注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

别克英朗XT点样玩  

2017-02-16 12:10:47|  分类: 驾驶技术研究 |  标签: |举报 |字号 订阅

  下载LOFTER 我的照片书  |
别克英朗XT点样玩 - Ryan  - 粤车无数
 别克英朗XT系一只好特别嘅前驱车,距唔算细部,亦都唔轻,当初买距翻来,系为左上落班方便,但系玩玩下,又比我发现到其他野。
别克英朗XT点样玩 - Ryan  - 粤车无数
 我屋企以前有只别克赛欧,原型车系欧宝雅特Corsa B,再加上果部车陪伴左我一段好长嘅时间,令到我对欧宝呢个牌子好感兴趣。买英朗XT,系因为我觉得欧宝Astra J好靓。
别克英朗XT点样玩 - Ryan  - 粤车无数
 车胎方面,可以话系好普通,玛吉斯车胎,MA510花,205/55 R16。
别克英朗XT点样玩 - Ryan  - 粤车无数
 头担系用麦花臣悬挂款式,但系角度比较大。
别克英朗XT点样玩 - Ryan  - 粤车无数
 尾担系一字担,不过加入左瓦特连杆。
别克英朗XT点样玩 - Ryan  - 粤车无数
 初期为左上落班悭油,机油用摩特HT100 PLUS 5W30,后来走去跑山路,改用银美0W-40。
别克英朗XT点样玩 - Ryan  - 粤车无数
 英朗XT嘅本地车友会气氛好好,好团结,车友有事会帮手,零件都系共享,比如原装特别脆弱嘅高压包同副水壶,仲有三通喉管,系呢个车友会,我学到好多野。
别克英朗XT点样玩 - Ryan  - 粤车无数
 XT系好容易高温嘅,虽然仪表板嘅水温表好似好正常,但系果个系"开心表"黎嘅,如果用电脑测,会发现远远唔止90度。
别克英朗XT点样玩 - Ryan  - 粤车无数
我系好勤换波箱油嘅,而且我部车系手波,手波系特别多铁粉嘅。呢两款波箱油我都好推荐,无论跑山路定赛道都无问题,如果单纯行街,仲有一只德尔福嘅波箱油都几好,至于点样换波箱油,有兴趣可以参考下我之前拍嘅片。
别克英朗XT点样玩 - Ryan  - 粤车无数
 瓦特连杆主要系为左提升后辘嘅爪着力,但系呢部系前驱车,如果攻弯嘅话,距反而会令到车尾太稳定,低速弯会撬住撬住。想令到车尾活跃D,后辘胎压可以打高D,前辘就胎压低D,令到前辘接地面积大D,后辘接地面积细D,不过因为车胎会升温,所以后辘如果太胀,其实未必好,睇天气睇场地,慢慢试先试到适合嘅胎压。
别克英朗XT点样玩 - Ryan  - 粤车无数
 GIC赛道其实几好玩,低速弯同高速弯都好平均,连续弯角亦都有,又有高低落差,好讲究底盘设定。如果呢部车想系呢条赛道揸得快,就要尽量少D刹车,因为部车重,力量又偏弱,重新起围要时间,可以唔刹车就唔刹车,就算刹都唔好刹到部车定系度,就好似下面呢段片咁。
过弯嘅时候,其实呢部车系好少侧嘅,不过咁就会将压力转移落车胎,所以车胎过低速弯成日会叫,呢个时候就唔能够踩尽,应该和住油,因为如果再踩,车胎就越叫,部车就越唔肯转弯。去到高速弯,尽量踩尽油,条胎叫就由距叫,因为部车个车尾会摆出来辅助过弯,如果够胆,出弯嘅时候可以将部车放到出去接近沙地,咁就为之最理想。

别克英朗XT点样玩 - Ryan  - 粤车无数
如果系跑山路,手刹系有必要调整下,因为去到D有落差嘅低速掉头弯,有时实在转唔到,可以用手刹轻轻辅助下,大约调到3格锁死后辘。
别克英朗XT点样玩 - Ryan  - 粤车无数
 跑山路,要拣D无乜人同车嘅时段,而且车速唔好太快,将注意力摆系底盘同刹车。
别克英朗XT点样玩 - Ryan  - 粤车无数
 对于连续嘅弯角,可以系中间偷少少位,将行车线拉直。如果遇到好似呢D咁嘅高低起伏路面,唔需要刹车,稍微收油就得,因为收油嘅时候,车头会坠一坠,前辘嘅爪着力会多D。
别克英朗XT点样玩 - Ryan  - 粤车无数
 去到呢D掉头弯,盲点系好大嘅,唔好贪得意好似落场咁玩内外内,因为你交叉行车线嘅时候会走左去对向车道。呢个时候应该收慢部车,行翻右边,和住油过呢个弯,但系唔好乱踩刹车,因为过弯嘅时候会有重心转移,如果踩刹车,可能会推头,或者会甩尾。
别克英朗XT点样玩 - Ryan  - 粤车无数
 去到呢D落差好大嘅弯角,前驱车车尾轻,车尾有时会摆。英朗XT就系咁,入弯之前收慢,去到弯嘅一半,车尾会好似只蛤乸咁跳出来,但系之后就唔识郁,不过呢个时候个车头基本上都指出出弯嘅路线,再督深少少油门就可以出弯,冲去下一个弯角。
 
 

  评论这张
 
阅读(16)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017