注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

我印象中嘅陈田  

2017-02-22 20:28:37|  分类: 基本理论 |  标签: |举报 |字号 订阅

  下载LOFTER 我的照片书  |
我印象中嘅陈田 - Ryan  - 粤车无数
 如果唔塞车嘅话,陈田旧件市场离我屋企大约大半个钟车程。陈田日日都系度变,想跟贴旧件市场信息,只能够多D去,无第二D方法。呢个地方好传奇,唔单只因为零件多,最出名嘅其实都系呢度有少少江湖味,虽然睇落好有秩序,但系其实都好多暗涌。我黎陈田,有时系为左买零件整自己嘅车,有时系整朋友嘅车,或者纯粹带朋友黎“观光”。
我印象中嘅陈田 - Ryan  - 粤车无数
 陈田零件多,好自然会有旧车用家黎“寻宝”。系附近嘅停车场,有时会见到相对少见嘅车款,比如呢只编号R230嘅SL。
我印象中嘅陈田 - Ryan  - 粤车无数
 因为我之前玩过R129,所以我好留意SL呢个车系。咁多款梅菜开篷车,我就系中意SL同SLK。尤其系SL,呢款车其实好襟玩,尤其早期嘅V6机器,好畅顺,好斯文,再加上开蓬设计,真系好吸引我。
我印象中嘅陈田 - Ryan  - 粤车无数
 陈田零件嘅品种其实好分散,而且唔系乜都有,要睇彩数。另外,虽然有时会见到极其冷门嘅车款,比如呢只卫士,唔一定系黎整车,可能系黎搵人。
我印象中嘅陈田 - Ryan  - 粤车无数
 陈田整车出名快,有D会直接系零件铺门口整,整完就走。不过亦都因为呢D咁“即兴”嘅档口,所以有时会同时聚集几部车系度,阻塞交通。
我印象中嘅陈田 - Ryan  - 粤车无数
 散件方面,基本上都系奔驰、宝马、丰田、本田嘅零件为主,以前有扫把佬、绅宝、欧宝、标致、雪铁龙,甚至有佳士拿同道奇,但系宜家几乎绝迹。最近卖路虎同积架嘅零件铺开始多,亦都有D系国内牌子。
我印象中嘅陈田 - Ryan  - 粤车无数
 呢边系旧陈田嘅范围,近路边嘅一般都系卖胎铃同快修为主。
我印象中嘅陈田 - Ryan  - 粤车无数
呢条路有好多翻新头灯,头泵把,尾泵把,之前有人影到法拉利同林宝坚尼泵把就系系度,行上D转右有个停车场。
我印象中嘅陈田 - Ryan  - 粤车无数
 本田迷有时会帮自己部车搵D日版零件,比如呢只雅阁,换左日本版Inspire嘅尾箱盖连尾灯总成,不过你会见到距个车牌要弯,因为中间呢个凹位系窄D嘅,有D人会用车牌架将个车牌托出黎,呢部就无。
我印象中嘅陈田 - Ryan  - 粤车无数
 行下陈田嘅整车档,有时会见到罕有车款系度维修,比如呢只开蓬嘅丰田獅力架。
我印象中嘅陈田 - Ryan  - 粤车无数
 又比如呢只超豪华嘅宝马L7。
我印象中嘅陈田 - Ryan  - 粤车无数
 无错,黎呢度整车嘅,好多都系奔驰宝马,而且坦白讲,上左年纪嘅顶级版奔驰宝马,就算整翻,都唔敢包可以正常几耐,因为当年用左好多好超前嘅科技去造,又用好多环保物料,坏嘅话可以好多因素。系度都奉劝大家,玩呢D车一定要谨慎。
我印象中嘅陈田 - Ryan  - 粤车无数
 呢部系编号R107嘅SL,其实宜家睇呢款车依然觉得好有型。车头简简单单好襟睇,不过车主就换左近代奔驰嘅铃,老人家都可以好潮。
我印象中嘅陈田 - Ryan  - 粤车无数
 软蓬方面,设计上同我之前只R129系差唔多,车顶都系平D,后面系胶片。尾灯款式都系好简单,R129果盏都系差唔多,不过系两只角修到接近三角形。
我印象中嘅陈田 - Ryan  - 粤车无数
 有日比我见到部旧款野马行过,排气声好有气势,大排气量始终都有班人支持。讲起大排量引擎,陈田有好多,中意滑溜可以拣V6,中意声势可以拣V8,中意传统可以玩V12,一条龙服务。
我印象中嘅陈田 - Ryan  - 粤车无数
讲翻搵零件,大家都知道,有车架号搵件系容易D,其实系讲紧新件姐,去到旧件嘅范畴,绝对唔系咁简单。热门车款仲可以话容易搵,冷门嘅就真系得个等。比如我之前部R129,无左盏转弯灯,陈田系无嘅。
我印象中嘅陈田 - Ryan  - 粤车无数
 爱快嘅车好特别,比如呢部166,好少见D车造到咁无精神。黎到陈田,想搵爱快嘅零件有D难度,但系都系果句,陈田日日都唔同,零件都系日日唔同,过黎搵唔一定有,但系黎都唔黎就一定无。
我印象中嘅陈田 - Ryan  - 粤车无数
 陈田有几档自动波维修专门店,里面有好多唔同嘅自动波系度整,机械设备好齐,而且里面有车床,有D零件无左,都可以系度车个出黎。仲有一种好专业,就系知道原装波箱有缺陷,自己设计零件出黎改进。
我印象中嘅陈田 - Ryan  - 粤车无数
 讲完自动波维修,讲下手波。手波波箱系陈田好普遍,有D系维修,有D系换,有D系改。不过又要睇下咩车改,热门嘅丰田本田,系呢度执手波连踏板连拉线连液压一套都唔难,但系如果揸部别克黎就未必有喇。
我印象中嘅陈田 - Ryan  - 粤车无数
 讲到改装,又点可以唔提下铃呢?陈田嘅车铃,你真系要落足眼力去睇。话就话原装拆车,其实有D系撞爆左整翻再拎出黎卖,如果你无翻咁上下经验同信心,就再啉啉先。
我印象中嘅陈田 - Ryan  - 粤车无数
 除左改装铃,亦都有原装铃,或者“原装款”。我自己中意买原装铃,因为我觉得改车,应该特别得黎唔好太明显。好似我部318i咁,人地望我部车,觉得好似同其他同款,但系再睇真D又好似有D唔同,之但系又讲唔出边度唔同。
我印象中嘅陈田 - Ryan  - 粤车无数
 有D档口,铃同胎系一齐卖。虽然计落系抵D,不过我就未试过咁样买,我都系惯左分开买。一来可以彻底D睇下条铃有无唔妥,二来我无买过二手车胎行街,系有时练甩尾会买几条装系后辘玩,玩完我都系会装翻原先条车胎。
我印象中嘅陈田 - Ryan  - 粤车无数
 我中宝马毒好深,不过我唔会买X5。特别讲一讲陈田嘅畅销零件,就系呢D头泵把连头灯连龙门架连水箱,好多轻微碰撞嘅车,只要正面撞击无去到大梁前面,其实唔算系大事故车,因为无伤害到车架。如果撞到面目全非,可以考虑下买呢套野成份换上去。不过又要特别提一提,头泵把旧唔紧要,可以喷,灯旧唔紧要,可以抛,但系水箱系旧嘅,就麻烦D,因为你唔知道里面有无沙眼,有无塞,想稳阵都系要买个新水箱。
我印象中嘅陈田 - Ryan  - 粤车无数
翻新头灯系陈田属于大茶饭,尤其系超豪华车嘅零件,比如呢盏旧款迈巴赫嘅头灯,全世界任你问,想买对新嘅点都要五位数字埋单。不过话分两头,呢D豪华车嘅头灯未必系原装灯,因为原装可以翻新,副厂一样可以翻新,识货先好黎买。
我印象中嘅陈田 - Ryan  - 粤车无数
 乐迷都可以黎陈田架,因为呢度都有旧嘅CD机卖,咁当然系装系车度架啦。我对音响唔熟,不过都可以系度买到好野喔,比如我只R129,原装系磁带机,但系我又想听CD,就唯有改装,所以我就系度买左个JVC嘅主机,款式好旧,但系同我部车好趁,旧车梗系装翻D旧款音响啦,唔通装AUX咩。
我印象中嘅陈田 - Ryan  - 粤车无数
 行过隔离街,就会黎到卖刹车钳同刹车碟嘅档口。之前网上有好多分析真假鲍鱼嘅教学,你识睇,你估翻新鲍鱼果D高手唔上网架?至于刹车碟,虽然话高性能嘅零件可以承受到激烈驾驶,但系唔好唔记得,呢D系旧件,损耗唔一定少得过普通刹车零件。
我印象中嘅陈田 - Ryan  - 粤车无数
 同一个车系会有好多个等级,好似宝马5系咁,平嘅有520i,贵嘅去到M5,可以买几只520i。有D人中意装顶级嘅刹车零件,贪距原装得黎相对襟用,不过唔系乜车都装到。
我印象中嘅陈田 - Ryan  - 粤车无数
 改刹车唔系咁简单求其买套靓野翻去装完发埋朋友圈就搞掂,我之前都讲过,刹车距离,最直接系睇条车胎,如果你刹车性能太强,刹到车胎飙晒烟,唔代表刹车距离短。
我印象中嘅陈田 - Ryan  - 粤车无数
 一部车襟唔襟开,散热系最紧要。陈田卖风扇架嘅专门店唔多,而且无乜分类,所以唯有打醒十二分对住零件号黎慢慢搵。比如呢个本田时韵嘅风扇架,我搵左好耐,对零件号对到我盲咁滞,因为旧件无论系拆嘅过程定系打包运送嘅过程,都有机会整花印系上面嘅字。
我印象中嘅陈田 - Ryan  - 粤车无数
 最摞命系要系一堆似是而非嘅零件里面搵,只只都好似样,但系搵到最后,原来只只都唔同,所以黎呢度买旧件,要预多D时间。唔系肯付出就有回报,呢度就系咁。
我印象中嘅陈田 - Ryan  - 粤车无数
 其实我好唔中意落雨天睇车或者买旧件,不过有时为左帮朋友,都唔理得咁多。有时去陈田嘅时候,都会见到D经典旧车,比如呢只丰田獅力架,好似跑得好畅顺。
我印象中嘅陈田 - Ryan  - 粤车无数
如果落雨黎呢度,你最好着黑水鞋黑裤黑衫。因为地下好多油渍,泥渍,有时零件铺嘅人会系度洗零件,D邋遢水话黎就黎。
我印象中嘅陈田 - Ryan  - 粤车无数
 我黎陈田,好多时都系买冷气泵,呢两个系我拣左好耐嘅战利品,国产广丰凯美瑞2.4嘅冷气泵,其中一个装左之后,用左半年,瓜左,另外一个就好彩D,用到宜家。特别提一提,冷气泵有两种嘅,一种系机械泵,一种系电泵,机械泵一定要引擎着先可以开,但系电泵就可以斋用电,所以睇旧件嘅方法都唔同,有时都要靠估。如果系旧款嘅冷气泵,距有两个口,一头入,一头出,泵吖嘛,即系有压缩,你就用手指塞住其中一头,然之后转下个皮带辘,如果无漏气,咁就可以用。电泵嘅话就麻烦D,除左要通电之外,仲要接一个冷气模块来测试,如果唔系就试唔出所有功能。宜家嘅车好先进,但系越复杂越多功能嘅零件,就越易坏。
我印象中嘅陈田 - Ryan  - 粤车无数
 如果好早到,未必间间档口都有开,你可以同睇铺嘅人倾下计,了解下宜家咩车成日黎帮衬,了解下咩车嘅零件易搵,了解下咩车嘅零件难搵,黎陈田唔一定要买野,你有心嘅话,可以学到唔少野。
我印象中嘅陈田 - Ryan  - 粤车无数
 陈田零件档口之间合作好多,所以如果你系呢间档口搵唔到,你都可以叫踩三轮车嘅人帮你去班件翻黎,只不过如果你过搞批发嘅经验,就知道自己去摞货拣货,系好过人地帮你拣,但系前提你要识。
我印象中嘅陈田 - Ryan  - 粤车无数
 特别提一提雷诺嘅车,之前比较多人知嘅系雷诺风景。其实呢款车唔差嘅,可能因为价钱贵,所以唔够国产嘅雪铁龙毕加索多人搵。另外仲有梅甘娜,我可以话比你听,呢款车系好有心机去造嘅,虽然零件系贵D难搵D,但系驾驶感觉自成一派。
我印象中嘅陈田 - Ryan  - 粤车无数
 系陈田蒲到有翻咁上下岁月,就自自然然会有朋友,因为呢个地方,系潜伏左好多专家,可能距油头粉面,可能距唔出声,可能距好恶,但系唔代表距唔识野。
我印象中嘅陈田 - Ryan  - 粤车无数
 系朋友嘅档口,我可以留好耐,因为不断吸收紧知识,个人系好充实。比如用电脑查零件,睇下距嘅设计,然之后对比下档口里面嘅实物,睇下距嘅用料,睇下距装系边度。
我印象中嘅陈田 - Ryan  - 粤车无数
 以宜家嘅科技,造车系好容易,但系造一部好有感觉好有人性嘅车就好难。比如呢个宝马M3嘅SMG波箱,其实距嘅构造系好接近一个手波,改用电子离合器之后,变成一个AMT。呢个波箱到宜家为止都唔系咁多人识得整,而且平时都要锡住黎玩,比如要好似手波咁,升档之前收一收油,如果想退档,唔好太高转,而且唔好同时退3个档位。
我印象中嘅陈田 - Ryan  - 粤车无数
玩宝马嘅朋友应该都好熟悉呢D系咩黎,因为全部都系好易坏嘅零件,不过好在,旧件唔贵。
我印象中嘅陈田 - Ryan  - 粤车无数
 前面呢个系E46四门房车嘅车头,后面果个系E46双门房跑车嘅车头。E46底盘嘅3系,系陈田买零件相对来讲容易,而且呢度原来好多E46专家,你啉唔通嘅野,可能距点一点你就明,尤其系年纪大果D,真系食盐多过你食米。
我印象中嘅陈田 - Ryan  - 粤车无数
 一直以来宝马比人嘅感觉除左“串串贡”之外,都系底盘感觉好特别。慢慢揸你唔觉得宝马有咩咁吸引,但系你想爽果阵,就会好刺激你感观,尤其系过弯,人家要收油就住就住,可能你可以一路“chur”住上,如果跑高速,你可以留意下,你只宝马行行下好似定左系度咁。通通呢D奇妙嘅经历有个大前提,就系你只马要保养好,尤其底盘件,绝对唔可以求其,如果玩宝马玩得好求其,咁距比你嘅享受都系好求其。
我印象中嘅陈田 - Ryan  - 粤车无数
 有D人中意会换大胎铃,睇梗系好睇啦,但系如果重左,车胎又阔左嘅话,耗油量都会高D。特别提一提,就系有D铃嘅螺丝位未必岩你部车,虽然可以转接,但系我都系建议买翻岩螺丝位嘅铃。
我印象中嘅陈田 - Ryan  - 粤车无数
 改装大比率嘅尾牙,最直接就系加速快左,但系转速亦都会高左。比如原先行100公里时速系2500转,换左之后可能会上到3000转,耗油量会高左。系咁架,针无两头利吖嘛。
我印象中嘅陈田 - Ryan  - 粤车无数
改装系好个人嘅,最紧要自己中意,所以如果见到有好古怪嘅改装车,唔好一野就话人“汽配城”,因为咁系好无礼貌。我地要接受唔同嘅事物,尤其系唔好觉得自己就系标准,因为改装系无标准嘅。不过如果从维修嘅角度,额外加装电子零件系会加重电池同发电机嘅负荷,所以玩改装都要有维修嘅知识先得。
我印象中嘅陈田 - Ryan  - 粤车无数
每次去陈田,除非有急事要即刻走,如果唔系,我都会行足一日。就算要买零件,我都会慢慢拣慢慢睇,有心水就买定D摆系屋企,万一要整车就可以即刻有,如果无心水就唔买住,因为我都几经常黎,主要都系想同D人倾下计,了解下“今日陈田”。陈田呢个地方,其实唔系好岩新手黎,不过人人都有新手嘅时候,多D黎睇下无坏。如果有兴趣又有闲钱,你甚至可以买部车黎研究下。我之前都讲过,你想真正了解一部车,首先要买距翻黎,经历用车、维修、卖车几个过程,咁就为之最了解。买零件都系咁,多D睇多D试,大胆D,有时出错都唔紧要,当交学费,新手始终有一日会变成老手。
 
 
 
 
 
 
 
  评论这张
 
阅读(15)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017