注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

零件决定维修  

2017-03-14 09:31:43|  分类: 基本理论 |  标签: |举报 |字号 订阅

  下载LOFTER 我的照片书  |
零件决定维修 - Ryan  - 粤车无数
无论你系想DIY定系开部车去比人整,都要买零件。如果你惯左“淘宝”,咁呢篇文章你就唔使再睇落去。如果你同我一样,都系习惯“徒步”买件,可能你会有共鸣。点解要用成日时间行零件铺,除左格价同睇下零件质素之外,最紧要系同人倾偈,因为呢D人超级好记性,咩车坏咩零件多,问距好过上网。广州嘅零件铺头算比较集中,睇落好多档口都系卖一个牌子嘅零件,但系就唔系间间有现货。因为我自己研究奔驰宝马奥迪为主,间中店下保时捷别克丰田,所以会重点讲下呢几个牌子嘅零件。
零件决定维修 - Ryan  - 粤车无数
 奥迪房车嘅零件算易买易搵,好多都唔使订,比如A6L嘅传感器、悬挂零件、引擎零件,基本上都齐嘅,甚至乎A4或者A4L果D想换个波箱,或者整波箱换离合器,都系即刻有嘅。至于Q3,Q5,Q7果D,都可以试下用奥迪房车嘅零件,甚至大众果D。另外提一提奥迪四驱车,虽然都系叫“Quattro”,但系唔同时期嘅奥迪四驱,性格系好唔同。新出呢D,就算A6L 50TFSI咁大部都好,其实都好有进步,尤其系D高速弯,不过亦都因为奥迪用左好多传感器去收集数据,而且装嘅位置无乜遮挡,所以坏嘅机率都系高D。
零件决定维修 - Ryan  - 粤车无数
 至于宝马,零件都齐嘅,不过就唔好成日啉住“原厂”,因为系无“原厂”嘅,比如传感器唔会系宝马造,传动轴唔会系宝马造,差速器唔会系宝马造。另外,原厂唔一定系最好,因为原厂零件都有可能有缺陷,如果唔系就唔会有咁多召回,所以可以拣D改良过嘅零件。宝马嘅零件我一般都买开几个牌子,比如TRW,VDO,Contiental,四门子,呢D我都用过,我觉得都几好。引擎方面,我玩紧嘅都仲行紧N46B20,所以维修黎讲唔会好复杂,而且都多配件,都系即刻有嘅,唔使订,但系如果新出果D有TURBO嘅,就难D喇,要订。至于宝马嘅四驱车,X3,X5,X6果D,都系引擎问题多D,而且水喉都系无乜现货。
零件决定维修 - Ryan  - 粤车无数
 奔驰嘅话,好多都无货嘅,尤其系S350嘅传感器果D,4S自己都无货,走匀几个汽配市场,几间零件铺凑齐四条咁,真系摞命。另外提一提,E仔由W212开始跟S级用太波设计,新出嘅C仔都系,不过太盘后面支波棍系唔通用嘅。初头开呢D车会觉得有少少似Van仔,但系习惯左会觉得几好用,尤其系窄路掉头要好频繁转R档同D档,系几方便。引擎方面,就要特别留意正时嘅问题,尤其系M271同埋之后嘅型号,果条正时链系会走嘅,点火同排气嘅时间会出错。内饰零件嘅话呢,因为距本身用好多环保料,所以日子一耐D饰件都系会自己甩出黎,同埋会有D好似花生壳碎咁嘅粉,周围飞,内饰零件都系要订货。
零件决定维修 - Ryan  - 粤车无数
 
ALFA同FIAT嘅话,零件暂时都系好难搵,海淘唔系唔得,但系下下都要飞过黎,嘥时间又容易买错,所以如果想买呢两个牌子嘅车,应该啉啉维修跟唔跟到先,尤其系呢期好红嘅AR朱丽叶。至于积架呢,就分开国产同进口,进口积架零件都系好多都无货嘅,国产嘅稍为好D,但系都唔齐嘅,而且价钱都好贵。路虎零件就一时一时,极光嘅零件系多D,其他都无咁齐料,不过我比较过,其实距有D零件可以用积架果D,比如换挡果个扭掣。积架同路虎都系D好有性格嘅人买,如果你真系啉住买,咁最好有心理准备,因为真系几多野整,又成日都要搵车房搞嘅,好多时都要电脑编程。咁至于保时捷方面呢,就分两条线,难搵件嘅车就系Boxster,Cayman同帕纳美拉,相对无咁难搵件嘅就Cayenne同Macan,Macan就易少少,尤其2.0果只。
零件决定维修 - Ryan  - 粤车无数
如果啉住买部车黎日日用呢,雷诺就唔好啉喇,今年雷诺嘅零件档口都缩到得翻一两间,仲要系无现货,基本都要订货。双龙又系,绅宝又系,欧宝又系,有档口但系无零件咁样,部车无事就梗系型啦,但系一要整车你就真系甩唔到身。
零件决定维修 - Ryan  - 粤车无数
  咁至于标致同雪铁龙又点呢?有国产嘅又有进口咁样。我可以话比你听,国产一样好难买件,比如呢个我买过嘅标致307保险丝盒,就得翻呢一个,仲要系崩左只角嘅,但系用得都要买,几贵都要买,因为呢个野坏左,部车完全用唔到。零件铺亦都唔多,一两间咁,所以总括来讲呢D牌子都系偏门D。别克嘅话,零件唔算好贵,贵大众嘅少少,而且新旧款车型都有零件可以通用,呢样几好,不过别克嘅车,电脑系比较敏感。
零件决定维修 - Ryan  - 粤车无数
丰田嘅话,买零件都系要分车型,最起码唔系乜丰田嘅零件都容易买。比如呢部2004嘅霸道,分动箱油封漏油,无错,汽配市场有得卖,而且有好多牌子可以拣添,所以呢个时候就唔系比较价钱,而系比较零件嘅用料同质素,虽然成个过程都好烧脑,但系无办法。睇零件嘅质素,主要系睇设计同用料,不过呢D要经常睇经常摸,唔系话一时三刻就可以识,所以点解要经常行配件市场,点解要经常试车,点解要试下维修,点解要尽量经历多D,如果唔系咁,根本无感觉。
 


 
  评论这张
 
阅读(22)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017