注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

揸住间屋出街------2012年丰田牛肺3.5  

2015-08-11 12:49:04|  分类: 试车日记 |  标签: |举报 |字号 订阅

  下载LOFTER 我的照片书  |

 
揸住间屋出街------2012年丰田牛肺3.5 - Ryan  - 粤车无数
如果你有追香港电视剧或者八卦杂志,你会见到有一款面包车出镜率非常之高,呢款车通常都系黑白灰三只颜色,有D系原装,但系好多都有改装,一系D有钱佬买黎接送老婆仔女,一系D明星请司机车住自己四围去开工,讲紧嘅就系大名鼎鼎嘅港澳保姆车王-----丰田ALPHARD。以前ALPHARD都系得日本、香港、澳门同新加坡几个地方有,因为距系右太嘅,专走土豪路线,因为系2002年第一代开始,距已经识得系内笼搞好多花臣,比如遥控车窗、遥控电尾门、遥控电趟门、电动窗帘之类,尤其系距发明嘅“剧院式灯光”,简直系一个传奇。丰田系2010年将ALPHARD引入中国,亦即系话,由2010年开始,呢款车有左太版喇。
 揸住间屋出街------2012年丰田牛肺3.5 - Ryan  - 粤车无数
 呢一架系2012年1月份落地嘅ALPHARD,ALPHARD系国内叫做“埃尔法”,而系香港,的士佬同VAN仔佬会叫距做“牛肺”。ALPHARD嘅车头大方得体,但系一眼望落去有小小似丰田海狮加大包围,咁系因为呢款车出现之前,最卖得嘅保姆车系日产Elgrand。第一代Elgrand除左大部之外无乜娱乐性,咁当然宜家最新款肯定系要有咁豪得咁豪,当时丰田见到Elgrand咁斋都可以买到断晒市,于是就将Granvia、Regius同Grand HIACE三款车合体,整左第一代ALPHARD出黎,所以你依然会觉得距系有少少似海狮。
揸住间屋出街------2012年丰田牛肺3.5 - Ryan  - 粤车无数
 虽然系一部2012年嘅车,但系呢个外形其实系2008年已经有,ALPHARD牛高马大,有1米8阔、1米9高,所以16寸胎铃望落好似得14寸咁,全车有齐头尾唇同侧裙,再加埋一只尾翼,可以令到部车行高速更加定。ALPHARD斯斯文文,其实距仲有一个孖生兄弟叫做“VELLFIRE”,其实就系一部跑车味道浓D嘅牛肺,“VELLFIRE”一般会有原厂跟车嘅大包围同大胎铃,黑色内笼而且中意用反皮,设备同ALPHARD睇齐。
揸住间屋出街------2012年丰田牛肺3.5 - Ryan  - 粤车无数
 以MPV黎计,ALPHARD嘅坐姿算系偏高,高过好多所谓SUV,所以坐姿好自然,望出去视野都好好,玻璃大大件,周围望都好通透,最大嘅盲点系右前辘附近,如果买呢部车最好装翻只沙板镜。
揸住间屋出街------2012年丰田牛肺3.5 - Ryan  - 粤车无数
 ALPHARD有双天窗,但系前面呢个只能够向上揭起,天窗亦都唔算太大个。第一个天窗后面有个吸顶嘅液晶屏幕,千其唔好用人手反落黎,因为系有制噤嘅。车顶两边有两条坑,里面有LED灯带,但系好可惜第一代ALPHARD嘅“剧院式灯光”无左,无得系B柱位里面装支灯照住天花板,宜家改用嵌入式LED系潮,但系就无以前咁特别。
揸住间屋出街------2012年丰田牛肺3.5 - Ryan  - 粤车无数
 ALPHARD嘅中控台有好多制,但系如果你用惯丰田车或者凌志系列,估计你一上车已经认得九成。冷气出风口有少少似LX570果种,即系系中控台突出来但系又打斜向住你,上车之后你会闻到有阵皮凳散出黎嘅味,但系过左大概半个钟左右你会闻到好似草咁嘅味,因为呢部车装左一个叫做“nanoe”嘅离子制造机,主要系用黎保湿同净化空气。
揸住间屋出街------2012年丰田牛肺3.5 - Ryan  - 粤车无数
 副驾驶位有电动脚托,而且前面无太盘顶住,坐姿又高,有小小似坐系阳台前面,左手边有扶手,两张前座之间有个好大嘅双层储物箱。
揸住间屋出街------2012年丰田牛肺3.5 - Ryan  - 粤车无数
 呢部车两边都有遥控电趟门,你可以用锁匙遥控,或者拉一下个车门拉手,只门就识得慢慢趟开。ALPHARD地台好低而且系门边装左步级,你行两级楼梯就可以入到ALPHARD中排,B柱有扶手方便上落,中排两张凳系ALPHARD嘅招牌,头枕有左右支撑,头顶有大天窗,两张凳都有脚托,前座椅背仲可以反一件脚托落黎,即系话你坐中排,你只脚系可以完全离地嘅。中排同后排头顶附近都有独立冷气出风口,中排有走廊可以去第三排,不过要侧身行,因为车顶够平,第三排头顶空间都好够,脚位都好多,呢D就系方形盒仔车嘅好处。
 揸住间屋出街------2012年丰田牛肺3.5 - Ryan  - 粤车无数
呢一架ALPHARD用左一副编号2GR-FE嘅3.5升V6自然吸气引擎,最大马力275匹,最大扭力34公斤米,配6速自动波,前置引擎,头辘带动。呢个引擎非常之滑溜,虽然波箱得六个档位,升档降档唔算特别快,但系每一档衔接都好岩时间,就算部车成两吨重,一D都唔觉得引擎辛苦,无论点踩油都好,都唔会声沙,不过呢部车嘅车架就唔够硬净,行过D烂路甚至有D散散地。太感系有嘅,起码都知道自己系行紧D咩路,扭太力道都系好自然,唔会话刻意调到好轻手,刹车力度都好均匀,不过我发觉行直路果阵距个太盘有少少偏去左手边,部车系无走太嘅,纯粹系太盘偏左。揸呢部车出街,唔觉得自己系司机嘅,反而觉得自己似导游,太盘附近同中控台都好多湿星野搞,部车揸落又无乜压力,后面又有人系度倾计,气氛有D似我办公室。试呢部车都差唔多试左个半钟,我都唔觉得个人攰,再开耐D都无问题。最后都提下呢部车嘅油耗,距系加95号汽油,仪表板显示百公里平均油耗系13.3升。
揸住间屋出街------2012年丰田牛肺3.5 - Ryan  - 粤车无数
ALPHARD唔算平,如果系3.5嘅版本,新车落地平极都要七八十万,以佛山嘅平均楼价黎计ALPHARD可以话系一层楼,都几考心理素质,因为呢个价位有好多名贵三厢式豪华车,而买ALPHARD系买一部丰田面包车。唔好睇小面包车,我之前都讲过,MPV系家庭车里面空间偷得最尽嘅车款,而且ALPHARD非常之襟用,十足十“阿四”,一部真正嘅豪华车,既然收你咁多钱,应该系由用车到养车、由上车到落车都全方位照顾到车主同乘客,而唔系要车主去服侍部车,或者要乘客去迁就部车
 
 

 
  评论这张
 
阅读(46)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017