注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

成熟又不羁------2008年3月E350  

2015-08-11 13:29:51|  分类: 试车日记 |  标签: |举报 |字号 订阅

  下载LOFTER 我的照片书  |
成熟又不羁------2008年3月E350 - Ryan  - 粤车无数
 车厂好多时都会公布车嘅数据,比如加速时间、刹车距离、综合油耗等等,但系呢D数据系咪真系可以代表到呢部车嘅实际表现呢?未必。因为有好多因素可以影响加速成绩,比如环境温度、汽油质素、驾驶水平等等,至于刹车距离,唔同路面唔同司机测出黎嘅结果都唔同,综合油耗就更加无谱,因为驾驶习惯、路况都会影响结果,所以其实呢D数据,都系得个睇字。好多车迷都中意讲下车经,但系倾倾下就会发觉距系系度背紧参数表、甚至乎背紧广告,一班人围埋一齐背广告,你话几无谓?所以想了解一部车,最紧要都系试车,而且要乜车都试,唔可以嫌弃。
成熟又不羁------2008年3月E350 - Ryan  - 粤车无数
 今次介绍一部2008年3月份落地嘅E350,编号系W211。W211款式嘅E仔其实最早系系2002年3月份出现,一直出到2009年3月,而呢部车属于小改款,不过距个壳同2002年果D系无乜分别嘅,有都系D细眉细眼位。不过,E350呢个型号系系2005年3月先有嘅,以前嘅E仔系从来无出过呢个型号架。
成熟又不羁------2008年3月E350 - Ryan  - 粤车无数
 呢一代嘅E仔呢,我就觉得距个壳好流线型,车尾同当年嘅CLK房跑车系差唔多嘅,尤其盏尾灯,后生仔揸又得,年纪大D嘅人揸都无所谓,唔同以前啦,以前旧款E仔比如W210或者再之前果D呢,睇落系稳阵啊,但系就薯D咯。
成熟又不羁------2008年3月E350 - Ryan  - 粤车无数
 当年E350新车落订嘅时候,内笼其实可以有好多颜色拣嘅,咁宜家呢部系黑色撞米色,都几大方嘅。仪表板系有少少紫色,太盘系电动调教,前座嘅皮凳唔算好包身,皮面都有少少滑,但系坐落都几软熟,座椅调教嘅制都系整到好似一张凳咁,连D门窗制都系整得好立体嘅,再配合埋天花板少少黄色嘅灯光,成个气氛好放松。
成熟又不羁------2008年3月E350 - Ryan  - 粤车无数
 车门拉手系向下斜嘅,你啉下你落车,系会有少少反手拉呢个车门拉手嘅动作嘅,咁嘅设计会好就手。如果你想听CD,你就咁望系搵唔到个吞碟口嘅,因为距收埋系中控台下面,你噤危险灯下面果个位,个面板会慢慢成个揭起,然之后先可以入碟。
成熟又不羁------2008年3月E350 - Ryan  - 粤车无数
 好多人都觉得E仔天生就系行政房车,其实系车厂嘅编排里面,距都系属于家庭车,只不过系大部D。因为当年E仔有分几个版本,比如Classic,Elegance同Avantgard,亦即系所谓嘅经典版、优雅版同埋靓仔版咁解,所以其实距客路都几阔架。呢部车本身有隔热玻璃,但系上手车主好舍得,距贴左日本FSK嘅防紫外线玻璃纸,再加埋平时够爱锡,所以呢个内笼有九成新,坐落好有新车水准,隔音又好,冷气又静又冻,不过底盘传入黎嘅震动都几明显,长时间坐真系麻麻地。
成熟又不羁------2008年3月E350 - Ryan  - 粤车无数
E350用左一副3.5升V6自然吸气引擎,编号M272.964,最大马力有272匹,最大扭力34公斤米,七档自动波有加减,前置引擎后辘带动。唔好以为M.Benz嘅车后面贴住350就一定3.5喔,比如2002年编号W220嘅S350,距系用3.7升V6架。讲翻呢部车,呢部车好静,你想听引擎声就要大脚油,但系排气声系无乜嘅,所以你想系呢部车度搵D跑车感觉系好难嘅,所以我都系建议唔好急油,就翻距嘅性格。如果讲顺滑,其实呢个V6机头都唔错,因为有个好醒目嘅七速自动波,呢个波箱系识得跟人嘅,你如果长时间好激烈咁揸,距系会好积极跳档嘅,但系如果你长时间斯斯文文咁揸,距又会好懒个喔,所以呢个真系顶级擦鞋仔黎嘅,不过如果想超车或者上斜坡,我都系建议用加减模式,退档反应都好快,但系感觉上都唔会好刺激,因为部车好定。
成熟又不羁------2008年3月E350 - Ryan  - 粤车无数
E仔算系中型车,宜家好多中型车都用细排量TURBO引擎,但系点解我依然建议你买大排量呢?你买细排量TURBO引擎,估计你系想悭翻D车船税同埋感觉上觉得距悭油,但系你都要有D常识,因为涡轮机唔系一着车就转嘅,距要等引擎转到咁上下先会转,所以慢车同塞车嘅时候,好多时涡轮机都无转,你啉下中型车咁重,力未到但系又要拉住部重车,所以一样咁嘥油。到部车开始行,踩油踩到涡轮机转,开始增压,越来越多空气谷入引擎,部车开始醒神,因为宜家D细排气量TURBO引擎都系好低转数出晒最大扭力,但系你要知道世界上有空燃比呢样野,风多就要油多,所以呢个时候距都系唔悭油嘅。讲完耗油量再讲下驾驶感觉,自然吸气引擎就系活塞由最高点去到最低点嘅时候好自然咁吸入空气同汽油,而涡轮增压引擎系将空气加压谷入气缸,所以大家控制空气流量嘅精准程度系唔同嘅,所以连踩油嘅反应都会唔同。再讲下维修保养,我好强调家庭车一定要襟用同好用,大部分TURBO引擎暂时仲系输几条街。
 
  评论这张
 
阅读(45)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017