注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

蔗渣价钱烧鹅味道------2012年9月万事得2 1.5 AT  

2015-08-11 12:42:47|  分类: 试车日记 |  标签: |举报 |字号 订阅

  下载LOFTER 我的照片书  |
蔗渣价钱烧鹅味道------2012年9月万事得2 1.5 AT - Ryan  - 粤车无数
 曾经有人话男人嘅浪漫系一碟豆腐火腩饭,但系今时今日好明显一碟饭已经唔够浪漫,因为男人最终极嘅浪漫不外乎“车、酒、表、女、相机”,只要你是但精一饭都足以令到你倾家荡产,尤其系车。一条友仔识车,唔好理距坚定流,起码可以令到D女0晒嘴,因为劲吖嘛,咁复杂嘅野我唔识但系你居然识,咁咪浪漫咯,识车自自然然会去睇车,睇到咁上下最终极就系要买车,既然去到洗钱呢个范畴,到底要洗几多先可以满足到自己嘅要求呢?咁就要问你自己喇。后生仔一般都中意跑味重嘅车,但系一部跑得嘅车,系咪一定要好贵呢?唔一定,但系你要牺牲少少空间,因为真正高性能嘅街车,唔会大部,比如我今次介绍嘅呢部车。
蔗渣价钱烧鹅味道------2012年9月万事得2 1.5 AT - Ryan  - 粤车无数
 呢一部系2012年9月份落地嘅万事得2,国产版叫做“马自达2”,南京制造。日版最早系2007年就已经有,而中国版就要到2008年先有,至于三厢版就主要系中国、印尼同澳洲有。万事得2系日本叫做“Demio”,呢个系合成英文,大致意思系“个人的”咁解,所以如果对住呢部车你仲去揪称空间唔够,系因为你唔明呢部车嘅身世。
蔗渣价钱烧鹅味道------2012年9月万事得2 1.5 AT - Ryan  - 粤车无数
 如果见到一部车仔细就话距唔安全其实系好片面嘅,一部车安唔安全,有E-NCAP欧盟新车评估标准,虽然碰撞测试有少少似应试教育,不过都好过有D车连试都唔去考,万事得2系2007年参加E-NCAP撞击测试,成人乘员保护性有满分五粒星。1994年万事得323系美国停产,隔左15年之后,万事得2系2009年重新打入美国市场,万事得2亦都参加左美国公路安全保险协会IIHS嘅撞击测试,车头撞击同车顶承压系“良好”,侧面撞击同车尾撞击连同乘员颈部防护系“可接受”。可能你睇惯五粒星同“优秀”评分,但系碰撞测试系分级嘅,万事得2同当年同平台嘅福特嘉年华都系属于小型车,小型车咁耐以黎,最叻都系得“良好”,所以系小型车嘅世界,呢部车已经算系几安全。
蔗渣价钱烧鹅味道------2012年9月万事得2 1.5 AT - Ryan  - 粤车无数
 万事得2好实际,虽然中国版系世界上唯一有天窗嘅版本,不过距都依然保留翻一只好接近欧洲版嘅型号,就呢部当年第二贵嘅版本,首先距无去芒一层假皮扮真皮,第二呢张布凳真系好好坐,你唔好睇部车易手价4万蚊,呢张凳用左好多心机去设计,坐垫唔算太薄,凳背都系,所以距唔会为左偷空间而偷薄前面两张凳。
蔗渣价钱烧鹅味道------2012年9月万事得2 1.5 AT - Ryan  - 粤车无数
 呢部车嘅设备唔系好多,有电窗电镜,太控得左手边有,主要系控制音响大细声、拣歌拣电台、模式、静音,喇叭制比较偏向中间,手指长会着数D。太盘有小小偏大,不过太环唔算幼,坐姿偏高,视野都OK。仪表板系三个圈,左边系转速,中间系时速,右边呢个系里程表、档位同油表,距无水温表,着车有个蓝色嘅温度计符号。中控台连上面两个冷气出风口有少少似米奇老鼠头,CD机集成左时钟,空调系用扭制,波棍都系装系中控台上面,呢个设计好好,两张前座之间可以松动D,而且距离太盘近,自动波唔会好觉,但系如果系手波,就会发觉每次换挡之后都可以好快揸翻住个太盘,当年EP3 TYPE R思域都系咁设计。
蔗渣价钱烧鹅味道------2012年9月万事得2 1.5 AT - Ryan  - 粤车无数
 后排空间的确系细,而且张凳无乜造型,凳背好企,头枕又硬,脚位又少,所以基本都系斋坐。呢部车行起身系跳跳扎嘅,所以坐后排嘅人会好快嗌落车。
蔗渣价钱烧鹅味道------2012年9月万事得2 1.5 AT - Ryan  - 粤车无数
 呢部车用左一副1.5升直四自然吸气引擎,最大马力103匹,最大扭力14公斤米,四档自动波。呢个引擎系调转装嘅,一般打横摆嘅引擎都系前面排气后面吸气,而呢个系前吸后排,咁做有咩好呢?首先距可以缩短前面入风嘅距离,可以好快填满风盒,所以呢部车无论系急起油同翻脚油反应都好快,不过排气系后面,就好考防火墙同中控台嘅用料同设计,排气嘅高温同声浪会好易传入车厢。呢部车唔算好悭油,主要系因为你唔觉唔觉就会踩好大油,唔好睇距系四档波箱,齿轮比匹配得好,加上部车得一吨,一样可以好好飞。起步吴系花冠果D咁样一踩就弹出去,而系有道力先系后面推下你,然之后再推大力D,只要你够胆而且要扮听唔到风声同底盘有时传上黎果D“弯弯”声,万事得2绝对可以冲到去160有多,仲要未脚软。过弯系距嘅强项,但系都可以话系距嘅弱项,首先距个太好快,呢点同距车头轻、车身短都有关,不过真系快得交关,坐系里面如果你好快咁掟一只90度左弯,你觉得左后辘好似想离地,但系如果系外面睇,其实已经离左少少,因为得三条车胎痕。我之前都讲过,跳辘唔系话部车好,因为要发挥四只车辘嘅抓地力,一定系要四只辘贴地,但系呢个系四只辘都有力嘅情况,头辘车就有D吴同,因为车架够硬,避震够硬,跳辘可以话系好正常,咁到底点样控制呢?首先你要知道自己开紧几快,如果你发觉部车头辘已经开始叫,而且已经开始推头,呢个时候跳辘反而会令到推头更加严重,因为车尾升起左,重心走去车头,如果头辘未叫,即系仲有抓地力可以用,你可以继续踩油但系太盘唔可以打好大角度,用头辘拖住尾辘,呢个时候跳辘,车尾升起左,一边车辘离地,车尾无咁咬地,车尾会更加灵活,反而系帮助入弯。
蔗渣价钱烧鹅味道------2012年9月万事得2 1.5 AT - Ryan  - 粤车无数
万事得2系2008年度嘅日本年度风云车,亦都系当年嘅欧洲年度风云车,亦都系当年嘅世界年度风云车,一年里面有三个跨区域大奖,系小型车界其实好少见,所以亦都证明左万事得2系一部好受欢迎嘅车。虽然距宜家系值几万蚊,但系揸落你会发觉呢几万蚊洗得好爽,好多人介意距无恒温空调、无天窗、15寸铃、尾辘系鼓刹,甚至介意距系用四粒螺丝固定而唔系五粒,其实相当之无厘头,配置只不过系一个数据,唔可以直接代表真实性能同调教,因为万事得2就系咁,你可以话距价钱平,但系唔可以话距cheap。
 
  评论这张
 
阅读(50)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017