注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

易控快车----2007年3月C230  

2015-08-11 13:08:22|  分类: 试车日记 |  标签: |举报 |字号 订阅

  下载LOFTER 我的照片书  |
易控快车----2007年3月C230 - Ryan  - 粤车无数
 所谓“操控性能”,其实包含好多方面,加速、减速、太感、转弯反应、避震弹跳、车辘抓地力,甚至乎坐姿同视野都有直接关系,因为如果坐得唔好睇得唔清,亦都无可能揸得快。至于有无操控性能好全面嘅车,呢个亦都无谱,因为无论一部车设计几精良都好,都要视乎用车环境,比如燃油质素、气候、路面情况,通通都会影响一部车嘅发挥。今次同大家介绍嘅车有D特别,距唔系一部“公认”嘅快车,不过只要试过之后,可能会打破你一直对于“操控性能”嘅睇法。
易控快车----2007年3月C230 - Ryan  - 粤车无数
 呢部系旧款C仔,型号系C230,2006年制造,2007年落地,底盘代号系W203,呢个款最初系2000年出现,最明显就系头灯似花生,侧镜加入转弯灯。宜家好多人话新款C仔似S级,其实之前几代都已经行紧“缩水S级”嘅路线,斯斯文文,无跑房车咁战斗格,所以形象系几好嘅,客路都系偏成熟,当初BENZ厂整C仔出黎系想造家庭房车,不过因为实在太贵,用家往往已经去到管理层,所以D人已经惯左将C仔定义为经理车。
易控快车----2007年3月C230 - Ryan  - 粤车无数
 咁多代C仔,呢一代最似S级。呢部车无论侧面线条、侧镜造型、尾灯造型甚至玻璃颜色,都同当年代号W220嘅S级差唔多,咁当然C仔嘅零件会细件D。曾经有人话C仔系最容易负担嘅BENZ房车,我估距净系讲紧车价,唔记得左计埋维修保养,虽然保养价钱比较无谱,但系维修就会涉及换零件,比如换头尾灯、玻璃、冷气泵、胎铃、避震、悬挂零件呢D,仲有车头栋起果个最引人犯罪嘅BENZ标志,无论新件定拆车件,C仔零件嘅价钱可以话系同S级同级。
易控快车----2007年3月C230 - Ryan  - 粤车无数
 C230算系C仔系列嘅中等型号,内笼正正经经,以前嘅C230仲系好中意用桃木,今代就唔同晒喇,因为要转型打入后生市场,内笼依然系黑色为主,但系窗制、中控台、马鞍位就用左哑银色去撞,踏板都用左不锈钢加防滑胶粒设计,望落比较重金属。
易控快车----2007年3月C230 - Ryan  - 粤车无数
 C230嘅太盘比较细个,用左三幅式设计,太控左边系设定行车电脑,右边系电话同音响大细声,不过粒制似药丸,而且手感好硬胶。仪表板系四个圈设计,从左到右系水温、时速、转速同油表,时速表同转速表之间有两个屏幕,上面系显示里程,下面系显示温度、时间同档位。中控台上面有个突起嘅显示屏接驳倒车雷达,虽然冷气出风口设计好旧,不过冷气又静又冻。
易控快车----2007年3月C230 - Ryan  - 粤车无数
 呢部C仔嘅前座系半桶型设计,上半身有侧面支撑嘅蝴蝶翼,头枕亦都稍为向前,但系脚就无乜支撑,坐垫短左D,张凳比较软熟,凳面比较滑。
易控快车----2007年3月C230 - Ryan  - 粤车无数
 后排嘅质素系同类型车里面算系高分,坐垫好斜,而且凳面系兜起,坐落之后个人嘅重心就可以向后D,亦都唔使坐到成个驼背仔咁,坐姿可以好放松,脚位OK,而且三个位都有独立头枕,头顶空间都好够,又有电尾帘,不过要系中控台控制。
易控快车----2007年3月C230 - Ryan  - 粤车无数
虽然车尾写住C230,但系呢个引擎排气量系2.5嘅,编号M272,V6自然吸气设计,最大马力系204匹,最大扭力24公斤米,七档自动波有加减波拨片,前置引擎后辘带动。踩油踏板初段系无乜反应嘅,想距行起码要踩一半,但系如果再踩深D,又好似快过头,因为个七档波箱都几积极下嘅,换挡感觉都好轻微,尤其系广州塞车路段,距系默认2档起步嘅,就算系2档同3档之间跳来跳去,都唔系好明显,跟车都好容易控制,而且油门反应都好易适应。呢部车都几静嘅,踩大油引擎声都系传入黎少少,所以唔觉唔觉会开得几快下,波箱反应真系几快,连续减2个档位都好顺,而且供油电脑应该都有补油辅助,因为咁先可以匹配翻唔同档位嘅引擎转数,所以无论引擎同波箱听落都好精神,不过内笼有D杂音系中控台附近传出黎,时有时无。呢部车唔算好重,斋车都系吨半出头,但系避震调校就好有惊喜,以往都有用过BENZ房车,但系果D车嘅避震设定都好淋,快系够晒快,但系个人唔会好投入,同部车无乜沟通。呢一部C230就好好多,引擎力水唔算好劲,避震设计亦都偏软,不过避震机反应好快,所以行过D烂路都唔会摇得好犀利,车架好硬净,底盘杂音都好轻微,转弯反应同行平路差唔多,无论快慢都系好听话,刹车力度都好平均,急刹太盘都唔会震,部车唔会摆,车头亦都唔会中得好犀利。至于转弯,呢部车车尾反应唔算好活泼,侧倾都几大,但系四只车辘依然好贴地,感觉好稳阵。
易控快车----2007年3月C230 - Ryan  - 粤车无数
系“操控性能”咁多个元素里面,车胎设定系好关键嘅。先讲车胎,比如呢部车咁样,前辘规格系225/45 R17,后辘规格系245/40 R17,前置引擎后辘带动嘅车好多都会用呢种“头尾铃”设计,一来前辘窄D,入弯反应会快D,二来后辘阔D,可以减轻甩尾,除左睇规格之外,仲要睇埋车胎磨蚀嘅程度,以呢部车来讲,四条车胎蚀得好平均,亦都可以知道呢部车刹车性能唔错,因为距虽然无用到几遮鲍鱼,亦都无界坑碟开窿碟,刹车皮都系普通料,但系起码用晒四条车胎嘅抓地力,咁先为之系最大刹车效能。

 
 
  评论这张
 
阅读(58)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017