注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

欢迎新成员  

2017-11-15 20:02:13|  分类: 试车日记 |  标签: |举报 |字号 订阅

  下载LOFTER 我的照片书  |
欢迎新成员 - Ryan  - 粤车无数
 之前我地喺用东风风行、福特全顺同五十铃NHR做货车,今年年头风行退役,一路都冇再买货车。呢只风行当年系新车买入,两个司机轮流开,机件上大致都冇乜问题,不过有过几次好轻微嘅碰撞,不过亦都好快整翻好。平时呢部车除咗载货,有时会载人,所以冇拆凳。
欢迎新成员 - Ryan  - 粤车无数
 卖咗风行之后,初初觉得冇乜问题,但系去到年中,突然之间入多咗货,于是家庭车都要出动。除咗霸道4000 VX之外,Macan都要运货,中秋果段时间,甚至乜车都要出动。我觉得继续咁唔喺办法,同屋企人商量之后,我就开始去睇车。
欢迎新成员 - Ryan  - 粤车无数
 其实初头我唔喺第一时间睇金杯嘅,反而喺继续走去睇风行同全顺,甚至一开始我喺走去睇易手车嘅,点知我老窦闹爆我,于是我又走去睇新车。买金杯阁瑞斯嘅原因好简单,因为我地未买过。
欢迎新成员 - Ryan  - 粤车无数
 阁瑞斯有几个型号,不过为咗容易泊车,我地都喺拣翻同之前部风行差唔多身材嘅六座版本。
欢迎新成员 - Ryan  - 粤车无数
 其实阁瑞斯个车头都几大方嘅,不过车尾就肉酸啲,尤其尾灯,都唔知似乜。
欢迎新成员 - Ryan  - 粤车无数
 阁瑞斯嘅前悬挂,有少少似变种嘅双摇臂。车架焊接同用料,我觉得距喺好求其。
欢迎新成员 - Ryan  - 粤车无数
 呢部车喺后驱嘅,后悬挂用咗一字担配钢板弹簧,虽然证件喺写客车,不过距主要都喺载货,所以咁嘅设计喺好啱用。
欢迎新成员 - Ryan  - 粤车无数
备胎装喺车底,主要都喺为咗唔用车厢空间,不过换胎就麻烦少少。
欢迎新成员 - Ryan  - 粤车无数
 阁瑞斯地台都几高嘅,所以距都整咗“步级”俾人踩住上。除咗地台高之外,凳架都喺刻意升高嘅,坐上去之后,因为部车喺短头,所以视野有少少似五十铃NHR。
欢迎新成员 - Ryan  - 粤车无数
 驾驶位设备喺好斋嘅,就得电窗电镜。音响好普通嘅,部车咁大,喇叭都喺得几只,基本上都喺听下收音机。想听歌都得,有USB。
欢迎新成员 - Ryan  - 粤车无数
 我地好实际嘅,尤其喺工具车。呢部车一落地,都未同距啲“同事”相处过,就即刻上岗,一日跑过百公里,以后生生性性喇。
欢迎新成员 - Ryan  - 粤车无数
 呢部车嘅设计总质量喺连人带货两吨八,用一个五前速嘅手波波箱。为咗加力,头三档波牙相当密,不过手感都几过瘾,唔会特别松,毕竟喺新车。冷气就未试到,因为寻日得20度,喺唔喺都冻,不过暖风同除雾都好劲。
欢迎新成员 - Ryan  - 粤车无数
 为咗方便喺车里面行来行去,或者临时临急换司机,迟啲或者拆咗呢个杯架。因为呢个杯架好浅,位置又低,开紧车想饮野都唔喺好就手,而且后面呢个位置摆唔到嘢,开快少少就飞咗去唔知边度。
欢迎新成员 - Ryan  - 粤车无数
 到后镜好细只,不过基本都睇到车里面啲货有冇固定好。距本身都有倒车雷达,不过长远嚟睇,或者迟啲装翻个倒车影像。
欢迎新成员 - Ryan  - 粤车无数
 呢箱喺跟车嘅工具,主要都喺灭火器同三角牌。手册要摆喺车度,到时叫个司机自己睇熟距,如果对自己嘅揾食工具都唔熟悉,绝对唔喺一个合格嘅司机。手册好有用,里面会讲呢部车有咩特别设计,万一坏车都可以即刻排查问题。
欢迎新成员 - Ryan  - 粤车无数
作为一部工具车,车里面嘅环境都好影响驾驶嘅心情。呢部车喺用布凳,虽然邋遢咗好难清洁,不过胜在冬暖夏凉。
欢迎新成员 - Ryan  - 粤车无数
 同风行一样,暂时都唔会拆凳。将第二排推到最前面,再反起第三排,基本上就喺呢部车嘅载货空间。为咗方便司机搬货,车里面会有一部手推车。
欢迎新成员 - Ryan  - 粤车无数
 除咗司机之外,仲会有一个人跟车。呢个人主要负责点货、搬货同跟单,但系必要时都要做埋司机。凳背旁边有个手枕可以反落嚟,而且呢张凳都可以大幅度前后移动,副驾驶可以有多啲脚位。
欢迎新成员 - Ryan  - 粤车无数
 为咗方便搬货或者人员上落,呢部车用咗趟门,不过得一边。中排都喺可以大幅度前后移动,如果移到最后,脚位会好夸张。
欢迎新成员 - Ryan  - 粤车无数
 中排两张独立凳,除咗可以前后左右移来移去之外,亦都有独立嘅手枕,不过坐落都喺有少少偏硬。
欢迎新成员 - Ryan  - 粤车无数
 中排有独立冷气控制。
欢迎新成员 - Ryan  - 粤车无数
 第三排都可以调节风速。
欢迎新成员 - Ryan  - 粤车无数
 合金铃用六粒螺丝固定,车胎比较窄,花纹似农民车车胎,牌子喺玲珑。刹车就一般般,算比较渐进,不过唔能够开太快,空车嘅话车胎抓地力已经麻麻地,如果装满货之后,我又有少少担心刹车唔够收。
欢迎新成员 - Ryan  - 粤车无数
 距喺用一副编号V19嘅直四引擎,排气量1997cc。如果睇引擎摆位同周围零件嘅设计,距喺唔够之前部风行咁好,线路比较乱。距喺用封油太,太感偏轻。着车之后,引擎动静好大,我开咗半个钟,一路嘈到我熄车为止。
欢迎新成员 - Ryan  - 粤车无数
金杯,好多时都会啉起海狮,然之后啉起丰田。阁瑞斯,距其实喺参考丰田嘅Granvia,Granvia其实90年代中期已经有,当时距嘅对手基本上喺锁定三菱嘅SpaceGear,之前部东风风行都喺参考SpaceGear造出嚟。不过三菱嘅SpaceGear就“佬味”重啲,后尾仲出埋越野版嘅SpaceGear,但系丰田Granvia依然仲喺咁居家。
欢迎新成员 - Ryan  - 粤车无数
 虽然距宜家喺载货为主,但系如果有朝一日再多部同类车,或者我会将呢部阁瑞斯改一改,变成载人为主。到时可能距副机器已经柴柴地,或者换翻副2.7,跟翻个4前速自动波。呢部车可以有好多可能性,或者到时换晒六张舒服啲嘅凳,又或者索性将距改为四座位,重新包装过成个内笼,真喺啉起都兴奋。


 
 
 
  评论这张
 
阅读(9)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018