注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

四驱小子--------2011年9月GOLF R  

2015-08-11 13:26:24|  分类: 试车日记 |  标签: |举报 |字号 订阅

  下载LOFTER 我的照片书  |
四驱小子--------2011年9月GOLF R - Ryan  - 粤车无数
 一讲起四驱嘅街飞,好多人都中意扫把佬嘅Impreza STI,或者系三菱嘅Lancer Evolution,但系呢D车都唔系好经常见,因为以前买嘅人都唔系好多,所以严格来讲呢两部车一直都系一个传说,而且当你买落之后,就会发觉平时最多嘅洗费已经唔系油钱,而系买改件。点解?因为你买果两款车就算唔改,D人都会以为你改左,成日系条街度界你,再加上D朋友会怂恿你,所以自自然然你就会去改,而改装就好似去美容院咁,你整完呢样无几耐就会想整其他。咁其实街车系咪一定要四驱呢?呢个系一个好值得思考嘅问题,因为宜家越来越多四驱跑房车出现,仲好似卖到越来越平,亦都好多人问呢类车嘅易手盘,所以今次就介绍一部好hit嘅四驱车,GOLF R。
四驱小子--------2011年9月GOLF R - Ryan  - 粤车无数
 呢部车系2011年9月份落地,属于第六代嘅GOLF,底盘代号系5K1,咁当然啦,叫得做R版,梗系同普通版唔同。比如加大撞风面积嘅头泵把,18寸胎铃,仲有望落矮D嘅离地距,不过虽然系咁,但系呢部车依然系好乖乖仔嘅GOLF形象。
四驱小子--------2011年9月GOLF R - Ryan  - 粤车无数
 系侧面望呢部车就好似一只波鞋咁,同普通版相比,最明显就系尾灯嘅款式唔同,而且有少少熏黑嘅效果。尾喉系中置双出设计,排气声偏沉实。尾翼都系大只D嘅,而且侧裙都有扰流设计,另外,GOLF R都有D贵价车嘅设计,比如好厚粉嘅金属漆,同埋喷左反光黑色嘅B柱位窗边。
四驱小子--------2011年9月GOLF R - Ryan  - 粤车无数
 呢部车嘅内笼系黑色撞银色为主,都几襟邋遢。上落窗同电镜制装系拉手位置隔离,够就手。太盘系三幅式平底设计,方便上落车,油门踏板系地台式设计,地毯唔知系咪原厂,以为试车嘅时候滑来滑去。仪表板指针系蓝色,都几靓。总体来讲呢个内笼就好似放大左嘅POLO内笼咁样,冷气出风口设计都系差唔多。
四驱小子--------2011年9月GOLF R - Ryan  - 粤车无数
 因为GOLF本身都系一部细车,而且乜嘢都整到好厚实好大件,再加上两张超级巨型嘅桶凳,前排嘅空间真系好一般。因为坐得唔系好低,腰线又唔算特别高,部车嘅外形设计又比较修身,所以视野系几好嘅,就算系第一次揸呢部车都好容易适应。另外要赞下太盘、脚踏同波棍三样野嘅位置,有D似第一代嘅奥迪TT,如果你习惯左,可以揸得好有型。
四驱小子--------2011年9月GOLF R - Ryan  - 粤车无数
 后排有冷气出风口,凳面都有防滑设计,但系如果你有坐过普通版嘅第六代GOLF,应该会记得距后排嘅脚位好少,而呢部GOLF R前排嘅凳背好厚,除非调到好前,如果唔系后排嘅脚位真系同无无分别,而且凳背都好容易比人踢花。
四驱小子--------2011年9月GOLF R - Ryan  - 粤车无数
 呢部车用左一副编号CDLC嘅直四TURBO引擎,距系大众EA113系列里面嘅其中一个型号,最大马力256匹,最大扭力32公斤米,波箱系6前速双离合设计,前置引擎四脚爬爬。我头先都讲过,就算系第一次揸呢部车,都系无乜压力,因为部车好细部,而且距超过吨半重,所以你系唔会觉得距好似一般轻型细车咁单薄,反而觉得距有D中型房车咁嘅质感,太感唔算重,路感都有D,慢慢揸都好顺,因为6速DSG已经进化左几获,如果连慢车咁简单都做唔好真系收档都得喇。好老实讲句,呢部车系市区里面揸真系唔似四驱车,中低速变线或者超车都无乜四驱嘅感觉,就算突然之间笃尽油,太盘都唔会CHOK下你,车尾又无乜动静,所以要试四驱,就要搵D急弯。扭太入弯黎计,第一感觉系部车好定,车头反应唔算好快,因为都系会推头,但系车辘就无叫,头辘跣胎车尾就会即刻有力推下你,但系呢下动作最早期反而系会令到部车更加推头,而且呢部车系可以做到前后动力自动分配,所以有时都估距唔到,我应该系收油定系继续笃油呢?距真系无乜提示比我,但系总体来讲呢部车真系好易开快。
四驱小子--------2011年9月GOLF R - Ryan  - 粤车无数
呢部车用左石桥嘅RE050A,呢款车胎系咩料呢?如果讲车型黎睇距系猛料,因为波子Boxster都用距,所以好明显距系一条跑车胎,干湿地好平均,但系最有惊喜就系距居然唔算嘈!所以我觉得呢set车胎真系帮到呢部GOLF R,不过你买胎要睇清楚喔,要买普通版,唔好买RFT版,虽然可以漏气都继续行,但系RFT嘅RE050A真系麻麻地。讲翻四驱嘅街车,其实无论你系乜驱,最后都系要靠车胎,条胎够靓,过弯自自然然会好杀食,刹车距离亦都可以缩短,所以你会见到好多场地赛嘅赛车都唔系四驱,除左因为四驱机械上比较重磅之外,好多赛车公司其实都主张两驱落场,因为两驱嘅赛车容易偷轻,极限感觉亦都会明显D,所以四驱如果唔系跑雪地跑泥地,行街车来讲真系有D嘥料。
 
  评论这张
 
阅读(42)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017