注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

双门唔一定系跑车-------2016福特野马2.3 TURBO  

2016-06-13 10:16:58|  分类: 试车日记 |  标签: |举报 |字号 订阅

  下载LOFTER 我的照片书  |
双门唔一定系跑车---------2016 福特野马 2.3 TURBO - Ryan  - 粤车无数
今次其实系我第三次试呢款车
呢部试驾车改左少少野,不过大致上行车表现同普通版系差唔多嘅。
回头率同一年前相比低左好多,听讲呢款车都几好卖。
落雨之前嘅天气唔系几好,偏热,涡轮增压车系呢D天气行街,表现会弱D。
红色车身,未行到埋去都觉得好热。
双门唔一定系跑车---------2016 福特野马 2.3 TURBO - Ryan  - 粤车无数
太盘好大个,太环左右两边嘅红色皮有少少似86嘅设计,制唔算好多,不过长条形,要用力噤。
仪表板系传统指针款式,中间嘅彩色液晶屏都几多野睇,行驶模式,胎压,都可以系度睇到。
转波拨片虽然细只左D,但系就装得好贴近两边太环,用手指店中唔难。
双门唔一定系跑车---------2016 福特野马 2.3 TURBO - Ryan  - 粤车无数
着车制又系好似86咁装系中控台下面,隔离有几粒制,整到好似赛车嘅fuse制咁,其实由左至右系危险灯,防滑开关,设定太盘力度,驾驶模式。至于导航,系要插地图卡先可以用,不过呢部车无,所以试唔到导航。
自动波,波棍装得比较高,加减波要用拨片。
双门唔一定系跑车---------2016 福特野马 2.3 TURBO - Ryan  - 粤车无数
坐系车入面,将张凳较到最低,但系原来较到最低都唔算好低。
望前面,会见到头冚中间有件野突起左,本身呢部车嘅头冚款式已经系偏高,加埋改件就更加高,有少少阻视线。
虽然车头长D,但系都算几肯入弯,车头唔觉得笨,反而觉得车尾有D野拖住拖住。
试车路线比较普通,主要都系两段直路,然之后系立交桥底掉头,经过两个红绿灯,路面基本都系铺得好靓,系沙井盖多左D,车流量唔大。
首先试下D档,D档加速黎讲呢,唔觉得距有说明书写咁大power,升档都几懒,而且卸力卸得好犀利,踩到好深油门都唔觉得部车好有冲击力,但系踩到底,部车会啉一啉,跟住突然之间冲出去。
再试一试S档,起步嘅话S档同D档系差唔多,就算用拨片,波箱升档降档嘅反应都唔系差好远,尤其系降档,左手拉一拉拨片要等一等先会见到转速表有动作。
如果就来开到去红绿灯,一档一档咁退档直到部车就快停低,其实波箱都可以应付到,唔会觉得震,因为距自己其实识得补油,反而系完全停低嘅时候会震一震,呢个时候踩实刹车,入P档,部车又唔震。
如果想降档超车,咁就真系跟唔到节奏,而且一拉拨片降档,波箱等一等再做野,呢个时候踩大脚油,部车会震一震,然之后推一推你,然之后再有一个新嘅力推一推你跟住一路加速,成个过程都系斩件上,唔系一次过。
至于甩尾,距就有少少似之前试嘅ATS,如果好似今次呢种咁嘅立交桥底路面甩尾,我习惯系咁嘅,比如路线系转左掉头,我反而系先抽右,然之后先大脚油抽左,岩岩由右到左嘅时候车尾会有惯性,再加上大脚油,同埋呢部车应该系有LSD嘅,成个感觉好好控制,除左初期反太反得快D之外,车尾打横嘅时候完全可以慢慢慢慢修正,不过踩油只脚千期唔好缩,成个甩尾动作做完都唔需要缩,你feel到部车个车头摆直,你就即刻摞翻直堂太,咁部车就会顺利出弯。
双门唔一定系跑车---------2016 福特野马 2.3 TURBO - Ryan  - 粤车无数
双门唔一定系跑车---------2016 福特野马 2.3 TURBO - Ryan  - 粤车无数
上下两张图,一齐睇。
留意公里数,我开左7公里左右,但系胎压变得好快,呢部车出车之前我估计距系打左好高磅数嘅胎气。
其实唔需要。
车胎系接地嘅,尤其系呢D相对阔身嘅车胎,唔需要打咁多气,因为天气本身已经热,地下一样好热,条胎落地卒几卒就会热,胎温胎压自自然然会升得好快,如果你一开始就打好多气,会令到胎面接地嘅面积细左,而且部车会好跳。
双门唔一定系跑车---------2016 福特野马 2.3 TURBO - Ryan  - 粤车无数
坐后排,只脚都系要嵌入前排凳底,不过只脚仲可以郁。
前排有通风凳,但系后排系无嘅,再加上后面太阳晒,背脊好热。
双门唔一定系跑车---------2016 福特野马 2.3 TURBO - Ryan  - 粤车无数
 头顶空间我可以接受,因为凳面好凹,又可以坐得好斜,影相嘅角度就系我坐后排睇野嘅视角。
不过呢部车嘅装嵌就麻麻地,坐后排会听到后面成日有吱吱声,有时仲会啪啪声,好似有野松左。
双门唔一定系跑车---------2016 福特野马 2.3 TURBO - Ryan  - 粤车无数
展厅里面摆左现款野马同埋距嘅祖先。
试车期间工作人员都一直系度同我洗脑,我承认野马对于美国来讲系好有意义,不过呢D资料,同部车嘅真实性能系脱钩嘅,车系历史悠久唔能够直接等于呢款车就系超值或者高性能。
双门唔一定系跑车---------2016 福特野马 2.3 TURBO - Ryan  - 粤车无数
讲翻呢部车,虽然宜家好兴涡轮增压引擎配双离合波箱,但系如果距系咁搭配就反而唔够“野马”。野马系点嘅呢,就系好似宜家咁,力量系有嘅,但系揸落系蠢蠢地,但系又可以好享受高速。甩尾唔甩尾唔系最主要,因为野马呢款车整出黎唔系话要点样极限驾驶,而系整一部相对来讲平价嘅,有型D嘅,大部D嘅,相对来讲算系实用嘅,力量唔弱嘅双门车。双门车,其实唔需要标签到点样高性能,因为开双门车,前提系享受,如果你觉得开住呢部车好叹,好enjoy,咁距就系一部好成功嘅双门车。
 
  评论这张
 
阅读(69)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017