注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

GT游戏甩尾练习(2个视频)  

2017-07-01 10:58:26|  分类: 游戏试玩 |  标签: |举报 |字号 订阅

  下载LOFTER 我的照片书  |
GT游戏甩尾练习(2个视频) - Ryan  - 粤车无数
GT系列我一直都好中意玩,由PS1游戏机嘅GT1、GT2,到PS2游戏机嘅GT3、GT4,再到PS3游戏机嘅GT5、GT6,甚至系因为GT赛车先去买新出嘅PS游戏机。GT系列其实唔系游戏咁简单,因为好比心机去还原一部车,十几年嚟都系优化为主,咁当然亦都会加入新款车。最初嘅GT,系一个单机游戏,宜家可以单机,亦都可以上网搂抽,之前欧洲都有举办过比赛,赢左嘅就有机会揸部真嘅赛车落场。
GT游戏甩尾练习(2个视频) - Ryan  - 粤车无数
之前我都有介绍过,我买左一个固定太盘同踏板嘅支架,然之后我再驳一截座椅支架。不过为左练习甩尾,太盘成日都会好大角度扭转,而且速度要好快,所以里面个马达好容易热,之前亦都坏过。为左降温,我用空调扇摆系支架前面,然之后用纸皮整左一个通道,引D冻风去太盘度。宜家咁搞完之后,玩通宵都唔怕。
 呢个系之前我整支架嘅视频。
GT游戏甩尾练习(2个视频) - Ryan  - 粤车无数
太盘后面系马达,有个罩罩住,上面D窿仔用黎散热。我整呢个风道,冻风会分两层,下面果层会直吹马达保护罩前面,我系里面开左几个窿,冻风可以吹到里面。呢个纸皮通道系可以上下分几级调节,上面果层冻风吹过保护罩上面果阵,可以将D热风抽出嚟。GT游戏甩尾练习(2个视频) - Ryan  - 粤车无数
我一路都系用罗技嘅G25,不过已经停产,但系距又未坏,所以我都未去买个新嘅。除左可以用呢个6前速嘅手波之外,都可以用前面呢个扭制调成前后推拉,亦都可以用太盘后面两只拨片。
GT游戏甩尾练习(2个视频) - Ryan  - 粤车无数
离合、刹车、油门,全部都系渐进嘅,不过踏板后面好容易积尘,所以隔一段时间就要抹,里面就用吸尘机吸。之前试过因为有尘系里面,刹车有少少卡住左,即系踩油门果阵有时会自己刹车,好唔爽,所以我就拆开距,清洁干净之后就正常翻。
之前我拍嘅GT甩尾视频,基本上都系用原装车,今次就用一部经过少少改装嘅丰田SUPRA练习。用原装车嘅话,比较容易同朋友交流技术,因为部车系统一嘅,就可以研究下踩油踩几多,刹车踩几多,边度开始飘,边度开始反方向。我就唔用手刹嘅,不过有D朋友中意,咁呢样系个人选择。改装嘅话,目的系要部车较到好就手,亦都可以睇住唔同嘅赛道嚟调教,不过每次都系微调,因为好大幅度调教嘅话,有时部车会更加难控制,睇情况。虽然系游戏,但系GT对于部车嘅物理模拟都做得好足(以当年来讲),所以对于现实里面玩甩尾系有帮助。甩尾好讲究油门、刹车、太盘之间嘅配合,要经常练习,如果有一段时间无练习,就会觉得好陌生。
 
 
  评论这张
 
阅读(14)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017