注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

大码新尝试--------2011年款铃木凯泽西2.4  

2015-08-11 12:55:41|  分类: 试车日记 |  标签: |举报 |字号 订阅

  下载LOFTER 我的照片书  |
大码新尝试--------2011年款铃木凯泽西2.4 - Ryan  - 粤车无数
 好多时提起铃木,第一反应都系维他奶同jimny仔呢D四驱车,或者系北斗星、雨燕呢D车仔,因为铃木系日本车仔之王,尤其系一部叫做Wagon R嘅K-CAR,系2003年至到2012年都系同类型车销量冠军。K-CAR冠军有咩咁巴闭?因为可以代表日本实用为主嘅买车潮流,虽然系一部3米4嘅车仔,但系偏偏做到大空间、低油耗同多功能,而且呢D车一般都好低地台,有D仲会用趟门设计,方便老人家同细路仔上落,所以日本宜家有四成都系K-CAR。铃木系车仔界咁劲,好自然会捞过界,比如出三厢式房车,但系三厢式房车系日本属于唔实用嘅车,所以铃木干脆出一部有运动感嘅房车,进攻日本之外嘅市场,比如我今次介绍呢一部。
大码新尝试--------2011年款铃木凯泽西2.4 - Ryan  - 粤车无数
 呢部系2011年5月份落地嘅铃木凯泽西,进口车。铃木唔系第一次出三厢式房车,因为之前都有羚羊、SX4 saloon,不过凯泽西再吹胀D。第一眼望落去,呢部车最大嘅观感系肥,而且系上窄下阔嘅设计,腰线好高、侧窗好细,挡风玻璃好斜,有小小似宜家新款嘅美系中型车。
大码新尝试--------2011年款铃木凯泽西2.4 - Ryan  - 粤车无数
 凯泽西最易认系车尾,因为暂时得距系用咁扭拧嘅尾灯设计,虽然望落系单边单尾灯,但系有一大半都系同沙板线条连通,除左可以减低风阻之外,距都有少少导流作用嘅,所以唔系为左怪而怪。尾厢盖有好高突起,其实相当于集成左尾翼系里面,街车黎讲,其实系唔需要大尾翼嘅,只要有小小翘起,而且有小小角度,就可以发挥到应有嘅扰流作用。
大码新尝试--------2011年款铃木凯泽西2.4 - Ryan  - 粤车无数
 可能铃木系第一次设计大车,所以唔系好清楚大车嘅质感系点,因为由打开门果下开始,铃木车仔嘅感觉又翻翻黎,比如呢部车底盘唔算矮,但系车顶又唔算高,门板嘅手枕比较窄,窗制亦都比较偏后,仪表板所有故障灯都系集中系一个区域。不过司机位几好坐,有电动调教又有记忆功能,视野都几好,而且内笼无乜怪味,侧镜又够大只。
大码新尝试--------2011年款铃木凯泽西2.4 - Ryan  - 粤车无数
 呢部车有免匙着车,太盘有加减波拨片,三九点手指位fit晒手型,三点位可以控制音响大细声、拣歌拣电台,九点位系定速巡航设置,右下角仲有DISP同TRIP,咁呢个有咩用呢?主要都系设置行车电脑,比如每次去到油站入油,平均油耗识得自动清零之类。中控台主要系控制音响同冷气,有USB接口,冷气系双区恒温冷气,两张前座有加热功能,波箱系CVT无级变速,但系可以系手波模式模拟六个档位,用波棍控制嘅话系推前降档,拉后升档。
大码新尝试--------2011年款铃木凯泽西2.4 - Ryan  - 粤车无数
 凯泽西虽然系铃木暂时最大部嘅三厢房车,但系距嘅身形同广本凌派差唔多,后排空间唔算阔落,而且后排凳背比较企,座垫都好硬,后排有冷气出风口,侧窗有D细,视野唔算好开扬,唔系好岩坐长途车。
大码新尝试--------2011年款铃木凯泽西2.4 - Ryan  - 粤车无数
 呢部车用左一副编号J24B嘅2.4升直四自然吸气引擎,最大马力系178匹,最大扭力系23公斤米,前置引擎头辘带动。凯泽西有四驱版同前驱版,而呢一部系前驱版,但系我后尾都有去稳左部四驱版黎试,我觉得前驱版会更加岩街道用。首先,引擎力量唔算大,而且经过CVT过滤之后就更加平淡,点解铃木仲会话距系运动型房车?原因就系转向!日系房车来讲,我认为有比心机做好转向嘅系本田车厂,但系凯泽西亦都唔差,路面感好强,方向盘唔算重手,但系会好明显feel到部车系好敏捷,有D急弯甚至仲灵活过雨燕。第二,呢部车都几嘈嘅,隔音唔算好,但系引擎声几好听,尤其系中高段嘅引擎声会令到你觉得距系好精良,所有机件嘅平衡度都好高,唔会震、唔会哮喘,油门反应都几快,越踩越爽。底盘调校都好稳定,四驱版就有D笨,因为马力扭力唔大,四驱又会卸力,所以对于呢个引擎来讲,前驱可以话系岩岩好,所以就算唔开好快,都会觉得部车系好顺手、好易适应,同埋会觉得部车好细部,有速度感又够定,唯一唔好我觉得系引擎大食左D,大食过同类型车嘅2.4。
大码新尝试--------2011年款铃木凯泽西2.4 - Ryan  - 粤车无数
虽然呢部车系铃木车厂嘅新尝试,但系已经感觉到有好多好成熟嘅设计系里面,外形无抄袭,机器系自己野,底盘估计都系自己研究,因为实在好似雨燕仔,CVT就麻麻地,因为溜后、打滑、转速飘忽呢D衰野距全部有齐,最有惊喜系铃木居然将一部大车调到好似一部细车咁嘅性格,尤其系太感同车头嘅指向,好容易上瘾,再加上呢部车嘅二手价低到呢........因为新车果阵都好平吖嘛,进口车内笼用料又无咁毒,装嵌功夫都好好,刹车都好够,维修应该都唔会好难,所以呢部车我真系几欣赏。
 
  评论这张
 
阅读(35)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017