注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

Fake SPORT-----2016凌志IS200t F SPORT  

2016-06-16 23:02:31|  分类: 试车日记 |  标签: |举报 |字号 订阅

  下载LOFTER 我的照片书  |
唔似后驱-----2016凌志IS200t F SPORT - Ryan  - 粤车无数
以前买凌志IS,通常都要使好多钱。
无论系IS250定系IS300,无部平。
宜家就唔同讲法喇,因为有IS200t。
两公升,涡轮增压,8档自动波,前置引擎后辘带动。
钱使少左。
享受亦都少左。


唔似后驱-----2016凌志IS200t F SPORT - Ryan  - 粤车无数
虽然过左几年,但系我到宜家都未接受到IS嘅头灯,我觉得距好猥琐。
F SPORT包围显得部车好高身,车头好厚。
密爪合金铃都唔系我杯茶。
展厅里面有部银灰色,我觉得好睇过白色。
唔似后驱-----2016凌志IS200t F SPORT - Ryan  - 粤车无数
车尾依然系好易认,因为尾灯设计到好似介烂沙板咁。
呢部车底盘唔算好低,不过头唇系低D嘅,反而尾唇就高D。
唔似后驱-----2016凌志IS200t F SPORT - Ryan  - 粤车无数
唔似后驱-----2016凌志IS200t F SPORT - Ryan  - 粤车无数
太盘D皮好啜手,我唔系好惯。
仪表板系液晶嘅,我几中意,中间呢个圈可以左右移,用太盘右边嘅噤制控制,信息量都好大。
一着车,好大阵汽油味,企系车外面会听到引擎声好嘈,以前嘅IS  V6绝对唔会有D咁嘅声。
凌志系列出名宁静,只要关埋门,就会与世隔绝,呢部IS都做得到。
特别提一提支转速指针,我觉得距好似一把剑仔,而且同转速好同步,因为部车初期转速好唔稳定,支针都跟得到。
唔似后驱-----2016凌志IS200t F SPORT - Ryan  - 粤车无数
中控台上面嘅屏幕有D似CT200H果个。
倒车影像嘅颜色唔系好靓,不过D线几易睇。
咁细部车,加上两只侧镜几大只,如果你习惯睇镜倒车,唔会好难。
唔似后驱-----2016凌志IS200t F SPORT - Ryan  - 粤车无数
IS嘅内笼其实好有心思,甚至有少少似装修。
本来中控台冷气出风口设计得好普通,但系中间加个钟就唔同晒,有少少古典。
至于空调同音响控制面板,其实好胶,但系距就用左噤制,触摸同扭制控制,D制好灵敏,特别系两个扭制,除左好手感之外,粒制都整到似名厂音响。
另外提一提音响,呢部车无用果套好出名嘅麦力云逊音响,不过其实都唔差。好多人一提起凌志,都会讲下麦力云逊音响,但系如果你试过晒凌志D车,会发觉装呢套音响效果最好嘅车,系上一代嘅四眼GS。
唔似后驱-----2016凌志IS200t F SPORT - Ryan  - 粤车无数
至于马鞍位,虽然都系胶,但系就系手枕位置分区,左边系驾驶,右边多媒体。
波棍连套嘅造型有D似手波,D档拍去左边会切换成手波模式,推前系加,拉后系减。
驾驶模式有三个,拧去左边系ECO经济模式,拧去右边系SPORT运动模式,就咁噤一下系NORMAL一般模式。
启停开关,防滑开关同雪地模式都系系扭制后面。
唔似后驱-----2016凌志IS200t F SPORT - Ryan  - 粤车无数
其实呢部车系唔好坐嘅,无论前排定后排。
后排脚位唔多,中间空调出风口后面有一大旧突起。
唔似后驱-----2016凌志IS200t F SPORT - Ryan  - 粤车无数
就算大脚油,部车起步都唔会有咩冲击力,我试过好多次,起步都系好顺,顺到有D慢。
引擎声唔系好稳定,力量唔算好早出,反而有少少偏向中高速,尤其系80公里时速打后,部车就好精神。
车架算系几硬净,掟来掟去都唔觉得有咩杂音,车身都唔会浪。
车胎唔算好咬地,想逼距叫唔难。
视野都唔错,尤其两边望,盲点好少。
波箱反应可以话系慢,拨片可有可无。
望住呢个F SPORT徽章,我啉紧一个问题,到底F系咩意思?我觉得系Fake,Fake SPORT,假运动。
IS200t,已经唔系以前嘅IS。
先讲下呢个新款嘅2.0T,距同上一代IS或者今代用开嘅V6可以话系两个世界,丰田整V6有几滑溜有几静有几定,如果你试过,一定会印象好深,因为会觉得副V6好有底气,快得来好顺,同凌志系列可以话系衬到绝,唔会好似宜家呢个2.0T咁,摆到明力不从心,尤其着车同低速,唔觉得距有几顺滑,再加上距又唔系好悭油,所以第一印象已经唔好。以前嘅IS系好受欢迎嘅,虽然距真系好鬼贵,但系行系街除左靓仔之外,行车质感其实好高级,以前开IS可以话系享受,因为距同GS一样,都有好顺滑好自在嘅感觉,零压力而且可以将部车开到好快好定。宜家嘅IS,同GS无得比,但系以前系有得比嘅。我唔系好明车厂点解要整IS200t出黎,就算宜家系好兴细排量TURBO引擎,都唔代表乜嘢车都岩用,讲得难听D,消费者唔识野,消费者想食屎,你喺米都整D屎比距食?以前嘅IS系一款名车,名气系好大嘅,但系睇番今时今日嘅IS200t,我觉得距已经唔系好似以前咁。


 
  评论这张
 
阅读(149)| 评论(4)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017