注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

快闪党-----2012年8月大众Scirocco  

2015-08-11 13:11:25|  分类: 试车日记 |  标签: |举报 |字号 订阅

  下载LOFTER 我的照片书  |
快闪党-----2012年8月大众Scirocco - Ryan  - 粤车无数
 一直以黎,热门车嘅易手价会高过冷门车,而且黑白灰三只颜色会好卖D,如果一部易手车,距嘅新车价突然插水,咁距又要卖平D,呢个系一个几普遍嘅法则。咁如果系跑车又会点呢?好多人都觉得,跑车喔,无啦啦放出黎一定系比上一手玩到残啦,或者觉得跑车撞车嘅机会又多D啦,于是乎跑车就变左系冷门之中嘅冷门。有咁嘅啉法唔出奇,因为跑车系新车嘅时候已经唔多,买零件又可能下下要订,再加上跑车好多时都系一个形象工程,车厂会加入好多奇奇怪怪嘅设计,质量可能连车厂自己都无谱,所以好多有翻咁上下年纪嘅跑车,易手价一般都好吸引。
快闪党-----2012年8月大众Scirocco - Ryan  - 粤车无数
 今次介绍嘅车叫做Scirocco,中文名叫做“尚酷”,亦即系俗称嘅“细龟”。呢部车系2012年8月份落地,不过呢个款其实系2008年已经有,大家都知道近几年大众嘅车都好似饼印咁,难得Scirocco可以做翻自己,起码一眼望落去就认得。
快闪党-----2012年8月大众Scirocco - Ryan  - 粤车无数
 跑车黎讲,Scirocco嘅车身唔算矮,排气用左单边双出设计,如果系后面睇呢部车,距系“凸”字形嘅,即系上面窄下面阔,尤其系尾辘沙版,系抛离后面只侧窗好多嘅。
快闪党-----2012年8月大众Scirocco - Ryan  - 粤车无数
 Scirocco只车门几长嘅,无窗框,内笼黑色为主,但系门皮同凳皮就啡色,中控台嘅感觉其实都几“TT”嘅,可能呢部车设计嘅时候都有参考奥迪TT个内笼,尤其系波棍座两边有扶手,奥迪TT都有嘅。呢部车两张前座都系电动调教,可以调到好低,凳面好薄,两边都好包身。
快闪党-----2012年8月大众Scirocco - Ryan  - 粤车无数
 太盘系三辐式设计,造型几复杂,比较硬身,左边可以控制音响同语音,右边系set行车电脑,有加减波拨片。呢部车其实有免匙着车嘅,不过个挞车制装系平时拧车匙嘅位置,虽然系原装,但系望落同用落都觉得好山寨。仪表板左边系转速同水温,中间系行车电脑屏幕,右边系时速同油表。冷气系单区恒温冷气,波棍座位置比较高,波棍头离太盘都好近,如果习惯推拉波棍换挡,只手可以好快揸翻住个太盘。
快闪党-----2012年8月大众Scirocco - Ryan  - 粤车无数
 头先都讲过,呢部车唔算矮,可能系唔想坐系入面嘅人觉得太压抑,而事实上距后排真系可以坐到大人,虽然两条友要坐到好埋,而且只脚要潜到去前排凳底,但系头顶同脚位仲有剩,可能因为后排两张独立凳已经缩到好后,用尾箱空间换乘坐空间,尾箱里面仲有个12伏插座,后排可以系度借电,对于车尾箱成日都吉嘅跑车用家黎讲,甘样反而系实用。
快闪党-----2012年8月大众Scirocco - Ryan  - 粤车无数
 Scirocco  2.0 TSI曾经用过两款引擎,2008年5月份至到2009年11月份距系用一副叫做CAW嘅引擎,2.0涡轮增压,最大马力系200匹,最大扭力27公斤米,而2009年11月份打后就用一副做CCZ嘅引擎,一样系2.0涡轮增压引擎,但系最大马力有211匹,最大扭力照旧系27公斤米,依然系前置引擎头辘带动,波箱照旧系6前速DSG双离合波箱。或者你会好奇,呢部车嘅引擎点解唔系直接叫EA888?因为EA888系一个系列,而CCZ系编号,距系属于EA888系列,但系唔能够直接话距系EA888。打个比方,你系指你一个人,你系你家庭嘅一份子,但系唔能够话你叫做你全家。讲翻呢部车,首先距唔算好重,吨半都无,而且引擎有27公斤米扭力仲要系好早比晒你,所以觉得部车好轻巧,有时超车甚至都唔使退档。以街车黎讲,呢个6前速嘅波箱反应已经够晒快,虽然起步果下系要比D油先识得去,唔似普通自动波,咁系因为DSG系用手波改良出黎,只不过唔使你踩离合,改为电脑控制,至于好多人讲嘅慢车速会震下震下,呢部车又唔系好明显喔。如果你中意用距个拨片黎加减,一定要多D望下个转速表,你会发觉距支指针真系跳得好快,十足十打机咁。呢部车嘅引擎声算系难听果一类,排气声亦都一般,不过呢部车攻弯嘅时候侧倾好轻微,车胎规格系好普通嘅225/45 R17,悬挂系头麦花臣尾多连杆,不过呢部车好灵活,无论加速同攻弯能力都好多当年嘅第六代高尔夫GTI,唔怪之得有Scirocco嘅单一规格比赛,因为呢部车真系几好飞。
快闪党-----2012年8月大众Scirocco - Ryan  - 粤车无数
既然讲起大众车,一定要讲下维修保养,因为大众涡轮增压车嘅口碑实在太过飘忽。以呢部Scirocco为例,首先讲引擎,呢个编号CCZ嘅四缸机,要食95号汽油,靓火咀靓机油一样都唔少得,唔好立乱清油路,你keep住喂靓油比距,定期换下汽油隔已经足够。跟住到波箱,尽量唔好踩刹车又踩深油门咁样高转起步,因为一档齿轮会好大负担,退档唔好连续退三个档位,而且最好勤D换波箱油,因为距只能够靠换油黎保养。电子设备方面,其实呢部车唔算复杂,原装音响系麻麻地,如果想改装就要留意下D线路嘅接驳,仲有两只车门嘅门铰同门锁都要特别留意,因为呢种车门又大又重,要记得定期加D雪油,要识得自己收紧翻个锁扣,如果唔系只门就会关唔实。虽然玩涡轮增压车嘅风险会比较大,不过我好欣赏D有挑战精神嘅人,祝你好运。
 
  评论这张
 
阅读(36)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017