注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

凯美瑞,唔简单  

2017-02-25 15:09:08|  分类: 试车日记 |  标签: |举报 |字号 订阅

  下载LOFTER 我的照片书  |
凯美瑞,唔简单 - Ryan  - 粤车无数
 凯美瑞呢款车,好街。街到咩程度呢?如果系市区,见距多过见花冠。点解咁多人中意凯美瑞?我专登问左6个唔同职业嘅人。

第一个系我亲戚,距嘅理由好离奇,就一句“唔系买咩车啊?”

第二个系医生,距话系同事叫距买嘅,虽然距当年想买雅阁。

第三个系供电局嘅职员,距个理由比较世故,“低调吖嘛,唔同开部车贵过主任啊?”

第四个系退休单位司机,距话买凯美瑞,纯粹系信丰田。

第五个系我小学同学,辣妈一个,距话部车系老公换车之后比距开嘅,无乜特别原因。

第六个系卖保险嘅,距部车跑左30几万公里,距个理由同我小学同学差唔多,部车系距老逗比距开嘅,距接手果阵部车行左9万公里。

凯美瑞,唔简单 - Ryan  - 粤车无数
 当年国产嘅凯美瑞,虽然车尾系贴住“CAMRY”,但系距又唔系之前见惯嘅日本版或者美国版佳美,距其实系参考澳洲嘅丰田Aaurion。不过身世唔重要,最重要系距改左佳美嘅缺点。佳美乜都好,就系车架弱,但系当年呢款车参加撞击测试,其中有一关系“车顶承压能力”,距居然可以承受17600磅,成绩仲好过当年嘅宝马5系同奥迪A6。
凯美瑞,唔简单 - Ryan  - 粤车无数
 一路以来都有人话凯美瑞平凡,话距无瘾,咁呢D人应该唔系好明白,咩叫“细水长流”。好似呢个太盘咁,如果讲太环,距系偏幼嘅,而且成个太盘系偏大嘅,点解要咁设计呢?因为转弯扭太会觉得轻松。凯美瑞避震好淋,稍微开快少少,一扭太部车就会“浪”一“浪”,但系都唔会“浪”好耐,起码唔会觉得惊。如果讲驾驶感觉,凯美瑞就四个字,“纯粹代步”。
凯美瑞,唔简单 - Ryan  - 粤车无数
 车真系要靠保养,就算原装嘅装嵌几靓都好,如果唔锡住用,部车一样好快残。如果唔话你知,你会唔会估到呢部车已经行左21万公里?另外提一提,凯美瑞系好容易偷嘅,所以当年买车嘅人都好中意装暗锁,有D系啪啪制,有D系电控,有D会将暗锁制同镜制二合一,着车要噤住果粒制一齐着先着到,真系神不知鬼不觉。不过呢D改油路电路嘅暗锁有时会神神地,所以买易手车嘅时候要特别注意。
凯美瑞,唔简单 - Ryan  - 粤车无数
 好多前驱设计嘅车,中控台呢个马鞍位都系造到好矮。不过凯美瑞就专登加高距,有少少后驱车嘅错觉,而且我之前都讲过,人同人之间系要有一定嘅距离感先会觉得安定。呢部凯美瑞用左5前速自动波,耗油量其实唔低,但系感觉上好顺滑。波箱有加减模式,反应一般般,好难开到好chok,不过如果细心留意,其实距升档好明显快过降档。
凯美瑞,唔简单 - Ryan  - 粤车无数
 虽然睇落好似改装,但系呢D制系原装嘅。以前觉得电暖凳无乜用,不过呢几日冻得咁交关,有加热真系好过无。另外,后排有电尾帘,不过可能长期唔用,有时升起会有哒哒声,但系距都无出轨。另外提一提,如果车有好多电子设备,全部开晒有时引擎都会震一震,但系呢只凯美瑞好似无呢个问题。
凯美瑞,唔简单 - Ryan  - 粤车无数
 呢两粒制系比后排乘客用嘅,如果前面无坐人,后面果个就可以将前面张凳较到好前,而且可以将凳背尽量噤低,咁就可以加大后面嘅脚位,而且唔会阻住望前面。不过较完张凳要问下开车果个人,因为个头枕可能会阻住司机望右边嘅倒后镜。
凯美瑞,唔简单 - Ryan  - 粤车无数
凯美瑞唔算细,后排地下中间都唔会凸起好高,不过后排冷气出风口就设计得麻麻地,如果系左边过去右边,有时会顶到膝头哥。无论前排定后排,张凳都系好软熟,再加上凯美瑞本身无乜跑格,所以索性整平个凳面,方便上落。呢个世界有车厂造专业性能车,亦都有车厂造专业家庭车,凯美瑞,好专业。
凯美瑞,唔简单 - Ryan  - 粤车无数
 当时呢只车卖得都几贵,所以会有收费嘅秘书台同救援服务。特别提一提呢D救援服务,以前可能系好好嘅,不过宜家买份保险或者开张信用卡都有救援服务。至于秘书台,宜家手机咁先进,功能已经好齐,无都唔紧要,可能因为咁,好多人都无继续交钱用G-book。
 
  评论这张
 
阅读(18)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017