注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

车胎常识  

2017-02-19 19:48:14|  分类: 维修保养 |  标签: |举报 |字号 订阅

  下载LOFTER 我的照片书  |
车胎常识 - Ryan  - 粤车无数
 唔理你部车有咩惊天动地嘅安全设计,最后都系靠车胎。
车胎常识 - Ryan  - 粤车无数
 车胎要承受车身嘅重量,但系一部车行紧嘅时候,里面有司机,可能仲有乘客,可能仲有行李。如果一条车胎本身可以承受600公斤,但系写住EXTRA LOAD,咁代表距可以承受超过600公斤,但系唔好超太多。
车胎常识 - Ryan  - 粤车无数
 呢张贴纸系近呢几年先有嘅,因为欧盟规定要写明车胎嘅性能。左边呢个表系悭油级数,右边呢个系湿地爪着力性能。以前无呢D图表睇,车胎性能都系靠口碑或者断估。
车胎常识 - Ryan  - 粤车无数
 仲有一张表系写住车胎嘅噪音。不过就算有图表,都系参考下,唔好信晒,因为车胎嘅性能,要视乎驾驶习惯同用车环境。
车胎常识 - Ryan  - 粤车无数
 印住“3614”,即系2014年第36个星期出厂。基本上一条车胎一出厂,唔装上车用,可以摆10年8年,但系车胎一装上车,襟唔襟用就视乎你嘅驾驶习惯同用车环境。如果部车你系日日开,又停地下车库,车胎又无战绩,闲闲地可以用五六年,但系如果部车你摆多过开,部车又泊系街边日晒雨淋,比如个几两个月都无郁过部车,部车一行翻,你可能会feel到条车胎好似跳下跳下。因为车胎变左形,如果车胎好新好新,都仲有机会比你辘几辘辘翻正常,但系如果系旧胎,咁应该就无得变翻之前咁。
车胎常识 - Ryan  - 粤车无数
 高性能嘅车胎,花纹唔会好多,排水坑都唔会好深,因为距要条胎挺身D,接地面积多D。如果要最大接地面积,应该用光头胎,无晒排水坑,所有橡胶都接地,但系行街就唔可以用,街胎一定要有排水坑。通常过弯嘅时候,最右边呢D好大块嘅胶最关键。
车胎常识 - Ryan  - 粤车无数
 如果唔想用又嘈又快蚀嘅高性能车胎,可以试下干地湿地都兼顾嘅车胎,比如呢种。你会见到中间有好深排水坑,而且排水坑之间仲有连续花纹,再加上用左新物料去造,排水能力保证到之余,干地爪着力都唔差。
车胎常识 - Ryan  - 粤车无数
静音车胎一直都好多人买,呢种车胎无乜连续花纹,就算有花纹都好细块,甚至左右花纹都唔对称,虽然爪着力一般,但系相对会无咁嘈,而且悭油。
车胎常识 - Ryan  - 粤车无数
车胎常识 - Ryan  - 粤车无数
 因为家庭车要越来越悭油,所以低阻力车胎呢几年开始多。比如呢种,印住“GREEN”,首先话你知距系合成车胎,用唔同物料去造。花纹嘅话,两边会大件D,转弯有爪着力,中间排水坑好幼,花纹都好细块,所以胎面中间嘅接地面积系唔多嘅。
车胎常识 - Ryan  - 粤车无数
车胎常识 - Ryan  - 粤车无数
 虽然呢种车胎无写明,但系你睇距咁厚身而且花纹凹凹凸凸,排水坑又好深,都应该估到系比SUV用。“440”系磨耗指数,花纹设计到咁嘅款,系因为预SUV行泥路,所以考虑埋排水能力同加大爪着力。
车胎常识 - Ryan  - 粤车无数
车胎常识 - Ryan  - 粤车无数
 无论你买咩车胎,胎压都要好留意。比如呢条胎,胎压太低,无晒支撑,除左部车耗油量大之外,胎边比铃边介烂左,拆胎会见到里面好多胶碎。
车胎常识 - Ryan  - 粤车无数
 如果胎压太高又唔好,虽然会悭油少少,但系得不偿失。比如车胎本来接地有225mm阔,打气打得太多,接地可能会变左215mm,甚至205,接地面积细左,刹车距离会长左。如果前辘胎压太高,操控感觉会好差,而且车胎会好快唔掂,因为中间磨得太快。
车胎常识 - Ryan  - 粤车无数
车胎侧面无论系比钉吉穿抑或裂开,都系无得补嘅。因为车胎侧面系成日都压缩嘅,所以补完之后都系会漏气。
车胎常识 - Ryan  - 粤车无数
车胎常识 - Ryan  - 粤车无数
  如果系呢种,唔系无得补,系唔建议补。因为个窿太大,而且车胎里面嘅钢丝已经断左,就算补翻,呢条车胎已经系唔安全。
车胎常识 - Ryan  - 粤车无数
系中国嘅路面,呢种都好经常见,就系车辘高速辘过一个深坑,车胎胎壁裂开,无办法修复。
车胎常识 - Ryan  - 粤车无数
  胎面磨得唔规则,亦即系所谓嘅“跳胎”。跳胎不外乎两个原因,第一个系呢条车胎新出厂已经有问题,第二个系部车有问题,尤其系悬挂角度,比如避震,连杆,甚至方向机有问题,所以部车行紧果阵车胎定位完全错晒,如果见到车胎咁嘅款,部车都要检查下。
车胎常识 - Ryan  - 粤车无数
 食胎系好普遍嘅,因为宜家嘅车,车辘同地面唔系百分百垂直,所以都系有D角度。如果见到车胎咁,一般都系车辘嘅外倾角太大。食胎系食睇唔到果边,所以你平时睇系睇唔到嘅,但系平时开车可以留意下,如果发现部车车尾特别摆,咁就要检查下。
车胎常识 - Ryan  - 粤车无数
 保养车胎,首先要定期检查胎压。如果你想用车胎蜡,你就唔好用油性蜡,要用水性蜡。因为车胎系橡胶造嘅,橡胶系唔中意油嘅。如果平时行嘅路好烂,觉得太盘开始偏左或者偏右,甚至听到底盘好似有声,咁就要去检查下,尤其四轮定位,仲要检查下底盘系咪有乜问题。最后就系要定期对调车胎,等距磨得平均D。
 
 

  评论这张
 
阅读(18)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017