有少少嘅,比如极低嘅坐姿,迫迫夹夹嘅驾驶空间,但系如果想激烈驾驶,我觉得距唔喺我杯茶。
再试君威 - Ryan  - 粤车无数
 如果想揾下距仲有无上一代君威嘅影子,可能就得翻呢个中控台嘅其中一部分。除咗铺层好厚嘅软胶之外,距仲有分层,再加上有少少包围感,坐喺车里面,个人会几放松。
再试君威 - Ryan  - 粤车无数
 自动泊车其实几实用,不过前提喺要准,而且要快。呢部车自己探测车位嘅时候有时会睇错,而且好慢,旁边嘅车停得样衰少少距都会自己走翻出嚟,泊个L字位都要用差唔多一分钟,停完之后有少少偏右,后面嘅距离稍微多咗少少,遇到细啲嘅车位可能唔识泊。虽然距泊车泊得好慢,不过如果夜晚黑兼落大雨,视野相当有限嘅时候,呢个功能可能会帮你悭翻唔少喷漆钱。
再试君威 - Ryan  - 粤车无数
 至于跟车功能,就似乎令到司机更加紧张。点解咁讲呢,虽然可以设定同前面部车嘅距离,但系就算较到最近,一样好容易“有机可乘”。原则上,就算有自动跟车,你只脚都应该随时准备踩刹车,所以唔能够“真正休息”。
再试君威 - Ryan  - 粤车无数
座椅方面,除咗继续偏硬之外,距仲喺中间做咗防滑,不过可惜周围唔够包身,坐得定,但系上身依然会摇摆。
再试君威 - Ryan  - 粤车无数
 运动型四门车,坐四个人就啱喇。除咗中间坐得唔舒服之外,呢部车冷气咁弱,后排冷气出风口得两个,三个人点够分?
再试君威 - Ryan  - 粤车无数
 过去试君威之前,我喺坐雅阁后排,唔喺坐好耐,不过有少少想呕,坐君威就唔觉。不过呢部车嘅车胎相当之嘈,部车稍微快少少,倾偈都要大声啲。
再试君威 - Ryan  - 粤车无数
 今代别克君威嘅原型车,依然喺欧宝嘅新款英速亚。之前有新闻话欧宝会俾标雪集团食咗,我当时个脑就得四个字——“物以类聚”。因为距地一路以来都喺做紧啲差唔多嘅嘢,简单啲嚟讲,就喺唔喺好注重表面嘅数字,自己整啲自己认为正嘅车,尤其喺底盘调教,好有风味。呢个情况就好似私房菜,你喺俾钱果个,但系食乜就由厨师话事,虽然价钱贵,上菜又慢,但系自成一格。欧宝撤退之后,别克就将英速亚重新调教,所以就有咗呢部唔咸唔淡嘅君威。本来有棱有角,宜家打磨到面面俱圆,有少少似喺社会浸泡咗一段时间嘅年轻人,咦?咁咪同距嘅用家好似?
 
  评论这张
 
阅读(14)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018