注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

代步脚车王-------------2006年1月丰田Prius  

2015-08-11 13:04:40|  分类: 试车日记 |  标签: |举报 |字号 订阅

  下载LOFTER 我的照片书  |
代步脚车王-------------2006年1月丰田Prius - Ryan  - 粤车无数
 丰田Prius,国内叫距做“普锐斯”,系一部混合动力车。1992年丰田车厂发布左《地球宪章》,主要系话比人听距要研制低排放汽车,而第二年丰田研发中心就成立左一个叫做“G21”嘅小组,主要思路就系想呢部车有电动车优点又有汽油车优点,
而呢部车一开始就系叫做“Prius”。第一代嘅普锐斯底盘代号系NHW10,外形由鬼佬设计,但系部车就由丰田系日本爱知县嘅厂房组装,1997年12月10日上市,初头啉住专供日本本土市场,但系亦都有人将距偷运去英国、澳洲同新西兰。研制呢部车难就难在点样处理好电池同电动马达嘅电压,丰田佬就参考左当年日本新干线嘅子弹火车,系普锐斯里面装左一个半导体核心变频装置。直到宜家为止,普锐斯出到第三代,全世界超过40个国家可以买到,系2008年5月份,普锐斯一共卖左100万部,去到2010年已经超过160万部,美国市场占一半。根据EPA(美国环保署)嘅评选,普锐斯系美国市场里面燃油效率最高嘅车,而CARB(加州空气资源委员会)就同普锐斯做左烟雾同有毒废气排放标准嘅测试,话普锐斯系最清洁嘅车。
代步脚车王-------------2006年1月丰田Prius - Ryan  - 粤车无数
 今次介绍嘅普锐斯属于第二代,由2004年出到2009年,底盘代号系NHW20,第一代普锐斯系用三厢式房车设计,但系呢一代就改用两厢设计,线条圆碌碌而且望落似一个鼠标,所以风阻好低。除左日本爱知县之外,呢一代普锐斯亦都系四川成都组装,国产版嘅车价平过进口版8%左右。
代步脚车王-------------2006年1月丰田Prius - Ryan  - 粤车无数
 虽然大致上系两厢设计,但系车尾就有少少类似“两厢半”,主要系因为尾玻璃除左斜之外,仲系后面加多只尾翼,而且尾翼同尾灯差唔多高,可以整理经过尾玻璃嘅气流。
代步脚车王-------------2006年1月丰田Prius - Ryan  - 粤车无数
 混合动力车话晒都系一件潮野,所以点都要搞翻个高科技嘅内笼。除左门窗制嘅设计参考左一般嘅丰田小型房车之外,其他都算几有新意,中控台系侵入式设计,所以占左好多前排嘅空间,视野好好,坐姿好自然,而且张凳嘅质素好有惊喜,坐落好软熟,而且承托力同皮面质素都仲keep得好好。
代步脚车王-------------2006年1月丰田Prius - Ryan  - 粤车无数
 仪表板放系中控台上面,主要系显示档位、时速、油表同其他提示灯,无转速表,亦都无水温表。太盘系四幅式设计,除左左上角有拣歌拣电台大细声之外,左下角仲可以控制埋冷气,而右下角就系控制内外循环切换同除雾。冷气出风口有D似当年丰田霸道果种,中间呢个屏幕主要系显示音响资讯同混合动力状态。两张凳之间无波棍座,改为储物格同杯架,副驾驶位前面仲有两个好大嘅储物盒。呢部车原装已经系JBL音响,有一键着车,又有电子手刹,而电子手刹下面就系波棍,不过距得R、N、D同埋B四个档位,虽然好多人话呢个系CVT,但其实距系有档位嘅,不过得一个档位咁大把,至于呢个B档,主要系因为呢部车有纯电动嘅EV模式,如果入左B档,就会有类似引擎刹车咁嘅效果,落斜坡可以用。
代步脚车王-------------2006年1月丰田Prius - Ryan  - 粤车无数
 虽然普锐斯嘅底盘系参考丰田花冠嘅设计,不过两款车无论开定坐都系两回事,后排空间普锐斯大D,座椅用料同设计都明显高花冠一级,而且后排可以分开拍低打通尾箱。有样野好抵赞嘅,就系呢部车系无烟灰缸嘅,部车少D废气,个人又少D废气,意识好好。
代步脚车王-------------2006年1月丰田Prius - Ryan  - 粤车无数
呢部车用左一副编号1NZ-FXE嘅1.5升直四自然吸气引擎,最大马力系76匹,最大扭力系11公斤米,虽然斋睇引擎好弱鸡,但系你唔好忘记距仲有个马达仔帮拖,呢个马达仔最大马力有67匹,最大扭力有39公斤米,仲要系一着即有最大扭力。至于呢个混合动力嘅最终输出,唔系将引擎同马达嘅输出就咁加埋就算嘅,因为会经过电脑分配动力,尽量做到顺滑同悭油,所以最终都系得110匹左右。普锐斯同一般汽油车唔同,因为距着车系唔着引擎嘅,呢部车大概系1吨3左右重,不过唔好太在意距系1.5升引擎,渣落绝对唔觉,甚至会觉得几好力,而且部车唔会轻飘飘,有小小中型房车嘅感觉,而且机头好静,马达仔嘅VV声都唔系好明显,有时开开下仲会觉得几爽添嘅。停车等红绿灯,部车好似死火咁,因为距真系死左火,呢个时候引擎唔着,但系距系有冷气个喔,点解呢?因为呢部车系用全电动嘅冷气压缩机,你可以当距系将一个家庭用嘅冷气机摆左落部车度,有电就有冷气,而且又静又冻。普锐斯嘅耗油量真系好有惊喜,呢部车系车行车黎嘅,仲要系粗用添嘅,因为基本上就等于车行员工只脚咁滞,咁到底距有几悭油呢?距系食92油,车尾成日都装住好多工具,距行一百公里都系烧4升汽油多D,而且呢部车到宜家为止乜都未整过。至于车价嘅问题,如果你将距同一般1.5自然吸气汽油车比较,确实系贵好多,但系如果你用车频率好高兼且啉住用十年八年嘅,我相信汽油钱可以悭翻好多,加上呢部车真系好襟用又易上手,买代步车真系好应该啉下呢D。
 
  评论这张
 
阅读(36)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017