注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

洗脑机器-------2008年11月宝马330i coupe(E92)  

2015-08-11 12:59:09|  分类: 试车日记 |  标签: |举报 |字号 订阅

  下载LOFTER 我的照片书  |
洗脑机器-------2008年11月宝马330i coupe(E92) - Ryan  - 粤车无数
 好多人都会觉得双门车唔够实用,无错,对于大车黎讲系成立嘅,但系对于细车黎讲就未必,尤其系一D中小型后驱房车,后排都系又窄又细,坐又唔好坐,甚至上落都成问题,点解唔干脆买距嘅双门版本?少左两只门,车架刚性明显会强好多,而且车身更加接近水滴型,风阻更低,理论上高速会更加悭油,呢D只不过系其中几个好处,最大嘅好处就系型!不过型就要付出代价,比如靓仔过头容易引人犯罪,吉穿车胎、划花车身甚至掟烂玻璃系好平常嘅事,而且买新车嘅时候车价要高一截,玩厌左之后放翻出去易手价又低人一截,后排上落依然唔方便,甚至前排上落都唔方便,因为车门长左,如果旁边部车泊到好贴,你系好难上落车嘅。虽然双门车系有咁多副作用,但系你买得呢D车可以话系预左,呢个世界系无绝对嘅好车,只有岩自己嘅车先系为之好,比如我今次介绍嘅呢部。
洗脑机器-------2008年11月宝马330i coupe(E92) - Ryan  - 粤车无数
 呢部系2008年11月份落地嘅宝马330i,编号系E92,E92系列双门车最初系系2006年6月份出现,德国制。不过呢一部易手车同一般嘅唔同,距换左E92 M3突起嘅开窿头冚、头泵把同两边开窿头沙版,可以令到引擎舱散热更加好,车顶贴左黑色反光贴纸扮“全景天窗”,侧镜换左碳纤子弹镜,除左减低风阻之外,亦都可以减低侧镜附近嘅风声。
洗脑机器-------2008年11月宝马330i coupe(E92) - Ryan  - 粤车无数
  呢部车仲换左四只疑似山寨ADVAN嘅合金铃,车尾仲装左唔知咩牌子嘅包围,尾厢盖仲铲走左原本有嘅“330i”字牌,原本呢部车系单边双出尾喉设计,宜家就改为双边双出尾喉。
洗脑机器-------2008年11月宝马330i coupe(E92) - Ryan  - 粤车无数
 呢部车嘅内笼同四门房车版本好相似,太盘有拨片,车门手枕旁边、中控台冷气出风口果一行同埋马鞍位用左碳纤饰件,两张前座原装系普通皮凳,但系呢部车就改左两张疑似RECARO嘅桶凳,唔单止无左原装嘅两段记忆功能,甚至连方便后排上落嘅电动前后移动都无埋,不过都系果句,配置嘅嘢主要都系睇番用家嘅需求,上手车主之所以咁样改装,除左追求桶凳嘅包围感之外,仲表明左后排系极少坐人,所以宁愿牺牲电动调教,都要改桶凳。
洗脑机器-------2008年11月宝马330i coupe(E92) - Ryan  - 粤车无数
 E90四门版嘅后排有几窄,你坐过就知,所以无论以前定宜家,就算3系房车后面有三个位,其实都只能够坐两个人,所以E92后排干脆改为独立两张凳,头顶空间同脚位对于1米7左右身高嘅人黎讲系OK嘅,有冷气出风口有烟灰缸有12伏电,虽然全车一共有9只喇叭,不过音响质素好一般。B柱有安全带勾,可以送条安全带去前面,咁就唔使个司机下下都拧去后面,不过有时会勾唔中条安全带。
洗脑机器-------2008年11月宝马330i coupe(E92) - Ryan  - 粤车无数
呢部车用左一副编号N52B30A嘅直六自然吸气引擎,排气量2996cc,最大马力258匹,最大扭力30公斤米,配6速自动波,有加减波功能,前置引擎后辘驱动。N52机器体质好好而且好轻身,维修保养都好成熟,零件系贵D,但系无办法,镁铝合金材料唔同铸铁,尤其系缸盖,唔系你话想补就有得补,一般只能够换。3系公认“靓弯”,但系从来无人话距起步快,因为真系唔快,甚至觉得距有小小超重,就算系呢个3公升引擎,扭力都系要过两三千转先至涌出黎,但系有样野好少人知,就系呢个6速波箱,D档模式其实系默认2档起步,而且好多人买3系都系D档走天涯,所以唔知唔出奇,虽然起步唔快,但系等转速上黎之后就系另一个世界,玩直六自然吸气引擎先唔好讲性能,应该先讲听觉效果,因为系得距有呢种高频声,而且系引擎声,唔系排气声,排气声可以调,引擎声就比较原始。E92嘅车身比起E90更加硬净,内笼杂音亦都少D,最难得系消灭左E90嘅门锁问题同玻璃机上落嘅问题。E92同E90嘅底盘感觉其实差唔多,E90定D,E92敏捷D,大家过弯都唔会好侧,车尾都系好灵活,最难适应就系距个Active Steering主动转向系统,虽然你系揸住太盘扭太,不过唔系你直接控制方向机,比如停车或者慢慢行,你扭少少太盘,前辘就摆好大,即系话你唔使好大动作,就可以转到好大个弯,高速就相反,呢个设计其实系好嘅,如果你买距翻黎静系系市区里面慢慢兜嘅话,因为只要开快D,你就要成日估距嘅转向比例,你一向对大盘嘅感觉已经唔岩用,因为转向角度已经系按比例自己调节,你以为扭多D,其实你已经扭多左好多,你以为扭少D,车头又唔知指去边,所以要D时间适应,如果你唔想花费时间系呢方面,或者干脆稳过部无呢个系统嘅3系,因为唔系部部有嘅。
 
  评论这张
 
阅读(60)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017