注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

旅游有感  

2017-10-22 19:32:21|  分类: 基本理论 |  标签: |举报 |字号 订阅

  下载LOFTER 我的照片书  |
旅游有感 - Ryan  - 粤车无数
上两个月我去咗月亮湾,虽然得几丁人一齐去,但系我都习惯性开部霸道出发。今次去玩,我都喺加咗65升油,就已经够我由桂城去到月亮湾,再喺沙扒湾兜来兜去,回程遇啱高速塞车,我就行江门再过顺德,再行一环再翻桂城,翻到屋企仲有差唔多一格油剩,加92#汽油。
旅游有感 - Ryan  - 粤车无数
 因为用咗A/T车胎,所以高速会嘈少少,不过呢部车本身隔音唔算差,所以就算嘈,都唔影响倾偈。不过呢部车好高,侧面如果有风,部车会摆一摆,虽然我呢部喺VX版,不过就算将底盘降低,将避震调去sport,其实都喺差唔多。第三排虽然坐一个人,不过距都好辛苦,我见距有时坐住有时训低,所以一有服务区我就开入去,大家都落地行下,我又可以洗个面休息下。
旅游有感 - Ryan  - 粤车无数
 我部车喺2004年进口嘅款式,行驶证喺写8座,几年前仲有买年票嘅时候,已经贵过7座或以下嘅车一大截。今次行高速,出收费站果阵又喺要查行驶证,然之后按“客2”呢个标准收钱。
旅游有感 - Ryan  - 粤车无数
 月亮湾距离桂城大约290公里,我用咗4个钟多啲去到。行低速又多急弯嘅路段,霸道嘅弱点即刻出晒嚟,为咗照顾其他乘客嘅感受,转弯唔可以快,要慢慢转,甚至要刻意兜大少少个圈,尽量令到部车唔好摆来摆去,入到镇区路段,人多车多,有时车位都唔够部车大。
旅游有感 - Ryan  - 粤车无数
 去到稍微开阔嘅路段,部车先开始自在啲,一来可以开快D,二来可以随便停车。今次住嘅地方近海边,不过周围都仲开发紧,呢部车行烂路唔喺问题,就算高少少嘅路肩都可以骑上去,有时会落好长嘅斜坡,虽然部车有DAC落斜坡辅助,不过唔用都得,部车一样会好稳定,而且今次好好彩,我带嘅所有随车维修工具都唔使用到。
旅游有感 - Ryan  - 粤车无数
宜家SUV好兴,哪怕喺一部跨界车,都可以应付到稍微复杂嘅路况,所以似乎唔喺好需要霸道呢类车,咁到底喺唔喺后浪推前浪呢?我觉得未必。话走就走出去玩嘅信心,唔喺一朝一夕就有嘅,出到去,仲要翻到嚟。平时都有人问呢部车几时卖,甚至屋企人都会提议换部MPV,讲真,我唔舍得卖。除左因为我之前用好多心机去保养呢部车之外,距自己都好实际,比如冷气好冻,张凳好好坐,视野非常之好,我连搬屋都可以“不求人”,而且我发觉开住距周围走,好少会有车抢位,再加上每一次着车距都好有气势,我好中意听呢啲声。虽然今时今日睇翻呢部车好普通,不过我觉得开车要讲感觉,要讲态度,唔需要因为潮流而换车,再加上就算宜家兴Crossover车,话唔定以后会兴翻硬派越野车呢,只不过喺时辰未到而已。
 
  评论这张
 
阅读(15)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018