注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

你应该红  

2017-02-18 10:35:51|  分类: 试车日记 |  标签: |举报 |字号 订阅

  下载LOFTER 我的照片书  |
你应该红 - Ryan  - 粤车无数
 Macan呢款车,中意嘅人会觉得好睇,唔中意嘅人会觉得怪鸡。如果睇身形,其实距唔会细Cayenne好多,但系离远睇会觉得部车缩左水,再加上部车系深蓝色,深色睇落系瘦身D。
你应该红 - Ryan  - 粤车无数
 Macan 2.0系最平嘅保时捷,但系你如果买过呢个牌子嘅车,会知道距系无得就咁买嘅,要加钱选装先可以出车。虽然当时距嘅斋车价系60万有找,不过选装之后,好容易会上到7字头,加埋购置税同第一年嘅保险,你系街见到嘅Macan 2.0通常都要贴住8字头落地。不过咁贵买部车,唔代表距好完善,比如呢两盏头灯咁,里面已经铺好多尘。
你应该红 - Ryan  - 粤车无数
 呢款车怠速果阵引擎声系好静嘅,不过亦都会有哒哒声,因为中网后面有个风闸,平时系关嘅,水温升上黎先会开,呢个风闸好松,用手指推一推距都会郁,所以如果引擎舱震,距都会一齐震。
你应该红 - Ryan  - 粤车无数
 呢部车内笼唔大,再加埋全黑内饰同原装嘅黑玻璃,坐系里面有时会好压抑。不过距有个二合一嘅大天窗,打开之后前排后排会觉开扬D。唔知点解,天窗周围嘅胶边已经硬化。
你应该红 - Ryan  - 粤车无数
 音响来讲呢部车其实几好嘅,咁当然可能系我要求低啦。不过听收音机果阵,距好多时都会打一行乱码出黎,呢个问题到宜家都未解决到。
你应该红 - Ryan  - 粤车无数
 除此之外,倒车影像都唔系几清,好似有层雾,最怪鸡系有时部车直行,屏幕依然系显示倒车影像。不过我平时都系习惯睇镜倒车,有无屏幕睇唔紧要。倒车技术一定要练习好,唔好成日依赖呢D科技。
你应该红 - Ryan  - 粤车无数
 呢部车保养其实同其他车差唔多,都系换机油同机油隔为主。
你应该红 - Ryan  - 粤车无数
呢D系零件号,你有兴趣可以抄低,零件铺如果有,你就买定D,有需要就系街换,唔一定要翻4S。
你应该红 - Ryan  - 粤车无数
 埋单一千蚊有找。
你应该红 - Ryan  - 粤车无数
 另外提一提,“快乐跑”呢样野,如果你玩开奔驰宝马,你一定好熟悉,系喇,系同一支。
你应该红 - Ryan  - 粤车无数
 Macan 2.0有turbo,其实部车都唔轻嘅,但系如果你唔系成日都大脚油大脚刹车,耗油量都唔会好大。呢款车揸落其实都算好轻快,低压涡轮机都系好低转速就起bar,虽然话就话中后段D力比2.0限死左,不过果阵你都超晒速啦,仲唔收油?
你应该红 - Ryan  - 粤车无数
 可能我平时开车嘅路段比较畅顺,呢部车系我手上都系相对悭油,呢部车超车几好超,一唔觉意就会超速。不过张凳就硬左D,唔系好好坐,而且有时中控台冷气出风口附近会有“吱吱”声,都几烦嘅。
你应该红 - Ryan  - 粤车无数
 开呢D车有时会比人标签,亦都有人试过兜口兜面话距系众泰,亦都有人话买Macan系因为唔够钱买Cayenne,咩都有,日日新鲜。如果以车论车,距系值嘅,牌子响,暂时都仲系一部潮车,知系知道距唔平,但系由于设计偏可爱,身形肥嘟嘟,唔会令人觉得太有压迫感。虽然讲驾驶感觉距唔系正宗保时捷,但系亦都唔系“豪华版Q5”,总体来讲,距系距自己。
 
  评论这张
 
阅读(21)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017