注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

一见如故----------1997年宝马328i(E36)  

2015-08-11 13:19:47|  分类: 试车日记 |  标签: |举报 |字号 订阅

  下载LOFTER 我的照片书  |
一见如故----------1997年宝马328i(E36) - Ryan  - 粤车无数
 我好中意行广州嘅旧车市场,除左可以跟师傅学习评估易手车之外,仲可以练习超窄位泊车,最重要系可以见到好多经典旧车。一部车经典唔经典唔系我一个人讲嘅,而系收藏界本身就有自己嘅标准,比如限量版、特别版、纪念版、帮车厂起死回生版、高科技领先版,所以唔系部车旧就系经典。玩旧车唔好理距系乜嘢版,因为最紧要都系部车够”直版“。咁乜嘢系直版车呢?其实都无谱,但系综合几个师傅嘅意见,其实一部车只要系无大撞、无烧焊、无伤到车架同大阵,你都可以当距系一部直版车。叫得做经典旧车,一般都有翻咁上下年纪,10年8年好闲,15到20年都好正常,20年以上都有,所以买呢D车除左维修保养之外,最麻烦就系年审同变”老黄“,所以玩得旧车,你会好忙。
一见如故----------1997年宝马328i(E36) - Ryan  - 粤车无数
 今次介绍一架旧宝马,距系一部1997年1月份上牌嘅328i,代号系E36。成个E36系列包括316i,318i,318is,318tds,320i,323i,325i,325td,325tds,328i,M3 3.0,M3 3.2,由1990年9月一路出到1998年2月,至于328i呢个型号,就由1995年1月出到1998年2月。当时呢款车系欧洲卖到断晒货,但系系美国市场就相当离奇,E36系1991年秋季先开始卖,但系上一代四眼无灯罩嘅E30双门版反而系1992年先有得卖。
一见如故----------1997年宝马328i(E36) - Ryan  - 粤车无数
 E36比较钢条型,同好多同期嘅师兄弟一样,车尾系起角嘅,但系感觉就好稳重。油漆方面,E36系好厚嘅,而且好襟新,再加上表面已经做左防静电处理,冬天就唔会弹到你飞起。
一见如故----------1997年宝马328i(E36) - Ryan  - 粤车无数
 E36嘅车门虽然唔算厚,但系好重,所以定期要帮只门铰加D雪油落去,门边窗边嘅胶条都要定时喷D胶条修复喷雾,等距唔好咁快变硬胶,如果一硬,隔音就会差。太盘系四辐式设计,太环比较幼,中控台系突出黎嘅分区设计,所以左手边嘅冷气出风口同右边系唔同嘅,冷气制有D似旧式微波炉果D扭制,但系A/C雪花制系噤嘅。同好多旧款宝马一样,上落窗嘅制系装系波棍台,我好中意呢种设计,因为落雨就算唔记得关窗都无咁易撇湿,唔好睇少呢几粒制,距下面嘅电路系连通玻璃机同车身电脑模块,所以如果入左水系可以好大获。波棍头系拐杖头设计,手感系好单薄嘅,但系你想拧断距都唔系咁容易。
一见如故----------1997年宝马328i(E36) - Ryan  - 粤车无数
 E36嘅内笼好大阵味,虽然未至于难闻,但系你会好觉。后排系一张大沙发,椅背好斜,头顶空间对于我来讲够用,两边有打斜嘅设计,座垫都有向上兜起,就算揸快车掟来掟去后排乘客都可以固定,咁当然你要揽安全带啦。因为两张前座嘅凳背系好薄嘅,所以后排脚位我觉得都几够,但系如果你当年选装左宝马其他皮凳,凳背系厚D嘅。
一见如故----------1997年宝马328i(E36) - Ryan  - 粤车无数
 呢部车用左一副编号M52B28嘅直列六缸自然吸气引擎,最大马力系193匹,最大扭力系27.5公斤米,前置引擎后辘驱动,波箱系5前速自动波。呢个引擎算系M52阵营里面最襟用最好玩嘅型号之一,压缩比10.2比1,缸径、冲程都系84毫米,系1998年仲出左一个改良版,叫做M52B28TU,“TU”你可以理解为“技术升级”,缸径、冲程、压缩比无变,但系将最大马力同最大扭力都提前比晒你。讲翻呢部车,岩岩挞着车果下会有D“程程程程”咁嘅声,然之后转速会扯高一阵,估计“飞机仔”好耐无洗过,等到转速定翻,引擎就会好定,排气声好明显会传入内笼,踩一半油门,就可以听到好连续嘅运转声。入D档有少少震,转速跌左少少,松刹车,部车慢慢向前行,唔使觉得出奇,因为呢个时候就算踩油都系慢慢去,慢慢系车场里面兜,车尾有时会有D“滴答滴答”咁嘅声,估计系连杆D杯士就快够期,差速器无咔咔声,转弯都无嘞嘞声。转出大路踩到大概3000转左右,D力先开始出黎,所以呢个引擎嘅低转系无乜力嘅,调教偏向中后段,一踩到4000左右,真系另外一个世界,爆发力好够,死冲烂冲好似唔想停咁,甚至连个波箱都醒神左,虽然就快20岁,但系波箱跳档依然好顺,唔会乱咁跳档,亦都唔会打滑,行得越快个波箱好似越醒目。玩旧车要记得一路开一路睇住D表,因为旧车随时都会出警告灯或者仪表出问题,呢部车水温好正常,引擎声好正,排气声都好沉实,冷气唔算好冻但系绝对唔算差,路感好好,转弯调头甚至cut线都好敏捷,太盘重手不过可以接受,但系油表果支针可以话系睇住距郁。
一见如故----------1997年宝马328i(E36) - Ryan  - 粤车无数
E36系一部好好开嘅车,但系绝对唔易养,点解我会咁清楚?因为我曾经帮衬过。想玩E36,我就建议买325i或者328i,而我就拣325i。初头买翻来嘅时候我最主要都系想还原翻当年嘅实力,所以一开始我就同班朋友一齐将距拆散左,重新帮距做翻防锈同加固,然之后就睇下引擎有D乜嘢要搞。我呢部车嘅引擎编号系M50B25,原装系有VANOS可变嘅,但系有D同款车系无嘅,我帮距换左个新嘅缸盖、新嘅凸轮轴连所有哇佬弹弓同VANOS总成,波箱无事,所以斋换油同油隔,重新嵌翻部车嘅时候,底担零件例如摇臂、连杆、杯士我都有换,差速器原装,但系后来都系打柴,但系已经系一年半之后嘅事,除左差速器,我连传动轴都换埋。飞左一段时间之后,冷气同仪表开始坏,行行下试过得翻一边头灯,落大雨雨刮突然停止我都试过,但系你知道好多车房都系半桶水,我开部车过去见到距连头冚都唔识得开我通常都会即刻调头走,费事我比钱距陪我一齐学维修。整下开下,开下又整下咁,我买左好多专用嘅工具,比如拆风扇嘅扳手、拧螺丝螺母嘅套装、行车电脑OBD嘅转换插,仲有距所有补品我都系托朋友系香港黑布街或者新蒲岗快递比我,我开始觉得我系一个入门级嘅车迷,我唔算系乜车都识,但系我起码识得我试过甚至维修过果D,因为想了解一部车,睇书睇杂志刨网站睇到果D只系表面野,而且唔知坚定流,唯一办法就系试车,甚至买距翻来拆下距再嵌翻距,呢D先叫做真正了解。
 
  评论这张
 
阅读(77)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017