注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

日产D22  

2017-10-21 08:08:13|  分类: 试车日记 |  标签: |举报 |字号 订阅

  下载LOFTER 我的照片书  |
日产D22 - Ryan  - 粤车无数
 皮卡,其实系pick up嘅音译,但系最容易明嘅翻译,应该系“的士头”。的士头其实兴咗好多年,工程公司又好,运输公司又好,甚至乎事业单位都好,总有几部睇门口。今次试呢部日产D22,属于好专业嘅揾食工具,提起D22,唔多唔少都会唸起丰田嘅2400,不过2400系附近已经好少见,D22就多好多。呢部D22同其他的士头一样,一落地都要系货斗后面同侧面贴反光纸,除此之外,原来距个货斗里面喷咗一层胶,装货可以吸震同防滑。
日产D22 - Ryan  - 粤车无数
 D22底盘设计上其实同20年前无乜唔同,用料甚至差咗少少,而且防锈做得好差,两三年车好多部位已经开始锈。
日产D22 - Ryan  - 粤车无数
 6粒螺丝,好多时都会出现系专业越野车,不过D22唔系,虽然距都有四驱版同后驱版,离地距都有翻咁上下,不过距唔系越野车,只能够行一般嘅烂路。
日产D22 - Ryan  - 粤车无数
 骤眼睇,D22嘅前悬挂其实几刚毅,不过距都系为咗运货,就唔系强调反应好快。
日产D22 - Ryan  - 粤车无数
 后面系钢板弹簧,都系为咗运多D货。
日产D22 - Ryan  - 粤车无数
 D22之前无咁多嘅,平时系街见到嘅的士头一般都系庆铃、福田、长城呢D,主要因为距一开始就定到个价好高,高到差唔多可以买两只国货。D22司机位个窗系自动升自动降,镜又系电动调教,不过储物位就唔多,唔怪之得D司机会系挡风玻璃下面放嘢,哪怕有倒影。
日产D22 - Ryan  - 粤车无数
 呢部系用2.4自然吸气引擎嘅汽油车,不过耗油量就唔低,我开咗大概30公里左右,油针已经跌得好明显,而且冷气似有若无,再加上呢部车由出发开始一路震到我落车,个人觉得特别攰。
日产D22 - Ryan  - 粤车无数
包胶嘅太盘,除左成本低之外,最大优点系襟卒。点解唔系扭太,而系“卒”太,你如果见过D公家车司机你就会明白,一台车,N个人用,个个风格唔同,有D系车神,有D系学神。
日产D22 - Ryan  - 粤车无数
 作为一部365日全年无休嘅工具车,踏板嘅布局系非常之重要,除左影响操作之外,仲会影响身体健康。D22三个踏板,落差唔算好大,甚至有少少帮助你容易施展跟趾动作。你唔好以为跟趾系show车技,一个手波老司机,跟趾系一定要识,尤其系开住一部刹车唔系好好嘅车,点样利用引擎刹车系一定要识。
日产D22 - Ryan  - 粤车无数
 手刹同农民车一样,又拉又拧又推,仲要锁得唔系好紧。不过呢种手刹都有好处,一来悭位,二来唔怕副驾驶掂到。
日产D22 - Ryan  - 粤车无数
 开揾食车听收音机系非常之重要嘅,尤其系以前。因为除左成日报天气报路况之外,长期屈系部车度会有一种难以形容嘅寂寞。
日产D22 - Ryan  - 粤车无数
 5前速手波,波棍非常之长,好处系离太盘相对近,但系有时倒档入唔到,要踩多次离合,3档同5档有时都好难入。离合行程都好长,要放好多先接合到。
日产D22 - Ryan  - 粤车无数
 揾食车最怕食牛肉干,因为好可能果日就白做,所以好多司机都会装翻个探测器同记录仪。D22视野几好,坐得高,周围都好通透,唯独系倒后镜睇到两个头枕,有少少阻视线。
日产D22 - Ryan  - 粤车无数
 工具车虽然系预咗污糟邋遢,但系如果清洗容易,问题都唔大,比如呢部车咁,凳、门板、天花板都包咗胶,一抹就干净。
日产D22 - Ryan  - 粤车无数
 后排系局促咗D,不过你见距咁新净,都应该估到几年都无乜点搭人,最多都系放箱水。
日产D22 - Ryan  - 粤车无数
 D22转弯半径其实都唔大,掉头同变线都好轻松,虽然个人好攰,但系都唔会轻易训着,因为部车震得好犀利,好弹跳,一想训就即刻比距震醒。我同平时开呢部车出去做嘢嘅司机倾过,距就话部车冷气好差,呢排日日都三十几四十度,但系又局住要出去,所以次次都系快手快脚做完嘢就落班,完全唔想逗留。
 
  评论这张
 
阅读(10)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018