注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

点睇A同C  

2017-02-26 17:48:43|  分类: 试车日记 |  标签: |举报 |字号 订阅

  下载LOFTER 我的照片书  |
点睇A同C - Ryan  - 粤车无数
 好多人话A仔系最“cheap”嘅奔驰,我估距地系净系睇个价钱,无留意部车嘅设计。不过都唔出奇,行入去4S店,车行都系话A仔“潮”同“首期少”,完全无解释过机械有咩突破。不过唔紧要,你如果够细心,而且你好熟悉头辘车,就会发现其实A仔一D都唔cheap,甚至会觉得工程师落左好多心机。
点睇A同C - Ryan  - 粤车无数
 打开个头冚,会见到有机油尺。机油尺有咩咁特别呢?唔知你记唔记得,我之前介绍过宝马1系同奥迪A4系用电子机油尺,用传感器去计机油剩翻几多。如果你开过果两只车,你升起车底会睇到,10部有9部唔系坏呢个传感器,就系传感器周围漏油。机油尺虽然睇落简单,但系你唔好唔记得,A仔系代步车,少一样烦恼系好事。
点睇A同C - Ryan  - 粤车无数
 上一代A仔嘅刹车油壶系好细个,而且刹车压力都系好弱,今代除左加大左之外,油壶走左去塔顶隔离,尽量避开引擎嘅热气。至于避震机塔顶,今代除左加焊之外,多左几条骨位,而且角度大左,因为上一代几乎系平嘅。
点睇A同C - Ryan  - 粤车无数
 雨刮虽然都系两支,但系其中一支同其他车都好唔同,因为用左两支摇臂驱动,雨刮一摆,长果支臂会推支雨刮出去,等距扫得远D,雨刮差唔多行到一半,短果支臂会拉翻翻黎,咁就唔会同另外一支雨刮打交。呢个设计好早就有,尤其系当年嘅奔驰跑车SL R129,距得一支雨刮,都系咁设计。
点睇A同C - Ryan  - 粤车无数
 今代A仔引擎嘅脚位,其实有少少似VOLVO果种,如果睇受力,会集中系侧面同下面,万一撞到正,引擎应该会打斜跪落车底,唔会一路逼入防火墙。
点睇A同C - Ryan  - 粤车无数
点睇A同C - Ryan  - 粤车无数
 为左应付新嘅Small overlap撞击测试,新款A仔车头两边多左两支杆。Small overlap即系模拟对头车撞击,但系唔系撞到正,系撞一只角。
点睇A同C - Ryan  - 粤车无数
水箱后面系引擎电脑,靠传感器收集信号然之后控制点火同喷油。为左避开引擎热气,走左去风隔前面。呢个位置有时会比生风吹到,可以帮手散热。
点睇A同C - Ryan  - 粤车无数
 不过电子节气门就收埋左,仲有几条喉管遮住,唔容易落手拆。
点睇A同C - Ryan  - 粤车无数
 插头唔防水。如果用化学药水洗引擎表面,呢D插头要搵野包住。今代A仔系用ZF造嘅电子太,就算系前辘带动,D弯都好靓,太感好过1系果个,但系1系果个电子太都系ZF造嘅,估计系两间车厂要求唔同,出来嘅效果都好大分别。
点睇A同C - Ryan  - 粤车无数
睇完A仔睇C仔。今代四门C仔编号系W205,有国产有进口。距迟出世过A仔,所以一开始已经设计埋应付Small overlap嘅弯位,系IIHS嘅撞击测试里面摞到好高分。
点睇A同C - Ryan  - 粤车无数
 不过新款唔代表乜嘢都系新,距有D设计系走翻转头,比如呢个引擎电脑,走左去引擎隔离,热气会一路“蒸”呢个电脑。
点睇A同C - Ryan  - 粤车无数
 呢个巨型嘅“饭盒”,其实系一个冷却器。涡轮增压,靠废气吹涡轮机,涡轮机抽生风,不过生风加压之后会热,热嘅话氧气含量好低,所以就要一个冷却器,减低入风温度。一般嘅涡轮增压车,会装一个“中冷”系头泵把里面,“中冷”即系放系中间嘅冷却器,部车行嘅时候会撞风,增压嘅空气经过“中冷”之后无咁热,然之后先入去引擎。不过C仔呢个就唔系靠撞风散热,距其实系“水冷”,里面有冷却液,帮增压过嘅空气降温。
点睇A同C - Ryan  - 粤车无数
 风隔都系用翻旧时嘅设计,摆位就参考左以前嘅M271引擎。
点睇A同C - Ryan  - 粤车无数
 机油隔装系引擎前面,易落手,换系无难度,好过上一代。
点睇A同C - Ryan  - 粤车无数
 头冚嘅油压杆,外壳系胶嘅,两边塔顶附近有条撑杆,学左3系。
点睇A同C - Ryan  - 粤车无数
 塔顶造型有少少似ATS果个,虽然系咁,今代普通版嘅C仔,都唔系想行跑车化路线,甚至乎底盘都无上一代W204咁厚实。最有惊喜系油门反应唔同左,而且油门嘅比例同上一代都好唔同,上一代“踩少少”同“踩多少少”系差好远,今代好明显可以一段一段慢慢放大。
 
 
  评论这张
 
阅读(20)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017