注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

工欲善其事,必先利其器  

2017-04-27 00:42:09|  分类: 基本理论 |  标签: |举报 |字号 订阅

  下载LOFTER 我的照片书  |
工欲善其事,必先利其器 - Ryan  - 粤车无数
有网友留言问我系边度整车,甚至有D会问我档口系边,诸如此类。图片呢个地方,成日都会系我嘅文章配图或者视频里面出现,呢度系我屋企车库其中一个转弯位,我一般都系系屋企整车。其实我唔系从事汽车行业嘅,我之所以整呢个公众号,主要都系提倡DIY简单嘅维修保养,搞下小科研咁,亦都希望通过试车日记,展示另外一种睇车嘅角度。今次我就介绍下,平时整车我系用咩工具。
工欲善其事,必先利其器 - Ryan  - 粤车无数
3T千斤顶,之前我都系用2T为主,但系自从买左只丰田霸道,就顺便买多一个千斤顶。图片可能睇唔出,其实两个士巴拿都系超大嘅,我之前买过E36 325,巨型士巴拿主要用黎拆离心风扇。界机除左用黎界断生锈嘅零件之外,亦都可以装砂轮打磨。
工欲善其事,必先利其器 - Ryan  - 粤车无数
界刀好好用,尤其细呢把,好多时都用黎破线。大力钳好好用,可以用黎固定,甚至有时唔够位用螺丝批,或者粒螺丝生锈得太犀利用唔到螺丝批,都可以用大力钳。
工欲善其事,必先利其器 - Ryan  - 粤车无数
唔同牌子嘅工具,误差都有分别,但系我又发现,车上面嘅螺丝,亦都有误差,所以我保留翻好多标号一样但系实际有分别嘅工具。图片右下角有两支断左嘅梅花,因为有时想要大尺寸D嘅梅花,但系大梅花通常都无短嘅,唔系好好落手,所以我就整断距,宜家我觉得好好用。
工欲善其事,必先利其器 - Ryan  - 粤车无数
套筒配合滑竿同驳杆,可以有好多变化,不过有D朋友过黎借工具,有时会唔见左,有D就还翻一个唔同尺寸嘅比我,迟D要买多一套先得。拆机油隔嘅扳手同拆火嘴嘅套筒都几经常用,反而果套花匙就唔系好经常用。
工欲善其事,必先利其器 - Ryan  - 粤车无数
砂纸同海绵、美纹纸,之前DIY喷漆嘅文章介绍过,至于果条好幼嘅水管,系用黎吸机油嘅。扎带系用黎急救嘅,有时甩线或者甩胶件,都可以用黎固定,所以扎带会同打气泵、补胎液、牛筋、胶水,一齐跟车。
工欲善其事,必先利其器 - Ryan  - 粤车无数
螺母,螺杆,戒指,呢D都好经常用,本来成碟都系满嘅,宜家得翻咁多,迟D要去入翻D先得。系屋企整车,好难做D好复杂嘅维修,尤其要升起车底先做到果D。
工欲善其事,必先利其器 - Ryan  - 粤车无数
工欲善其事,必先利其器 - Ryan  - 粤车无数
过江龙虽然周街都有得卖,但系我都系自己整,几靓料嘅,而且我系专登整到好长好长。因为我屋企停车系打竖停,可以停三到四部。如果停最入面果部无电,中间呢部车又无电,长嘅搭电线就好有用。除左搭电之外,电线表面通常都有沙沙石石,线够长就可以尽量兜远D,唔使刮花车身。
工欲善其事,必先利其器 - Ryan  - 粤车无数
机油隔,一种有铁壳,一种就咁得个芯。刹车皮我都有备用嘅,不过就唔多。VDO果盒系怠速马达,新嘅,未用过,同刹车皮一齐都系预别克凯越用嘅。右下角系丰田旧款嘅锁匙胚,如果想配多条锁匙,就唔使周围搵,屋企有一两个。
工欲善其事,必先利其器 - Ryan  - 粤车无数
机油,波箱油,尾牙油,刹车油,液压油,有D系未开嘅,有D系用剩嘅。
工欲善其事,必先利其器 - Ryan  - 粤车无数
手喷漆,主要都系黑色,银色,白色,同埋光油,细范围嘅补漆我都系用呢D。
工欲善其事,必先利其器 - Ryan  - 粤车无数
其实我系好唔建议用车衣嘅,车衣表面上系保护到车身,但系如果天热或者连续落雨,热气会系里面局住,而且水汽系好难走,所以都系用布。呢D布系我朋友送比我嘅,距系开牛扒屋嘅,距成日都话距D台布好滑,送左一沓比我,我都觉得几好。
工欲善其事,必先利其器 - Ryan  - 粤车无数
呢个防撞嘅设计,灵感系来自码头,除左防撞之外,好有家嘅感觉。虽然系简简单单两条旧车胎,不过个感觉就好似一只船,出去经历风风雨雨,最后都可以平平安安埋岸咁。
 
 
 
 
 
 
 
 
 
 
 
 
 
  评论这张
 
阅读(19)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017