注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

江湖味  

2017-04-10 19:47:56|  分类: 试车日记 |  标签: |举报 |字号 订阅

  下载LOFTER 我的照片书  |
江湖味 - Ryan  - 粤车无数
以前一提起广本,基本上都系讲紧雅阁。本田雅阁对于长期系广州佛山生活嘅人来讲,就好似屋企附近嘅街市咁,日日经过,日日见住,所以就算有咩唔同左都会即刻知道。
江湖味 - Ryan  - 粤车无数
以前嘅雅阁无咁大部。如果遮住个本田标志,你话距系咩车都得,因为距个款其实唔系好“本田”。特别提一提呢个LED头灯,好睇唔好用,光系够晒光,不过系对头车见到距光,因为如果坐系车里面,会睇到D光照得好散,夜晚开车都几伤神。
江湖味 - Ryan  - 粤车无数
草都生埋,证明呢部车已经系停车场摆左好耐。
江湖味 - Ryan  - 粤车无数
开门嘅感觉同以前好唔同,以前嘅雅阁车门松松泡泡,宜家呢部车嘅车门,有少少厚重。不过呢种厚重感觉,得两只前门有。
车身肥左,不过内笼空间其实同上一代差唔多。太盘越来越多制,后面仲有拨片,不过对于呢部车黎讲可有可无。坐姿虽然可以好矮,但系因为新款车嘅腰线拉高左,所以坐得太低视野反而唔系几好,但系如果坐得高,又唔似开雅阁。
江湖味 - Ryan  - 粤车无数
虽然多左个屏幕,但系仪表板嘅资讯同以前无乜太大出入,不过今代嘅仪表板灯光就进步左,尽量令到日头同夜晚睇都唔会觉得只眼好攰。
江湖味 - Ryan  - 粤车无数
冷气抵赞,又静又冻。如果驳iphone,屏幕就会变成咁,可以听歌同导航。虽然屏幕功能多左,但系如果系司机位望过去,有时会反光。
江湖味 - Ryan  - 粤车无数
耗油量视乎驾驶习惯同路况,雅阁2.4嘅耗油量唔会好夸张,基本上同2.0嘅雅阁差唔多。不过我觉得开车,尤其开本田车,首先应该啉下够唔够“爽”,而唔系一直睇住个油表黎开。
江湖味 - Ryan  - 粤车无数
CVT虽然会打滑会溜车,但系由于距本身设计系相当于有“无限咁多个档位”,所以如果设定得好,理论上系可以发挥到引擎嘅力量。头先我讲过,呢部车嘅拨片,可有可无,因为呢个CVT其实都有D功力。如果慢慢开,其实距都几似AT,因为如果你开过以前嘅雅阁,入D档,就算你唔比油,距都会自己越行越快,呢部车都会。不过入R档倒车好似无乜力,有时要比少少油。如果你中意大脚油开车,其实都会察觉得到,波箱系想尽力配合你,你揸稳堂太照比油就得,唔使理个转速表系度浮浮沉沉,亦都唔需要用拨片刻意加加减减。
江湖味 - Ryan  - 粤车无数
因为车身大左,所以受力位亦都要改良,底盘中间亦都多左几条骨。虽然有进步,但系睇得出距计数计得好尽。
江湖味 - Ryan  - 粤车无数
以前嘅雅阁,前悬挂曾经用过双摇臂嘅设计,今代用左麦花臣。理论上,双摇臂受力系全面D,不过双摇臂复杂D,要预留多D位先装到。宜家新设计嘅麦花臣其实都唔差,轻巧D,悭位D,至于对抗车身侧倾同前后冲力,亦都可以用避震机同虾须去就翻。
江湖味 - Ryan  - 粤车无数
一部家庭车嘅悬挂零件,其实无乜必要太计较铝合金造定系铁造。我可以话比你听,如果讲襟用,铁嘅仲襟,而且万一要换件,铁零件都会平过铝合金件,呢个系事实。
江湖味 - Ryan  - 粤车无数
呢部车用左电子助力嘅方向机,手感偏轻,不过轻唔代表指向唔准,呢部车无呢个问题。
江湖味 - Ryan  - 粤车无数
防锈系呢部车嘅弱点。如果你都系买左同款车,我系好建议重新做防锈,如果你犹豫紧,你可以去任何一间维修店,你会见到果层胶其实覆盖范围好小,如果你用指甲刮下距,距会一片一片跌落黎,而且好薄。
江湖味 - Ryan  - 粤车无数
其实本田都好比心机造呢部雅阁,起码距依然好好开,亦都好易上手,只不过有D所谓“高科技”嘅设计其实唔系好好用。呢部车就好似一个中佬咁,以前有D经历,宜家都仲好抽得,不过就要食好多保健品,要做好多锻炼去维持距嘅实力。唔打烂仔交,上左岸,家庭为重,但系果阵“江湖味”,其实仲系度。
 
 
 
 
 
 
 
 

 
 
 
 
 
  评论这张
 
阅读(29)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017