注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

绝版快车----------2003年7月绅宝95 2.3t(YS3E)  

2015-08-11 13:16:19|  分类: 试车日记 |  标签: |举报 |字号 订阅

  下载LOFTER 我的照片书  |
绝版快车----------2003年7月绅宝95 2.3t(YS3E) - Ryan  - 粤车无数
 最近系朋友圈同微博睇到有好多人系度讲自己有几中意旧款车,日日都有人发好多相甚至系以前嘅广告片,睇左两个礼拜真系有D滞。我唔系唔钟意旧款车,只不过我唔系部部都中意咯,而且我好清楚养一部绝版经典旧车真系要用好多时间要洗好多钱同埋要死好多脑细胞,无论你得唔得闲都要去揾零件整车,因为整唔好你会训唔着,到时到候仲要记得去检测站审车,仲要有心理准备因为部车唔知几时又会有新问题,所以如果你想买一部好旧好旧嘅车,咁就要问下自己可以为距去到几尽?
绝版快车----------2003年7月绅宝95 2.3t(YS3E) - Ryan  - 粤车无数
 今次介绍一部绅宝95,距系一部瑞典跑房车,内部编号系YS3E。我知道好多人想收呢部车,尤其系2000年左右嘅跑房车,唔系收E46嘅3系,就系收呢部95,虽然广佛地区来讲绅宝95系冷门之中嘅冷门,但系距系收藏界其实名气好大。绅宝车厂其实系二战之后先开始整车,但系因为之前系整开军用飞机,所以距D车唔多唔少都有D类似飞机嘅设计系里面,比如呢部车个车头好扁,感觉上好低风阻,车头嘅弧线有小小似飞机头,设计虽然系简简单单,不过唔会整到好似一旧转头咁,亦都唔会刻意整到外形好恶,斯斯文文,呃得下人。
绝版快车----------2003年7月绅宝95 2.3t(YS3E) - Ryan  - 粤车无数
 呢一代95嘅外形其实系1998年10月份已经出现,而通用集团系2000年买起绅宝车厂,亦都系同年嘅8月份改用新LOGO。绅宝嘅标志系一只传说中嘅神兽,鹰头狮子身但系有对翼,代表警觉性同敏捷,个鹰头仲戴住顶皇冠,代表身份高贵,蓝底银色字母写住“SAAB”。绅宝95嘅设计理念都系咁嘅,距有个好高刚性嘅车架,有保证安全嘅辅助装备,又有好敏捷嘅底盘调校,最后当然系要你洗好多钱先可以买到距啦。
绝版快车----------2003年7月绅宝95 2.3t(YS3E) - Ryan  - 粤车无数
 绅宝95之所以咁多人中意,首先系因为距好襟睇,第二系因为距好襟捱,第三系因为呢部车好襟新,所以次次系佛山见到有绅宝95出现,都会觉得距好新净。95嘅内笼其实都比较超前,深色木纹饰件亦都唔算太过老土。前排嘅皮凳无刻意扮桶凳,所以上落车都好自然,坐落都好贴身。因为窗柱门柱都比较幼细,再加上车身线条比较直,所以视野亦都好开扬,呢个亦都系好多旧款车嘅优点。中控台系有小小斜向司机位,所以好容易睇到所有制,亦都好容易店到。太盘比较大个,手感亦都比较硬,仪表板都好简单,左边系转速表,中间系时速表,但系右手边加入左turbo表。TCS制系仪表板旁边,波棍头顶有粒S档嘅制,同当年嘅欧宝威达好似,波棍座后面系匙胆。
绝版快车----------2003年7月绅宝95 2.3t(YS3E) - Ryan  - 粤车无数
  95嘅后排有冷气出风口,座垫亦都有小小兜起,凳背亦都比较斜,坐亦都几好坐。95嘅车顶比较平,所以头顶空间都几多,可惜脚位唔系好够,气氛亦都有小小似欧宝威达。
绝版快车----------2003年7月绅宝95 2.3t(YS3E) - Ryan  - 粤车无数
 之前我都有提过,绅宝车尾如果贴住“T”即系大马力版本,如果贴住“t”就系细马力版本。呢部车贴住2.3t,就系用左一副编号B235E嘅2.3升直列四汽缸涡轮增压引擎,最大马力185匹,最大扭力27.5公斤米,配一个5前速自动波,悬挂设计系头麦花臣尾多连杆,前置引擎头辘带动。第一眼望呢个引擎会觉得几奇怪,因为距个哇佬冚系打斜嘅,而且电线同喉管嘅摆位亦都好一般,无乜特别迁就散热设计,不过以涡轮增压引擎来讲,呢个都算系几襟用。95系可以坐得好贴地嘅,部车个底盘亦都系偏低,再加上避震加硬,反应系好直接,车头转弯亦都好准,尤其系过急弯,又快又定,车身亦唔会好侧。引擎声算系几明显,四缸机来讲距嘅运转感觉算系比较求其,感觉上唔系几够顺,力水集中系中段,大约系2500转打后至到4500转左右,所以起步嘅感觉几平淡,波箱换挡亦都唔快,比如突然间踩深油,波箱啉一啉先识得退档,部车又要啉一啉再飙出去,但系只要D力一到,太盘即刻会自己扭一扭,所以你要用力扶住堂太唔好比距走归边。虽然超过十年车龄,但系呢部车个底盘依然无杂音,慢速打太方向机亦都无怪声,波箱亦都好识得就翻你踩油嘅程度,唔会为左悭油急住升档。
绝版快车----------2003年7月绅宝95 2.3t(YS3E) - Ryan  - 粤车无数
开住呢部车出街,其实回头率唔系好高,因为好多人都唔知道距系咩牌子,而且见距车身设计咁旧,甚至会觉得系普通野。95嘅价值同好多新出嘅车唔同,新出嘅车往往睇得到摸得到嘅地方做得好企理,而95就将D心机摆系睇唔到嘅地方,不过距都有tips比你,比如你望望下会觉得距旧得黎几有型,然之后会留意到距系特别矮,盏车头灯又特别光,人家要打几手太先调到头,距一两下就做到,仲有如果你见过距开上一个斜坡,你系会觉得距唔系行上去,而系扑上去,就算要距即刻刹停,距个车身都系啷少少。虽然呢D野睇落好似好简单,但系偏偏好多车都做唔到。
 
 
  评论这张
 
阅读(34)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017