注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

实用开篷车-----2007年CLK350(A209)  

2015-08-11 13:23:23|  分类: 试车日记 |  标签: |举报 |字号 订阅

  下载LOFTER 我的照片书  |
实用开篷车-----2007年CLK350(A209) - Ryan  - 粤车无数
 潜左水一个月,除左翻工之外,主要系忙紧揾零件翻新旧车,有追开我微博嘅朋友都知道,我准备系屋企翻新一部1992年Mercedes-Benz  300SL,宜家已经揾到三分之一零件,其他内饰零件未寄到黎,估计再过多一个礼拜就可以逐步开始。唔到你唔信,M.Benz嘅旧车无论用料定设计都好有远见,只要依足维修手册一步一步黎,就可以顺利拆开所有零件,咁当然你工具要齐,而且要够标准。除左揾零件之外都有继续试车,因为最近都系揾M.Benz零件,识嘅都系揸旧款Benz嘅朋友,睇嘅试嘅都系M.Benz为主,所以今次就介绍一部CLK。
实用开篷车-----2007年CLK350(A209) - Ryan  - 粤车无数
 呢部CLK 350开篷车系2007年落地,代号系A209,而呢一代CLK开篷车系由2003年2月份一路出到2010年3月份,最明显就系车头用左花生头灯设计,头冚前面唔会有栋起嘅M.Benz标志,统一加大LOGO嵌入中网,侧镜亦都加入转弯灯。
实用开篷车-----2007年CLK350(A209) - Ryan  - 粤车无数
 CLK开蓬车如果无打开个顶,其实系好样衰嘅,因为我之前买过一部硬顶版,好明显顺眼好多。CLK侧面线条好平滑,所以望落部车会好长,车尾灯就同当年编号W211嘅E仔尾灯差唔多,尾厢盖有少少向后斜,而且集成左尾翼设计。另外,呢部开篷车修改左软篷嘅设计,蓬顶弧度大左,而且后面用左玻璃,因为以前嘅Benz开篷车试过用胶片,好易黄,好易朦。
实用开篷车-----2007年CLK350(A209) - Ryan  - 粤车无数
 CLK只车门好长,泊车就要预司机果边多D位,如果唔系你好难上落车。呢部车嘅内笼系有好多只颜色拣嘅,除左我以前果部米色笼之外,又可以拣黑色、黑色撞银色,黑色撞灰色,灰色撞浅灰色,至于皮凳,又系可以拣白色,米色,红色,灰色,黑色,仲有一只系反皮,所以组合出来嘅效果可以好唔同。呢部车嘅坐姿可以放到好低,但系视野就有少少向下斜,所以好容易估到车头嘅位置,再加上手枕位岩岩好,所以感觉上系好自在。中控台有好多制,好多都好细粒,而且P档停车,波棍头推到好前,差唔多去到冷气控制果度。太盘比较紧,太感亦都比较重手,不过揸快车信心都几强。
实用开篷车-----2007年CLK350(A209) - Ryan  - 粤车无数
 一闩埋门,就会有支勾将条安全带推去你手边,咁你就唔洗拧转身去摸。坐乘客位你会发觉中控台好低,再加上呢部车腰线低,所以无论左中右几个方向嘅视野都好开扬。两张皮凳嘅调教角度都好大,造型比较包身不过唔会夹住条腰,而且凳面比较軟熟,坐系几好坐,不过内笼果阵味都几劲。
实用开篷车-----2007年CLK350(A209) - Ryan  - 粤车无数
 后排好有惊喜,除左本身已经规划好两个人坐之外,距嘅皮料甚至座垫厚度都同前排非常之接近,凳背唔算好企,上面有两个好似头枕咁嘅嘢,不过距唔系要黎枕,而系部车反车嘅时候距会弹出黎,凳面亦都有兜起,两边都有支撑位,承托力好够,中间手枕位可以反落黎,两边嘅玻璃都可以降低,而两张凳之间都有几个储物位。脚位好过好多四门房车,只脚唔洗潜入前排凳底,再加埋后排独立冷气出风口,坐姿已经好自然。另外,我之前提过,开篷版无硬顶版咁型仔,就系因为个硬顶版嘅车顶好圆滑,C柱位向下斜,而开篷版嘅蓬顶就突起左,但系对于后排黎讲反而系着数左,因为头顶空间无咁压抑,所以呢部开蓬嘅CLK,后排唔洗屈就。
实用开篷车-----2007年CLK350(A209) - Ryan  - 粤车无数
 呢部车用左一副编号M272.960嘅3.5升V6自然吸气引擎,最大马力272匹,最大扭力34公斤米,7档自动波有加减,前置引擎后辘驱动。虽然引擎嘅数据睇落好靓,但系呢部车起步其实好懒,油门起码要踩一半有多先叫做有少少“跑味”,部车大概系1吨6左右重,照计咁嘅力水唔应该咁慢,估计系调教问题。因为CLK当初设计出黎系用来游车河,双门车外形够潇洒,保留后排系为左实用,所以唔系用黎飞车,再加上桂城都无乜路段可以玩,真系不如坐系一部好型仔嘅双门车里面叹住冷气,睇下出面嘅人同车,又比出面嘅人望下你......部车,因为CLK真系几靓嘅。虽然部车发力好温柔,而且基本上乜嘢转数个引擎都好静,但系波箱嘅设定就好进取,比如行紧高速你想大脚笃油超车,距系可以连减三个档位,不过虽然肯降档,但系D力落到去车辘嘅反应有D慢,亦都好明显feel到会chok。
实用开篷车-----2007年CLK350(A209) - Ryan  - 粤车无数
虽然CLK系行街车,但系底盘设计亦都好精良,太盘虽然唔系好准,不过亦都保留翻少少路感,避震唔算硬但系绝对唔系软,扭太入弯部车都唔会好侧,车胎都唔会好易叫,但系因为有电子系统睇实,好多时觉得部车系偏推头,而且两只后辘都会有少少唔自然,车尾亦都唔算好积极,总体来讲呢部车系好稳定,但系唔觉意就会超速。
实用开篷车-----2007年CLK350(A209) - Ryan  - 粤车无数
我记得第一次接触呢款车系我大学岩岩毕业嘅时候,当时考完车牌无几耐,一知道亲戚有,我就成日去距屋企睇部车,但系到我想去买嘅时候,距已经系停产左,所以只能够买易手车。我好中意系桂城揸CLK游车河,而且呢部易手车其实有少少打破我对旧款M.Benz嘅印象,因为距无乜维修,最多都系电池走电太快,同埋着冷气部车就好嘈,因为呢部车设计嘅时候有个缺陷,就系冷气泵其中一条管同封油太油管痴埋一齐,所以冷气泵一着,果条管就会震,封油太油管又一起震,所以系内笼里面都会听到有声,后尾隔开两条管就静翻。
 
 
  评论这张
 
阅读(52)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017