注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

GL8 2.0  

2017-06-05 17:02:33|  分类: 试车日记 |  标签: |举报 |字号 订阅

  下载LOFTER 我的照片书  |
GL8 2.0 - Ryan  - 粤车无数
GL8好出名,出名到其实吾使卖广告都得。十几年前已经开始系中国打江山,再加上当时同类型MPV无乜选择,所以都统治过商务领域一段时间。原因好简单,部车系好有气势,坐系里面望出面,的确系会觉得系度巡视,而吾系游车河咁简单,而出面嘅人望呢部车,吾多吾少都会好奇,坐系里面系咩人。
GL8 2.0 - Ryan  - 粤车无数
 今代GL8,其实居家左好多。储物空间多左好多,而且内笼气氛都好温馨,开同坐都无乜压力,吾似以前嘅GL8,一上车,好似赶住去倾生意咁。
GL8 2.0 - Ryan  - 粤车无数
 MPV无论点包装都好,服侍乘客系最主要。不过呢部车第一排系最好坐,好坐过第二排,而第二排又好坐过第三排。无论坐边一排,冷气都系好平均,而且好静。
GL8 2.0 - Ryan  - 粤车无数
第二排可以前后移动,如果移到最后,脚位大概系咁多。
GL8 2.0 - Ryan  - 粤车无数
 第二排有脚托,升起之后,亦都可以较斜D张凳,咁个人就可以摊系度。不过咁样坐系吾舒服嘅,点解咁讲呢?其实呢部车D凳,我觉得距有少少似卡迪拉克XTS果D,即系摸落系硬身嘅,而且凹凹凸凸整左好多设计黎固定你个人,不过都系麻麻地。
GL8 2.0 - Ryan  - 粤车无数
 另外,如果摊系度坐,其实只脚都会店到前面嘅凳背。呢部车仲有样野几古怪嘅,就系有时觉得部车好贴地,但系有时又觉得好离地,而且司机开得稍为快少少,坐第二排同第三排嘅人就好紧张,有时会下意识想稳野扶稳。
GL8 2.0 - Ryan  - 粤车无数
 BOSE音响好多车都有,吾出奇。同音响相比,呢部GL8改进左好多睇吾到嘅零件。之前嘅GL8,如果急刹,刹车踏板踩到就快尽之前,刹车力度有时反而会虚一虚。另外,之前嘅GL8,去到红绿灯就黎停低,引擎有时会有少少哮喘,今代就无呢个问题。
GL8 2.0 - Ryan  - 粤车无数
 隔音对于MPV来讲好重要,呢部车有双天窗,试车过日行过隧道同桥底,基本都可以做到与世隔绝。
GL8 2.0 - Ryan  - 粤车无数
 突然之间落大雨,雨水打落玻璃,都吾觉得特别大声。
GL8 2.0 - Ryan  - 粤车无数
引擎系两公升直四,有涡轮机,力量绝对够,不过有时吾系好顺畅。波箱反应吾算快,有时觉得同引擎有少少斗力。如果系MPV,咁设定反而系岩嘅,因为如果控制吾到引擎输出,做吾到好顺畅,咁不如吾好用咁大力嘅引擎。如果买呢部车黎开,其实距都吾差嘅,尤其系行烂路,成部车都好实净,虽然部车转弯都系会“啷”,但系车胎依然可以好啜地。GL8今代嘅设计其实有少少似翻欧系嘅MPV,即系吾会好刻意搞所谓嘅“老板位”,坐系呢部车里面,其实一车都系老板。
 
 

 

 
  评论这张
 
阅读(7)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017