注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

悭家D嫂-----------2010年4月奥迪A6L 2.7 TDI  

2015-08-11 12:52:24|  分类: 试车日记 |  标签: |举报 |字号 订阅

  下载LOFTER 我的照片书  |
悭家D嫂-----------2010年4月奥迪A6L 2.7 TDI - Ryan  - 粤车无数
 其实系中国买车同用车都几辛苦嘅,你计下条数,买部新车翻黎,你睇斋车价系无用嘅,因为未落到地,你仲要去买购置税、保险、年票、车船税等等,有时仲会无啦啦多左好多湿星数目,甚至会超出你预期。买左车之后,好彩嘅头几年顺风顺水,唔好彩嘅落地无几耐就要整呢样果样,所以我建议你最好有翻咁上下汽车知识或者常识,起码知道坏车系坏乜嘢,因为如果你唔识,下下要靠4S或者修理厂,除左距话乜就乜就算狮子开大口你都要硬食之外,可能分分钟要摆低部车几日,咁你就好被动喇,因为只要你习惯左开车,就会明白突然之间无车用系几咁头痕。用车最大嘅洗费一般都系入油,所以一部悭油嘅车系好实际嘅,宜家度度都讲环保,细车要悭油,大车一样要,比如我今次介绍嘅呢部车咁。
悭家D嫂-----------2010年4月奥迪A6L 2.7 TDI - Ryan  - 粤车无数
 呢一部系2010年4月份落地嘅国产奥迪A6L,当年距仲系圆碌碌嘅,所以已经唔系流线型咁简单,而系一旧番枧。由呢一代开始,奥迪开始系车头灯里面搞好多花臣,比如LED日间行车灯,转弯嘅时候只眼又跟住转之类。除左车头灯有新搞作,中网用左大嘴设计,车牌架有“A6L”字样,连埋头泵把两边入风口,可以话系将车头嘅入风设计用到尽。
悭家D嫂-----------2010年4月奥迪A6L 2.7 TDI - Ryan  - 粤车无数
 A6L嘅侧面亦都系非常之“奥迪款式”,因为甘耐以黎A6系列房车都好少系侧面用好抢眼嘅弧线或者骨位,但系距就用左好平滑嘅腰线设计,令到部车睇落好长,而且车门下面都有做小小扰流设计。车尾同车头都系圆碌碌,因为呢一部已经系小改款,所以用左单边双尾灯设计,亦加入左LED刹车灯,尾箱盖边亦有小小翘起。
悭家D嫂-----------2010年4月奥迪A6L 2.7 TDI - Ryan  - 粤车无数
 A6L嘅车门都几重,但系开门同闩门都唔算太用力,A6L当年有几个内笼颜色可以拣,咁呢一部就用灰色皮撞啡色木,出黎个效果都几靓嘅,而且灰色又襟邋遢。中控台望落几高科技,但系距D冷气出风口就好求其,似系其他车度拆过黎咁。皮凳摸落偏硬,坐落都几正常,视野有小小偏高,两边倒后镜就细只左D,不过睇位都唔算好难,系部车阔左小小,我估你如果渣左三四年车都应该可以好快适应。呢部车个太感系几特别嘅,扭太力度唔大唔细,都几自在嘅,太盘自己回中嘅力度都系好细嘅,你可以话距无阻力又可以话距有阻力,呢样野同其他车好唔同。我几中意呢部车嘅中控台同马鞍位嘅设计,以我嘅身形,右手好容易枕到个手枕,而手指又岩岩好可以拧到MMI系统个制,确实系几就手。
悭家D嫂-----------2010年4月奥迪A6L 2.7 TDI - Ryan  - 粤车无数
 A6L系一部加长左嘅A6,而且纯粹系后排加长,后排坐垫都好长,凳背比较斜,中间可以翻落黎做手枕,而且手枕里面有两个杯架,加上大肶位置承托力好好,所以坐系几好坐。后排有四个冷气出风口,两个系B柱,两张前座中间都有,下面仲有后排座椅加热,但系得一个12伏电源。音响用左BOSE嘅surround Sound系列,后排侧窗有手动遮阳帘,尾玻璃有电尾帘,成个后排气氛都系几放松。
悭家D嫂-----------2010年4月奥迪A6L 2.7 TDI - Ryan  - 粤车无数
 呢部车用左一副2.7升嘅柴油TURBO引擎,柴油引擎叫做Diesel,亦即系我地平时讲嘅“D嫂引擎”,柴油引擎本身已经好着重低转扭力,宜家再加埋低压TURBO,所以呢部车嘅低转扭力就更加强。呢个引擎最大马力大约190匹,而最大扭力大约系37公斤米,波箱系multitronic无级变速,前置引擎,头辘带动。着车果下,其实柴油引擎嘅“哒哒”声都唔系好明显,但系震动就好明显,起步系好轻松嘅,唔觉得系一部重嘅车,系二手车市场里面兜兜转转又唔觉得部车好大部,好多望落好窄嘅位距都可以过到,扭太嘅时候车头都几准嘅,唯独太感就假左D。油门反应都唔慢,不过起油同爬头都好明显有电脑过滤,所以都系要等嘅。引擎1500转开始去到4000转左右都系好好力,对于呢个引擎来讲可以话系几时都咁好力,但系因为4800转左右已经系红区,所以亦都无话高转唔高转。呢个无级变速波箱系行链嘅,打滑无行带果D咁严重,虽然都有S档,不过我就唔建议用,因为大家都知道,就系我地周围卖紧嘅柴油其实系预客货车用嘅,而A6L嘅TDI柴油引擎属于高科技设计,距有高压油泵,亦都有好精准嘅喷油嘴,宜家A6L柴油引擎最容易坏就系高压油泵,所以如果买左呢部车就唔好成日谷距,反而应该好温柔咁开,距系可以好悭油架。呢部车悭油到咩程度呢?首先,柴油好平,第二,距个油耗表我估计系开心表黎嘅,因为百公里油耗居然显示6升,但系行够路程之后再入翻油,距大致上系一升油可以行13公里咁上下,亦即系百公里油耗大约7.6升左右。
悭家D嫂-----------2010年4月奥迪A6L 2.7 TDI - Ryan  - 粤车无数
乜嘢车都有距自己嘅定位,比如呢部A6L,当年新车发票系写48万,落地价就唔知几钱亦都唔需要知道几钱,因为一般估价都系睇斋车价黎估,事关落地价好飘忽,可能搞促销可能你有熟人可能有其他原因,落地价唔系部部一样嘅。咁呢部车系中国算系豪华车,一般会系D生意人买,即系话A6L其实算系一个稳食工具,再加上柴油引擎,距仲系一个好悭油嘅代步工具,至于距襟唔襟开就好视乎你点样用车同保养,因为呢个引擎事实上系娇D,零件都唔平,但系你保养做得细心D,开车斯文D,呢部柴油A6L其实几抵玩。
 
  评论这张
 
阅读(37)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017