注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

奥迪之缘  

2017-02-23 08:46:51|  分类: 基本理论 |  标签: |举报 |字号 订阅

  下载LOFTER 我的照片书  |
奥迪之缘 - Ryan  - 粤车无数
 我未考到车牌果阵,已经同奥迪有缘。当时我亲戚有只奥迪80,手波嘅,仲要系四驱车。有时间距会搵个空地教我开,虽然只不过系好简单嘅直行,转弯,倒车,但系直到今日,我都仲记得果部车有几残,有几嘈,有几难开。当时果款车因为保养无跟足,质素实在太差,可以咁讲,无忽正常。我最初接触易手车,其实系由奔驰开始,但系揾车过程都会有意无意接触到旧款奥迪。比如呢部咁,虽然以宜家嘅眼光去睇,距内笼嘅设计系好一般,但系布局其实好合理,唔理你系高矮肥瘦,起码好容易坐得舒服,波棍离太盘唔会好远,三个踏板都好正常,甚至有少少高性能嘅错觉。
奥迪之缘 - Ryan  - 粤车无数
 我好少留意奥迪,但系世事往往好奇怪,你唔留意,唔代表距唔会蒲头,尤其系我岩岩开始学简单嘅保养维修,要去朋友档口偷师,好多时都会有奥迪系度整。比如呢只第一代国产嘅A4,如果我唔话你知,你可能以为呢个巨型嘅机油隔系来自唔知咩巨型车,其实距系呢部车嘅机油隔,隔离呢个细嘅,系日产骐达机油隔。
奥迪之缘 - Ryan  - 粤车无数
 好多人话奥迪系“灯厂”,话距整LED灯点劲点劲,可能新车会好好睇,但系有时会系路面见到呢D坏左尾灯嘅奥迪。其实唔单只奥迪,之前有好长一段时间兴改装LED日行灯,不过果阵未兴灯带,大部分都仲系一粒一粒排队嘅灯条,有平有贵,好多改装之后都会有呢个问题,就系一排LED里面有几粒唔着。
奥迪之缘 - Ryan  - 粤车无数
 我唔系汽车行业嘅从业员,不过我中意研究汽车,我买左D工具,有时会帮朋友嘅车把下脉。
奥迪之缘 - Ryan  - 粤车无数
 奥迪有好多传闻,比如烧机油,其实好多车都烧架,只不过有D奥迪系烧得特别劲。唔系所有奥迪都烧嘅,好似呢部咁,就无烧。呢个系两公升直四自然吸气引擎,FSI系距特有嘅科技,初期嘅构思系尽量令到汽油烧得尽D,不过对汽油质素就好敏感。大家如果有开过旧款奥迪,旧到好似奥迪100呢D咁旧,会发现距烧油就好似BB仔食饭咁,得一半有食落口,另外一半泼左落地。
奥迪之缘 - Ryan  - 粤车无数
 上左年纪嘅奥迪仲有一个传闻系成日会无端端有故障码,系真嘅,而且唔只一个,系有好X多个。消左故障码之后,好彩嘅话会正常翻,但系如果有机件故障,消故障码系掩耳盗铃。
奥迪之缘 - Ryan  - 粤车无数
 虽然最新嘅奥迪已经可以拣全液晶仪表板,但系呢个旧款表板依然好襟睇,起码够清楚。宜家好多车都整到仪表板好似手机咁,屏幕大,彩色,可以转页,可以设定,但系对于数字同指针似乎无呢部车咁讲究,除左黑底白字之外,你试下好似开紧车咁,望其他野再用余光望一望呢个仪表板,D字好似3D咁,好清楚。
奥迪之缘 - Ryan  - 粤车无数
虽然无涡轮机,但系呢个2.0 FSI引擎依然系好容易高温。引擎舱唔算细,但系唔知系引擎大定系周围嘅零件大,空间用到好尽,想落手检查下下面D喉管都要左闪右避。最上面嘅喉管好多都无乜弹性,有D甚至有裂纹,呢D系一定要尽快换嘅,因为如果继续开,唔知几时会爆喉或者甩出黎。漏油系几严重,尤其个油底壳,不过有得整嘅。
奥迪之缘 - Ryan  - 粤车无数
 我试A6多过A4,因为我识得嘅人里面,如果买奥迪多数都系买A6或者A6L,尤其系A6L,如果睇人开,唔觉得有乜特别,但系自己开过就发觉距都有自己嘅特点。比如呢部超过10年车龄嘅A6L,即系岩岩变成大嘴果一代,成个车头圆碌碌好似橡皮艇咁,到宜家为止,坐落都仲觉得好正。
奥迪之缘 - Ryan  - 粤车无数
 宜家都好多人买奥迪嘅新车,有D中意玩手机中意高科技,又或者之前用紧中低价日系车款想转揸欧系,好多都会买只奥迪试下。比如呢部车,虽然有翻咁上下年资,但系用料都几讲究嘅,而且好新净。成部车嘅气氛系好轻松,不过唔算好居家,太盘好似无直接连住方向机咁,路感可以话系零。
奥迪之缘 - Ryan  - 粤车无数
 电子手刹呢几年好兴,不过我可以话比你知,距未系好成熟。点解咁讲呢?除左因为距系电控之外,仲同部车其他装置连通,比如斜坡起步或者踩油自动解禁,再加上宜家嘅奥迪追加左好多新功能,都会用到电子手刹,距唔系单独运作。如果出问题,有时仪表板会有灯着左,比如防滑灯同手刹灯一齐着。
奥迪之缘 - Ryan  - 粤车无数
 呢部车可以用手提电脑装软件之后接驳,亦都可以买现成嘅检测电脑连通,如果电脑功能够齐,甚至可以睇到ABS嘅数据流。奥迪ABS嘅压力可以去到180帕,而同年份E仔同5系嘅ABS压力,通常都系得大约130帕左右,高D嘅都系去到160帕。就算奥迪行行下熄火,压力都仲有90帕,虽然睇落好似少左好多,但系都足够系短时间之内dup停一架行紧100公里时速嘅车。咁有无D再劲D嘅呢?梗系有啦,波子果D迷系咯,压力可以上到200帕。
奥迪之缘 - Ryan  - 粤车无数
 呢部A6L,引擎系2.4升V6自然吸气设计,虽然部车都几重,但系都可以开得好轻松好自在,不过油门就唔算好线性,耗油量都几高。另外提一提,其实奥迪嘅易手价唔算好差,好少会有跳楼价,你唔好理距天生有咩缺陷或者有咩古怪脾气,总之事实上系多人搵。
奥迪之缘 - Ryan  - 粤车无数
 V8嘅奥迪A6L我都有接触过,有少少扭转我之前对奥迪嘅印象。你唔好理距规格表写D咩数字,你开过嘅话,会觉得好有惊喜。呢部车虽然重,而且用嘅车胎都好一般,但系过弯好定,有时定到你会觉得部车好似好慢,其实距已经行到好快。
奥迪之缘 - Ryan  - 粤车无数
 唔知你有无咁嘅经历,就系你开部车去修理厂,明明见到有工位,但系修理厂会话唔整。因为你部车太复杂,太少有,而修理厂会啉,你摆部车系度,分分钟一头半个月,距去买件又唔知有无现货,无现货又要订,订即系要等,等到又唔知岩唔岩装,装左之后唔知用唔用到,就算用到,拆开黎整,可能会拆坏其他。
奥迪之缘 - Ryan  - 粤车无数
不过正所谓“艺高人胆大”,总会有修理厂肯接收。汽车发展超过一个世纪,唔同车厂会有唔同嘅设计,引擎都系。呢个4.2嘅V8,睇外表似乎平平无奇,但系只要你开始拆开,你就会知道咩叫洗湿个头。
奥迪之缘 - Ryan  - 粤车无数
 除左落手嘅位置少之外,呢部车仲有好多好离奇嘅设计,比如呢个葫芦咁嘅罐,比如明明可以直行但系偏偏中意兜两个弯先去到目的地嘅喉管,又比如无遮无挡嘅传感器。睇到呢D设计,我啉翻起有时出去洗车,会见到有人用水枪冲引擎,我可以话比你听,唔好玩啦。
奥迪之缘 - Ryan  - 粤车无数
 虽然互联网可以查到维修资料,不过我好欣赏师傅嘅做法,就系每拆一样野都影相影视频,对于以后重新装嵌好有帮助。
奥迪之缘 - Ryan  - 粤车无数
 拆开头泵把,就可以睇到后面系咩黎。后面有雾灯,有洗灯罩嘅喷嘴,按道理呢D位置唔会太高温,但系喉管同电线都老化得好快,尤其雾灯后面嘅尘冚,一郁就烂左。
奥迪之缘 - Ryan  - 粤车无数
 呢部车嘅力量几强,加上车身重,所以只刹车可以话系受尽折磨。唔单只咁,悬挂嘅杯士都老化得好犀利,有D仲烂埋添。
奥迪之缘 - Ryan  - 粤车无数
 合金铃款式好含蓄,不过好硬净。宜家好多奥迪都有改装,如果买D咁大力嘅车,拣改件就更加要小心。
奥迪之缘 - Ryan  - 粤车无数
 好多奥迪都中意将原本嘅A乜乜尽量改到好似S乜乜嘅外形,如果系Q乜乜,就改成SQ乜乜咁,效果都唔错,改装得黎似原装。不过大家都知道奥迪系列,外观零件嘅装嵌系好紧密,所以如果有心改,最好都系用翻原装升级零件,尽量都唔好去买其他不知名嘅产品喇,如果装上去又唔fit位,间隙又大,会好唔精致咯,部车可能会cheap左咯。
 
 
  评论这张
 
阅读(14)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017