注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

极度均衡--------2003年奥迪TT 1.8T MT  

2015-08-11 13:32:39|  分类: 试车日记 |  标签: |举报 |字号 订阅

  下载LOFTER 我的照片书  |
极度均衡--------2003年奥迪TT 1.8T MT - Ryan  - 粤车无数
 前几日我去左GIC睇赛车,除左睇下D车手点样应付连续弯角同高低落差之外,又可以行入去Pit睇下D师傅点样改车同Set车,因为呢条赛道好明显系考底盘调教多过单纯追求大马力大扭力,所以真系学到好多野。赛车好讲究机件嘅搭配,去到唔同嘅赛车场比赛,就会改用唔同嘅设定。赛车设定唔同街车,因为赛车场嘅路面一般都会铺得靓D,所以赛车嘅设定系可以去到好尽,而街车嘅设定就要平均D,咁先可以兼顾到唔同嘅路面。虽然平衡嘅设定会令到部车无咁辣,但系人一定要恶过部车,对于大部分嘅驾驶者黎讲,保守嘅设定系最容易控制。
极度均衡--------2003年奥迪TT 1.8T MT - Ryan  - 粤车无数
 今次介绍一部2003年1月份出厂嘅奥迪TT,编号系8N3。呢部车最出名就系个壳,因为第一代TT嘅概念车就系咁嘅款,圆碌碌,而且呢部车系用左激光焊,所以部车望落唔似系嵌出黎,街车版用左重新设计嘅头泵把,侧面再加多两件玻璃,咁就卖得架喇。
极度均衡--------2003年奥迪TT 1.8T MT - Ryan  - 粤车无数
 尾灯造型同头灯系差唔多嘅,外国有D好搞怪嘅车主会将尾灯都改成头灯咁款,如果后面有车跟住,就会以为部车倒后行,唔单只TT,好多甲虫车主都会咁样玩。一般车嘅油箱盖系装系侧面,而呢部车嘅油箱盖系向天嘅,比较复古。TT除左个壳搞笑之外,其实都想话比人听距系一部好认真嘅跑车,所以会有双出尾喉同一只高角度尾翼。
极度均衡--------2003年奥迪TT 1.8T MT - Ryan  - 粤车无数
 TT嘅车门系无窗框嘅,但系前面就保留翻一件假嘅鸡翼玻璃,点解话距假呢?因为系郁唔到嘅,以前有D旧款跑车,呢件三角形玻璃系可以转嘅。TT嘅内笼同个壳一样都系好重金属,门板硬、门皮硬、凳硬,甚至连D制都硬到好似石仔咁。仪表板系四个圈设计,指针同刻度都设计得好好,好易睇,太盘好大个,扭太亦都唔需要太大力。坐系前排,第一感觉系唔算矮,而且腰线唔高,视野好开扬,而且三个踏板之间唔算好远,波棍亦都装得比较前,好接近小型赛车。
极度均衡--------2003年奥迪TT 1.8T MT - Ryan  - 粤车无数
 TT嘅设备唔多,所以乘客系无咩玩嘅,一系听歌一系睇风景。音响机头其实都系装系中控台,不过平时有个银色盖遮住,个盖印住TT两个字,可能因为空间细,喇叭又多,音响听落都唔错。波棍座前面有两个三角形嘅金属支架,亦都系第一代TT嘅经典设计。
极度均衡--------2003年奥迪TT 1.8T MT - Ryan  - 粤车无数
 TT开尾箱系会揭起埋玻璃,所以距都属于斜尾揭背车,但系因为玻璃太斜,所以后排无咩头顶空间,无头枕脚位又少,呢度只能够坐细路,或者两个人出去玩就放D行李系度。TT尾箱好细,但系胜在四四方方,所以好多人改音响干脆用尽呢度,比如电容、保险丝盒、地线、功放、音箱,都可以装系度。
极度均衡--------2003年奥迪TT 1.8T MT - Ryan  - 粤车无数
 呢部车用左一副1.8升直四涡轮增压引擎,而且系好少见嘅单缸五哇佬设计,三个负责吸气、两个负责排气,最大马力224匹,最大扭力27公斤米,六前速手波波箱,QUATTRO四驱。呢部车着车嘅时候我企系出面,第一感觉系非常之嘈,有小小哮喘声,过左一阵就稍微静D,但系都系嘈。对于呢部车来讲,如果想起步顺D,我就建议踩大少少油门再慢慢松离合,因为呢个引擎要超过2000转先黎料嘅,如果系驾校教果D先松离合等部车行少少再踩油,部车就会好无力,而且好唔顺,所以一定要留意。呢个引擎其实都好肯冲高转嘅,高转引擎声好明显齐过低转果阵,而且因为系封油太,部车行得快,扭太嘅反应会更加直接,亦都无咁重手。虽然系六速手波,但系如果唔系行高速,好少会上到第六档,开呢D车千其唔好心急升档,因为如果太早升,唔单止无力,而且亦都会嘥油,所以开手波应该学下点样用档位去就翻个转速。呢部车虽然系四驱设计,不过如果唔系专登迫距,其实就好似一般嘅前驱咁,有时系会听到后面差速器有声,但系都好轻微,前后辘嘅扭力都唔会太难捉摸,车头亦都好听话,因为有D四驱车系会撬住撬住唔肯入弯,而距就无呢个问题,而且部车隔音都唔错,系车外面听到好嘈嘅引擎声,传入车厢就好轻微,波棍亦都好就手,开一阵就会好投入。
极度均衡--------2003年奥迪TT 1.8T MT - Ryan  - 粤车无数
呢部TT改左ABT嘅合金铃配日本住友18寸车胎,同原厂嘅17寸胎铃相比,起步的确系拖慢左少少,不过因为车胎扁左而且距打高左胎压磅数,所以部车过弯好企,但系行过D烂路就有D跳。唔好睇少改装胎铃,距可以改变部车原本嘅性格,比如呢部车咁样,原装系一部短身四驱车,通常短身嘅四驱车,车尾都会比较灵活,原厂嘅17寸胎铃虽然会敏捷D,但系如果路面唔靓就会敏捷过头,所以上一手帮距改大一个码,除左好睇D之外仲会定D,虽然打破左原先嘅平衡设定,但系改装从来都系自己中意,亦都唔需要公式化。
 
  评论这张
 
阅读(52)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017