注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

几款经典Supra赛车介绍  

2017-02-10 23:37:45|  分类: 经典名车 |  标签: |举报 |字号 订阅

  下载LOFTER 我的照片书  |
几款经典Supra赛车介绍 - Ryan  - 粤车无数
丰田Supra呢款车,系玩车界有好多花名,而最多人讲嘅,莫过于“猪扒”。呢部肥嘟嘟嘅跑车,到底名气系点样建立嘅呢?除左一味改装大马力挑战加速同极速之外,距仲有D咩战绩呢?我觉得不妨由以下几款赛车开始研究。 
几款经典Supra赛车介绍 - Ryan  - 粤车无数

TOYOTA Castrol TOM'S SUPRA 1997(图片来源网络)

2004年之前,JGTC系日本规模最大、观众最多嘅比赛,所以日本车厂都会洗好多人力物力参赛。JGTC嘅影响力越来越劲,所以主办单位系2005年开始将JGTC国际化,名都改埋,叫做SUPER GT。


JGTC系1993年开始第一届,当时最劲嘅风头趸就系NISSAN SKYLINE GT-R,连续三年赢左年度冠军。丰田系1994年开始用车架编号JZA80嘅Supra落场,一路斗到1997年先怼冧GT-R摞年度冠军,而呢部车,就系Castrol TOM'S SUPRA,编号36.


呢部车长4520mm,阔1910mm,高1200mm,重1150公斤,排气量1998cc,最大马力480匹,前置引擎后辘带动。当时揸呢部车嘅车手有两个,一个系Micheal Krumm,另一个系Pedro de la Rosa。当年第2站比赛,Tom'S再摆多部同款赛车落场,除左开幕战之外,其他5场比赛里面,摞左2次冠军,2次亚军,同一次季军,最后摞埋年度冠军。


呢款车同之前嘅版本相比,最大改变系将H档嘅波箱改为Hewland造嘅6前速序列式波箱,排气量由之前嘅2.2缩到2.0,而且再偷轻部车。原装Supra系装编号2JZ-GTE或者2JZ-GE嘅直六引擎,落场嘅Supra就落编号3S-GTE嘅直四涡轮增压引擎,潜力可以谷到500匹,而且悬挂嘅几何角度变左,再加埋车架强化同新设计嘅扰流套件,部车已经好成熟。


提一提Tom's呢个改装公司,距系1994年开始参加JTCC,即系全日本房车锦标赛。1995年开始用Supra参加JGTC,1998年,Tom's嘅Supra系列赛车改用邓禄普车胎,之前系用普利司通,1999年改为米其林。换左新车胎之后,Tom's嘅车队系JTCC比赛里面可以话如鱼得水,另外,丰田阵营嘅Supra赛车,引擎加入水喷射装置,唔单只扭力劲左,仲悭油左。


不过2000年嘅新赛季,JGTC改左赛例,唔准用太夸张嘅扰流套件,连引擎出力都有新嘅要求,当时落场嘅Tom's Supra,引擎马力缩到470匹,最大扭力65公斤米,不过部车就偷轻左50公斤,空气动力学设计好保守,成绩亦都麻麻地,净系系第三站,第四站同第七站有积分,年度车队排第十。唔单只咁,赛季完左之后,Tom's车队嘅头马关谷正德话退休。


2001年嘅JGTC赛季,Tom's车队搵翻关谷正德,不过唔系叫距落场,而系请距做车队总监。今次Supra战车嘅升级目标同之前一样,扭力再厚实D,车架再硬净D,再悭油D,而且部车再偷轻少少,因为黎紧可能会要求加重。不过最大嘅改良,系空气动力学套件,Tom's造左好多套零件出来,可以根据唔同嘅赛道特别组合,因为当年负责Supra赛车研发嘅丰田赛车研发部,注意力都系摆系风洞试验室嘅测试成绩,款式比较单一,所以Tom's自己造嘅扰流零件,同其他车队系好唔同。米其林车胎亦都有新款车胎比Supra用,再加上有黑泽琢弥同土屋武士做车手,系第3站比赛,Tom's其中一部Matsukiyo ZENT赛车摞左冠军。至于Castrol Tom's嘅赛车,虽然每一站比赛都有积分,但系都入唔到头三甲,系第5站嘅茂木赛车场,呢部车排第5,而土屋武士系年度车手积分排第12位。


几款经典Supra赛车介绍 - Ryan  - 粤车无数

TOYOTA au CERUMO SUPRA 2001(图片来源网络)

头先讲到2001年嘅JGTC赛季,Castrol Tom's赢唔到,咁系边个赢呢?就系呢部CERUMO Supra,呢部车长4520mm,阔1910mm,高1200mm,重1100公斤,排气量1998cc,最大马力470匹,最大扭力65公斤米,前置引擎后辘带动,车手系竹内浩典同立川祐路。JGTC系2000年修改嘅赛例,唔准用ABS,再加上限制左扰流零件嘅尺寸,所以CERUMO就重点调校悬挂,希望利用纯机械做到理想嘅抓地力,而且距用嘅车胎,胎质都系软过对手果D,希望过弯快D同稳定D。


赛季一开始,之前嘅准备功夫好快就有回报,部车又快又定。另外,新规则仲要求每场比赛跑前几名嘅车,系下一场比赛就要加重,令到每部车嘅水准尽量接近D,无办法放对手一条街,而且埋身肉搏嘅机会多左,所以比赛都好有睇头。CERUMO嘅策略就系唔刻意摞分站冠军,开幕战之前,距有两次亚军,一次季军,一次第四名,不过都可以系积分榜排第一。


之后有一场比赛部车撞左,仲要系系起步嘅时候撞车,所以呢场车无积分,个个都以为距临天光赖尿嘅时候,点知另一部有机会摞冠军嘅NSX唔知点解跪低左,又系摞唔到积分,所以去到最后,CERUMO好离奇咁摞左年度冠军。

几款经典Supra赛车介绍 - Ryan  - 粤车无数

Toyota WOODONE TOM'S SUPRA 2003(图片来源网络)

2003年嘅JGTC赛季,出现左一部新嘅Supra战车,呢部车长4520mm,阔1910mm,高1200mm,重1150公斤,排气量5163cc,最大马力500匹,最大扭力60公斤米,前置引擎后辘带动。系第3站嘅Sportsland SUGO赛道同第6站嘅茂木赛道都系摞到亚军,车手有两个,一个系土屋武士,仲有一个系前F1车手Erik Comas。


呢部专为JGTC设计嘅Supra,其实系2002年之前出现过,但系当时距系用直列四缸嘅3S-GTE。新嘅赛季,车队觉得之前嘅3S-GTE已经tune到好尽,如果想部车爽D顺D襟砌D,系时候考虑下换过副偈。


丰田咁多引擎,拣咩好呢?睇翻当年嘅JGTC赛例,原来对大排气量嘅自然吸气引擎比较宽松,空气流量无管得咁死,所以就用左编号3UZ-FE嘅V8引擎,原装引擎嘅排气量系4.3,改为5.2,而且用左钢管车架,波箱亦都改为Transaxle后置,令到部车前后比重更加平衡。空气动力学方面,虽然用左Flat-Bottom平整化设计,但系赛例限制左离地距,所以下压力反而无之前咁高,本来系富士赛道积累左好多经验嘅,可惜新设计同新装备发挥唔到预期嘅效果。

几款经典Supra赛车介绍 - Ryan  - 粤车无数

Toyota YellowHat YMS Supra 2005(图片来源网络)

2005年对于丰田车队来讲系一个转折点,因为JZA80呢一代Supra停产。2004年对于Supra来讲可以话又遗憾又黑仔,因为次次埋门一脚都比日产摞走冠军。2005年嘅时候Supra战车又试比人推入去风洞试验室,继续研究下扰流零件仲可以点样改良。除左扰流设计要改,车身前后比重重新搞过,而且加强左车身后半部分嘅刚性。不过唔知点解,修改计划等到好迟先开始,搞到2005年嘅开幕战都系得三部新车落场,其他2004年版嘅战车换左2005年版嘅升级零件就继续战斗。


而呢部YellowHat YMS Supra,就系其中一部旧款加装升级套件嘅车,车长4520mm,阔1810mm,重1090公斤,排气量4480cc,最大马力480匹,最大扭力52公斤米,前置引擎后辘带动,去到赛事中期先改为2005年版。当时负责呢部车运作嘅KRAFT车队同邓禄普有好多合作,而负责开发邓禄普车胎嘅其中一个车手叫做服部尚贵,距都系揸呢部车落场,由开幕战到第4站,拍档系协阪薫一,不过由第5站开始,就由Peter Dumbreck同服部尚贵一齐斗到赛季完结。


车队系呢个赛季表现唔错,尤其系第2站嘅富士赛道,距排第7位起步,摞左季军。去到第5站,部车排第15位起步,但系冲线嘅时候排第5。最经典系第6站富士,倒数第一位起步,但系冲线嘅时候排第6,最后系年度积分榜排行第九。

 

 

 

 
  评论这张
 
阅读(18)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017