注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

低风阻SUV应该点样设计  

2017-02-21 17:03:27|  分类: 基本理论 |  标签: |举报 |字号 订阅

  下载LOFTER 我的照片书  |

低风阻SUV应该点样设计 - Ryan  - 粤车无数
SUV又好,越野车又好,天生离地距高过一般房车,为左内笼空间大,车厢唔会太矮,所以呢类车一般风阻都好大。如果想减低风阻,就要变形,即系睇落唔能够太“SUV”,反而要似一部加高少少嘅两厢车。除左造型之外,部车唔可以太巨型。
低风阻SUV应该点样设计 - Ryan  - 粤车无数
 比如头冚造型,应该拉长D,弧形D,好似呢部车咁,中间谷起,后面有少少斜翻落黎。影呢D相之前我系专登唔洗车,你睇下D尘系点样铺,就会知道D风系点样走。
低风阻SUV应该点样设计 - Ryan  - 粤车无数
 之所以会有风闸,系因为部车行高速如果有风撞入引擎舱,系会加大风阻同乱流。风闸一般唔开,但系水温去到预先设定嘅温度,风闸先会开,而且唔系开好耐,距感应到水温合理,就会闩翻。另外讲一讲导风板,注重散热嘅改装车都会有装导风板,等D生风集中D吹水箱。
低风阻SUV应该点样设计 - Ryan  - 粤车无数
 LED日行灯下面有两只层扰流翼,但系里面系无开窿嘅。唔开窿,气流黎到呢度会有少少漩涡,因为空气撞到无开窿嘅胶板,有D会反弹,有D会因为后面有空气推住走去侧面,所以撞埋一齐就会有漩涡。扰流翼就有用喇,可以将空气分层,而且呢个撞风口系打斜嘅,所以部车转左转右都可以好稳定。
低风阻SUV应该点样设计 - Ryan  - 粤车无数
 讲完水箱嘅导风板,就到中冷嘅导风板。呢部车嘅中冷唔大,但系无乜遮挡,生风可以直接吹。
低风阻SUV应该点样设计 - Ryan  - 粤车无数
 车身重,而且系高速设计,所以一定要有刹车吹风嘅导管。生风系呢个位置入去,转两个弯系轮拱里面出翻黎,可以吹到刹车碟同刹车钳。
低风阻SUV应该点样设计 - Ryan  - 粤车无数
 车头下面嘅扰流设计就比较大路,左中右都装左好细嘅胶板。
低风阻SUV应该点样设计 - Ryan  - 粤车无数
 中间嘅底板,刻意造到好平,而且中间有分流设计。
低风阻SUV应该点样设计 - Ryan  - 粤车无数
黎到侧镜,除左本身圆碌碌之外,成个镜系抛出黎,同车门连住嘅镜柱都系尽量向后斜。咁嘅设计有咩好呢?如果系E46 318i果种侧镜,高速会有“V ....V....”声,因为侧镜同侧面玻璃之间有乱流,但系呢部车就无。
低风阻SUV应该点样设计 - Ryan  - 粤车无数
 去到车顶,会见到前面同后面低,中间高。宜家好多两厢揭背车都系咁造,将车顶风阻减低,但系副作用都好明显,就系会压缩后排同尾箱空间。
低风阻SUV应该点样设计 - Ryan  - 粤车无数
 对于两箱车黎讲,尾翼好有用,因为车尾好容易有乱流。不过尾翼嘅造型亦都好讲究,为左加大下压力,尾翼后面有少少兜起。为左整理车尾嘅乱流,呢只尾翼两边都有少少加长同埋向后弯,效果亦都好明显,你睇下件玻璃,D尘系分左两级,尾翼底多尘D,证明D风聚左系度,而其他位置都好少尘,即系证明气流比只尾翼引走左。
低风阻SUV应该点样设计 - Ryan  - 粤车无数
 为左车身更加稳定,沙版抛到好阔。尾灯方面,唔系新设计,因为以前嘅旧款奔驰都有,将尾灯整到凹凹凸凸,气流会系灯罩表面行过,里面凹左嘅位置会好干净。去到车尾,车底会有导流板,配合之前果几件,气流可以加速引走。
低风阻SUV应该点样设计 - Ryan  - 粤车无数
 去到车尾,车底会有导流板,配合之前果几件,气流可以加速引走。
低风阻SUV应该点样设计 - Ryan  - 粤车无数
低风阻SUV应该点样设计 - Ryan  - 粤车无数
除左呢D设计之外,我发现呢部车溜车可以溜好远。睇翻距条车胎,我之前介绍过呢种车胎,系低阻力,而且系悭油设计。
 
 
 
  评论这张
 
阅读(12)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017