注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

森林人2.0  

2017-10-22 19:27:43|  分类: 试车日记 |  标签: |举报 |字号 订阅

  下载LOFTER 我的照片书  |
森林人2.0 - Ryan  - 粤车无数
 今次试呢部森林人,属于第三代。第三代森林人喺2007年年尾出现,日本卖先,北美要等到2008年先有。
森林人2.0 - Ryan  - 粤车无数
 呢一款森林人,车门喺有窗框嘅。虽然距都喺用同年代嘅翼豹旅行车改造,不过冇咗所谓嘅“跑车门”,的确喺冇咁不羁。
森林人2.0 - Ryan  - 粤车无数
 当年呢款车有几款平四引擎可以拣,汽油引擎有2.0自然吸气、2.0涡轮增压、2.5自然吸气、2.5涡轮增压,而柴油引擎就得2.0涡轮增压,柴油版主要供欧洲。特别提一提呢个划时代嘅柴油平四引擎,扫把佬摆咗好多心机落去设计,无论出力水准同排放干净程度都抛离对手嘅同排量款式,而且有6前速手波。
森林人2.0 - Ryan  - 粤车无数
 我屋企之前买过2.5自然吸气引擎嘅款式,虽然已经卖咗,不过我宜家啉翻转头,我都未觉得厌。呢款车有好多暗示,由打开车门果一刻开始,个人会充电。
森林人2.0 - Ryan  - 粤车无数
 森林人喺一部跨界车,所以上落车唔会好似越野车果啲咁要擒上去,亦都唔使好似跑车果啲咁要成个人跌落去,基本上行埋部车,递起只脚扭一扭个身就入咗去。
森林人2.0 - Ryan  - 粤车无数
 对于森林人嚟讲,大玻璃天窗喺好好嘅装备,尤其喺开住部车入去山区,停好车,唔使落车,开天窗企起身就可以亲近大自然。喺市区里面开车,阳光好嘅时候打开块挡板,就算唔开天窗,阳光射入嚟,成个空间都好光猛,再加上车窗玻璃大大只,挡风玻璃又企,有时会有少少越野车嘅错觉,如果塞车,周围都喺矮车,个人会有少少飘飘然。
森林人2.0 - Ryan  - 粤车无数
 虽然耗油量唔喺森林人嘅优势,不过我可以话俾你听,呢款车无论2.0抑或2.5,新车落地头三年耗油量喺好正常,但系去到第四第五年,距会突然之间升高大约2成。
森林人2.0 - Ryan  - 粤车无数
冷气喺某啲日系车嘅强项,不过唔喺全部。森林人嘅冷气比较静,制冷速度唔算好快,有阵好似哈密瓜雪糕咁嘅味,而且侧面玻璃容易起雾。
森林人2.0 - Ryan  - 粤车无数
 呢个喺四前速嘅自动波,有加减波嘅,当年无论买咩款式嘅森林人,只要喺买自动波,就得呢个4AT拣。不过唔好睇小呢个4AT,距起步好直接嘅,至于加减波,超车果阵用就啱,至于高速巡航,引擎转速喺高咗啲。总体嚟讲,呢部车就唔喺俾你喺高速公路片车,而喺喺城市里面穿梭为主,间唔中试下中短途旅游,可以行少少烂路,不过要食靓汽油。
森林人2.0 - Ryan  - 粤车无数
 就算开埋冷气,怠速都唔会好高,通常怠速好低嘅车都会有少少震,呢部车唔会。
森林人2.0 - Ryan  - 粤车无数
 行啲铺到靓一靓嘅市区路,会觉得森林人重心好低,就算突然之间“cut线”,距都唔会摆得好犀利,虽然部车都有翻咁上下高,但系距就好定。
森林人2.0 - Ryan  - 粤车无数
 行啲凹凹凸凸嘅路面,森林人嘅避震反应就唔算好快,有时觉得有少少“淋”。不过就算好高速行呢啲路,都唔会觉得部车松散,有时唔觉意车辘跌咗落一个凼,部车震咗两下,跟住距又好似无嘢一样。
森林人2.0 - Ryan  - 粤车无数
 高速过弯亦都难唔到距,无论条路平坦又好凹凹凸凸都好,距都有一种好坚毅嘅感觉。部车其实几有人性,距唔会成日都聊你踩大油,亦度唔会突然之间吓一吓你,距有一种好得意嘅引擎声,咕噜咕噜.....咁嘅,一踩油就会有,而且转速上落喺好平滑,唔觉得已经跑咗十几万公里。
森林人2.0 - Ryan  - 粤车无数
SUBARU通常都会连埋AWD一齐出现,AWD叫做全轮驱动,属于4WD其中一种。有翻咁上下运动潜力嘅四驱车,一般都会配大马力大扭力嘅引擎,如果四个车辘出力喺固定嘅话,喺适应唔到弯路嘅,所以车厂就同部车装传感器收集数据,经过电脑计算之后就吩咐离合器同差速器做嘢,令到前后轴、左右车辘出力都可以变,咁就可以根据唔同嘅路面情况用尽四个车辘嘅抓地力。
 
 
  评论这张
 
阅读(10)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018