注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

难兄难弟------2002年M.Benz ML320  

2015-08-28 15:01:31|  分类: 试车日记 |  标签: |举报 |字号 订阅

  下载LOFTER 我的照片书  |
难兄难弟------2002年M.Benz  ML320 - Ryan  - 粤车无数
ML呢个车系,同我好有缘。我读中学嘅时候坐过ML 320,读大学嘅时候亦都坐过ML 350,出来做野,岩岩入行卖易手车,第一部交易嘅车又系ML 320。之后我同朋友开始研究旧车,初头我地系开住部丰田海狮周围去揾车同试车,后尾有个前辈发觉原来好多经典旧车都隐居系大山大岭,之后就索性换左架ML 320。换左呢部脚车之后,我地越行越远,清远又去云浮又去,但系因为我地个个都有份正职,第二日要上班,所以就算几夜都好,都要半夜三更赶翻佛山,我地亦都试过凌晨系路边整车,整完开到半路又跪低左,所以我对ML呢个车系印象好深。
难兄难弟------2002年M.Benz  ML320 - Ryan  - 粤车无数
今次介绍一部2002年落地嘅ML 320,编号系W163。W163系属于第一代ML系列,系美国装嵌,距系由1998年2月份一路出到2005年6月份,不过呢个款曾经系1997年出现过,因为当时有出电影叫做《侏罗纪公园》,Benz厂赞助两部ML 320做主角嘅探险车,当时呢部车一蒲头即刻卖晒广告,因为好少德国名厂SUV识得冲泥氹、撞树、避恐龙同埋救人。虽然ML 320系Benz厂出嘅贵价SUV,但其实佬味好重,比如车头呢个防撞栏,要队穿个头泵把先安装到。
难兄难弟------2002年M.Benz  ML320 - Ryan  - 粤车无数
 ML 320最容易认就系车尾呢个备胎架,一般越野车想”孭书包“,通常都会将个备胎挂系只尾门度,但系日子一耐,支架同门铰都好容易坏,而第一代ML就唔同,距个备胎架其实系装系车底,所以如果想打开只尾门,就要打横拉开个架,然之后先可以开,再加上呢个支架大大件,除左可以保护到条备胎,亦都可以令到部车嘅比例望落协调D,因为SUV其实都属于两厢车,两厢车一般都会比较”大头仔“,所以呢个备胎架设计到今时今日都仲好多人赞。ML 320之所以可以系树林同烂地里面走来走去,除左系四驱之外,最大功劳就系距个类似货车嘅底盘。引擎波箱装系大梁架上面,而车壳就后期装上去,即系话呢部车就算无车壳都系可以行嘅,而且行烂路嘅时候车壳好少变形,就算撞车,车架都可以承受到大部分嘅撞击力。
难兄难弟------2002年M.Benz  ML320 - Ryan  - 粤车无数
 打开车门之后,你会闻到好大阵味,因为以前嘅旧款Benz好多都会有呢只味。你会见到内饰嘅颜色好似唔系好顺眼,但其实系原装嘅,而且唔会好讲究款式,全部制都系好直观。太环好幼身,皮料好硬,太盘后面嘅拨杆全部系左手边,仪表板系黑底白字设计,手刹系用脚踩嘅,但系放手刹就要拉果个写住”P“嘅拉手。
难兄难弟------2002年M.Benz  ML320 - Ryan  - 粤车无数
 如果斋讲视野,呢部车系好高分嘅,但系控制就唔算好就手,尤其系波棍嘅位置,装得好低。ML 320系由1998年嘅2月份出到2002年嘅8月份,所以呢部2002年款岩岩踏正ML车系嘅千禧年改款,亦都有加减波,SUV嘅加减波其实好有用,因为呢部车重,上斜坡或者坐满人就要用减档去逼引擎嘅扭力,所以加减波嘅设计一定要就手。
难兄难弟------2002年M.Benz  ML320 - Ryan  - 粤车无数
ML 320嘅身形唔算细粒,有七个位,无论你喺坐前排、中排定系后排,头顶空间都无问题,不过中排同后排嘅脚位就好一般。中排嘅坐姿同前排类似,而且椅背好斜,门板同前排凳背嘅造型都好温馨,气氛都几放松,但系坐后排就好辛苦,因为只脚唔知点放好,再加上部车一行,就算坐系后排都会听到引擎有D”呜呜“声传左入黎,冷气都系,虽然冷气够晒冻,但系风扇声好嘈。
难兄难弟------2002年M.Benz  ML320 - Ryan  - 粤车无数
 呢部车用左一副3.2升V6自然吸气引擎,编号系M112.942,排气量系3199cc,最大马力218匹,最大扭力32公斤米,波箱系5前速自动波有加减,前置引擎四驱。呢副引擎最特别就系一个汽缸有三只气门,两只负责吸气,一只负责排气,着重低转速扭力表现。当年进口嘅ML320好多,而且好多部都会窒油,呢部都有。ML 320起步唔算快,但系波箱就几好,跳档好顺,亦都唔算慢。太感比较重,转弯亦都好笨,快少少过弯都会几侧,但系车胎就好咬地,不过开呢部车真系好闷,可能关个ESP事。ML系世界上第一部有ESP嘅SUV,再配合埋前面同侧面嘅气囊,够晒稳阵,但系ESP系会识得帮你收油嘅,所以有ESP嘅车,唔一定好开,主要都系睇下距嘅介入时间系点样设定,太早出ESP,开车会好无瘾。呢部车行紧60公里时速已经开始有D嘈,引擎好嘈,内笼亦都有D杂音,听落似系中控台附近有声。太盘其实都几准,尤其系部车开快少少,太盘开始无咁重手,因为对于呢类型嘅车黎讲,转弯扭太一定要好准,因为部车惯性好大,我次次开呢D大牛龟我都希望路感多D,转弯敏捷D,如果连扭太嘅感觉都矇查查,虽然感觉上系自在左,但系如果你了解呢类型车,就会发觉咁样其实系危险左。
难兄难弟------2002年M.Benz  ML320 - Ryan  - 粤车无数
虽然呢一代ML 320好似无乜特别,但系我觉得距系SUV嘅始祖。因为SUV首先一定系多功能,就好似呢部车咁,视野好好,泊车亦都无乜难度,亦都有翻咁上下越野性能,呢句唔系我一个人讲嘅,连之前大沥猎人越野车会嘅前辈都系咁认为。除左可以周围走之外,形象亦都好好,距可以停系五星级酒店门口,又可以停系街市,虽然距车头有个好大嘅Benz标志,但系如果你了解距嘅设计,你就会放胆当距好似工地佬车咁样用,可以共富贵,又可以共患难,我非常欣赏。
  评论这张
 
阅读(182)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017