注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

乜嘢系豪华车  

2017-02-24 19:40:18|  分类: 基本理论 |  标签: |举报 |字号 订阅

  下载LOFTER 我的照片书  |
乜嘢系豪华车 - Ryan  - 粤车无数
 买豪华车可以有好多理由,有D人系为左做生意,比如你开部车值成百万,你走去倾D七八十万嘅订单会好有信心。有D人系为左埋堆,尤其系想结识嘅人几乎都系揸呢D车,好自然会想买,唔够钱嘅可能会啉办法供。有D人系为左维持关系,距本身唔等钱用嘅,对车亦都无乜要求,比身边D朋友怂恿几次,于是就“年晚煎堆,人有我有”。除此之外,仲有D系真心中意呢款车,买黎自己叹。
乜嘢系豪华车 - Ryan  - 粤车无数
 世界上有咁多豪华车,S级应该无乜人唔识,就算唔识S乜乜,都识得大奔。S级一路都系坚持豪华感觉,虽然近几年嘅款式有少少运动感,不过依然系一部舒服车。虽然距系想造到部车好舒服,但系每个人嘅要求唔同,身形可能又有出入,你话自己已经造到豪华,我觉得有第二部车豪华过你,一D都唔出奇,纯粹系个人喜好。
乜嘢系豪华车 - Ryan  - 粤车无数
 豪华车普遍都会装贵价音响,不过音响对于豪华车来讲其实唔系最重要。如果你有司机,经常坐豪华车,其实你唔会一上车就叫距播歌,因为你系会玩手机,或者同人倾下计。S级嘅音响,听收音机系好正嘅,清楚得黎唔会好似老师讲课咁恰眼训,不过如果好专心玩紧手机,未必会留意到。
乜嘢系豪华车 - Ryan  - 粤车无数
 宜家仲走去买CD嘅人,我觉得系好有追求。呢D系态度问题,如果一个人净系识得摞免费资源,咁就唔会明白呢个世界乜嘢都系等价交换,甚至唔识得尊重知识产权。
乜嘢系豪华车 - Ryan  - 粤车无数
 豪华车好注重质感,但系质感好唔等于质量好。质感其实好睇个人经历,如果一个人系第一次接触车,无对比嘅话,感受唔会好深,最多系觉得部车好紧实,好精致。如果系一个睇惯靓野嘅人,坐下张凳,噤下D制,闻下阵味,摸下D皮,都可以讲足一日。
乜嘢系豪华车 - Ryan  - 粤车无数
 豪华车唔系乜嘢都有用,有D系纯粹用黎衬。一个豪华车嘅用家,就算无手表,都会有手机,睇时间唔系问题。如果有司机,你就算无手表无手机都可以问距几点。咩系豪华?有人服侍先系最豪华。
乜嘢系豪华车 - Ryan  - 粤车无数
 有司机嘅话,无必要坐S级嘅前排,唔系话前排唔舒服,而系无乜距离感。人同人之间,系有最舒服嘅距离,太埋唔得,太远唔好,所以豪华车嘅内笼一般都唔会短,后排乘客同开车嘅人有距离,都系会觉得有人服侍。另外提一提,就系冷气出风口嘅位置,唔应该吹面,因为呢部车有D皮味,冷气又系有味,两种味沟埋,有时会想呕。门板上面都有制可以调校后排,虽然训低角度唔大,但系后排都几贴身,承托力几好。特别提一提,我坐后排唔会翘脚。
乜嘢系豪华车 - Ryan  - 粤车无数
头枕有屏幕,可以驳线打机,可以睇碟,之前仲可以收CMMB,即系公交车睇果D台,不过宜家坏左。其实呢D装备,唔好用之余,好容易晕车。呢D屏幕设计出来,最初系用黎氹细路仔,等距有D世艺唔嘈住你,但系距唔会睇好耐,因为睇一阵就会训着。特别提一提,我发现好多人坐后排唔揽安全带,其实一上车就要揽安全带,唔理你坐前排定后排,唔系罚唔罚款嘅问题,呢D系最基本嘅安全意识。除此之外,呢D有屏幕嘅车,如果一急刹,后排乘客又无揽安全带,个面系会直接撞落屏幕。
乜嘢系豪华车 - Ryan  - 粤车无数
 有遥控唔出奇,不过呢个遥控好就手,唔会太阔,而且好轻。D制几敏感,噤制嘅手感好过电视机顶盒果D遥控,而且可以设置快捷键,用惯果D功能唔望遥控都可以噤到。不过我头先讲嘅呢D,其实都唔重要,最重要系人嘅心情。如果坐车果日你中左双色球头奖,就算比部钱七你坐,你都会觉得好似坐紧劳斯莱斯咁。相反,如果坐车果日你心情好灰,个脑塞晒,个样好颓,咁我之前介绍嘅装备你系唔会有心机玩嘅,明明系坐紧S级,都好似坐紧唔知乜咁。
 
  评论这张
 
阅读(13)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017