注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

移动城堡-------2009年富豪S80L  

2015-08-20 11:16:25|  分类: 试车日记 |  标签: |举报 |字号 订阅

  下载LOFTER 我的照片书  |
移动城堡-------2009年富豪S80L - Ryan  - 粤车无数
我统计过微信群,好多人暂时仲系计划紧买第一部车,时不时都会有车友留言问买咩车好,就一句,但系我一般都会问翻距好多个问题,部车嘅国籍有无要求啊?部车系你一个人玩定系全家都用啊?平时行咩路多啊?稳几钱一个月啊?中意两厢定三厢啊?手波定自动波啊?越野车定休闲车啊?跑车定房车啊?啉住用几年就卖啊?有无相熟车房啊?诸如此类。有耐性嘅会全部答晒,无耐性嘅会话翻我转头,其实我系想话你知,呢个世界无绝对好嘅车,只有岩你用嘅车。
移动城堡-------2009年富豪S80L - Ryan  - 粤车无数
 今次介绍一部2009年落地嘅富豪S80L,国产兼加长,通常听到“沃尔沃”或者“富豪”,都会觉得距老饼,但系呢部已经系好好多喇,因为以前果D“富豪”,都唔系好讲求款式嘅,一味稳阵,就算同级对手变到好妖,距都仲好似一旧木咁,其实咁系好成熟嘅做法,因为潮流系有轮回嘅,你有你随波逐流,我有我继续坚持,你变到无得变嘅时候,话唔定会学翻我转头。
移动城堡-------2009年富豪S80L - Ryan  - 粤车无数
 虽然系2009年嘅车,但系呢个款系2006年就有,因为距系属于富豪S80系列嘅第二代。呢部车系好矮嘅,尾灯亦都系好旧式嘅富豪设计,好少车会抄距。虽然车身无乜三尖八角嘅设计,但系好多细节位会话比人听距其实系好跑得,比如17寸胎铃,而且车胎嘅胎纹有分inside同outside,属于鸳鸯花,有齐原装嘅裙脚同包围,亦都有双输出尾喉。
移动城堡-------2009年富豪S80L - Ryan  - 粤车无数
 富豪呢个牌子出名硬净,开车门果下你就会好明显feel到,车门系好关键嘅,因为如果你有长时间用车经历,就会知道行到咁上下就要搞下门铰同门锁,因为变左形,点解会变形?因为车架会扭曲,另外,如果车门锁实之后少D虚位,呢个时候成只车门就会变成一个支撑件。
移动城堡-------2009年富豪S80L - Ryan  - 粤车无数
 呢部车嘅内笼都系好实净,虽然你店到嘅位置唔系皮就系软胶,但系唔会觉得松散,色水配搭都系好温馨,开车同坐车都唔会有咩压力,虽然储物位唔多,但系我之前都讲过,我系唔会放野系车度,所以对于我来讲,储物空间多定少系无分别。呢部车坐姿系偏矮嘅,太盘好大个亦都比较直,波棍位置唔会太前,而且因为中控台凸左出黎,所以D制都好容易望到亦都好容易店到,冷气亦都好冻但系唔算好静。
移动城堡-------2009年富豪S80L - Ryan  - 粤车无数
 防chok颈头枕主要系后面有车撞上黎嘅时候,因为惯性你会向后压,呢个时候头枕会向前压,尽量减少冲力,保护你条颈。后排气氛同前排好唔同,首先后排系会坐得高少少嘅,而且挨住头枕嘅时候,岩岩系比后门果件细玻璃遮住,系车出面好似睇到,其实系睇唔清嘅。系度再重新讲下玻璃同贴玻璃纸,有D车本身玻璃系有色,你贴浅色嘅玻璃纸就够晒,唔需要贴到黑晒,因为真正隔热同防UV嘅玻璃纸,一般都唔会好深色。
移动城堡-------2009年富豪S80L - Ryan  - 粤车无数
 呢部车用左一副直列五汽缸涡轮增压引擎,好偏门嘅,编号系B5254T6,虽然写系写住2.5T,但系证件写住排气量系2521cc,所以呢部车嘅车船税唔系720蚊,而系1800蚊。最大马力有200匹,最大扭力有29.5公斤米,用6前速自动波,有加减波功能,前置引擎头辘带动。呢部车起步系好慢嘅,虽然扭力系2000转楼下涌出黎,不过部车差唔多吨八重,好明显系笨D,等转速上到3000几,车速有翻60几,力水就会好好多。引擎唔算系好精细,转速上落唔算系好顺滑,不过呢部车好似好慢,开到好快都唔觉得快,车头指向唔算好准,推头好明显,但系车胎唔会乱叫。最特别系底盘调教,避震好似好淋,因为佛山一环D路真系唔算靓,好多时都有烂路,部车行过会浮下浮下,有少少似短阵版嘅W220   S320,唔觉得震,静系觉得部车摇下摇下,车辘算系好贴地,内笼依然好静,唔觉唔觉就开到好远,不过部车就好大食,我估计呢部车市区兜来兜去一升油都系行8公里左右。
移动城堡-------2009年富豪S80L - Ryan  - 粤车无数
虽然车界一直都研究紧轻量化,但系点解我仲好中意呢D大牛龟呢?因为我拣车系视乎用车环境,我都中意玩跑车,贪距样靓又好飞,但系无奈D路唔靓,我有时都中意揸丰田霸道,因为连埋我可以坐八个人,但系无奈我单位附近都无咁大个车位,我有时都中意开细车,贪距悭油好泊车,但系最近好迷去大夫山踩单车,想唔拆辘放两部单车入去唔系咁容易。如果你计划系买一部车,拣车仲系要求部车要靓仔、又要名牌、空间又要大、又要悭油、又要好玩、零件又要平、维修又要少、车价又要平、仲要襟用,咁真系无计喇,一部车满足唔到你,唯有买多部啦。
  评论这张
 
阅读(126)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017