注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

定过抬油-------2010年绅宝93细t  

2015-08-11 12:36:49|  分类: 试车日记 |  标签: |举报 |字号 订阅

  下载LOFTER 我的照片书  |
定过抬油-------2010年绅宝93细t - Ryan  - 粤车无数
 SAAB,瑞典车厂,之前叫绅宝,宜家叫“萨博”。无论系以前定宜家,买绅宝都系好另类嘅,一来距系好X贵,二来好少车行代理呢部车,买绅宝系要打电话问地址嘅,唔似其他牌子,梗有一间系附近,第三,呢间车厂宜家已经算系折埋左,因为绅宝车厂曾经比通用买起,而通用系2009年破左产,将绅宝卖左比荷兰世爵,但系因为唔够钱出粮,宜家绅宝已经比国能电动汽车公司买起。SAAB集团一路以来都系整飞机整火箭整武器,所以汽车只不过系距其中一档生意,但系距D车全部都好比心机整,甚至会摆少少飞机设计落去,比如今次介绍呢部绅宝车仔咁样。
定过抬油-------2010年绅宝93细t - Ryan  - 粤车无数
 呢一部系2010年2月份落地嘅绅宝93,代号系YS3F,虽然斋睇年份唔系旧到甩牙,但系YS3F呢个车架系2002年已经出现,亦即系话,呢一部2010年版只不过系改款,而唔系全新设计。绅宝宜家系佛山基本上绝迹咁滞,就算系易手车市场,都系得两部,有部仲要系95,行街有时都会见到嘅,一飞而过好有型。呢一部93嘅车头骤眼睇其实有D似飞机头,尤其系中网同头灯连住,有D似飞机头果几只弧形连体窗,车头好扁,一般车头冚顶多整两条骨位,但系距个头冚就成块拱起,虽然雨刮都系得两支,但系喷嘴有三粒咁多。
定过抬油-------2010年绅宝93细t - Ryan  - 粤车无数
 93底盘好低,装左侧裙之后就更加低,车胎用左225/45 R17,街车黎讲算系薄。后门窗嘅线条都几特别,因为好少车会系同一只窗整折角,油箱盖有个勾手指位,即系话呢个油箱盖系无得锁嘅,呢D都系旧款车嘅设计。尾灯有小小似改装件,但其实系原装嘅,白尾灯画熊猫眼,非常之日本仔。
定过抬油-------2010年绅宝93细t - Ryan  - 粤车无数
 好多人话揸绅宝出街系贴地飞行,好大程度系因为呢张凳,因为真系可以坐到好低,呢张凳其实有小小似富豪果D,睇落似跑车桶凳,但系坐落就似家私。凳背旁边有一个好似曲奇饼咁嘅制,系用黎收紧两边腰垫嘅,头枕造型都好古怪,因为距就系绅宝车厂研究出黎嘅防chok颈头枕,如果后面有车撞埋黎,头枕会向前压同埋向下压,抵消翻向后chok嘅惯性。
定过抬油-------2010年绅宝93细t - Ryan  - 粤车无数
 同富豪嘅车一样,93都系用一个偏大嘅太盘,而且D皮系跣手嘅,揸落都几硬身,三九点都几多制嘅,比如左手边有行车电脑设定、语音、电话功能,右手边主要系拣歌拣电台同大细声,喇叭符号虽然偏中间,但系你唔洗下下都噤中呢个符号嘅,噤距隔离都一样可以响喇叭。无论外形几辣都好,93系绅宝车厂里面始终系属于小型行政房车,所以距都有桃木饰件,不过唔多,门板一件、副驾驶位储物盒一件、马鞍位一件,够晒架喇。系度要特别提一提距个手刹,距系要向上拉,唔系好似一般车咁顺住支转轴黎拉,因为距个支点系系下面,唔系后面,松手刹之后,手刹柄会变成马鞍位其中一部分,唔会好似一般车咁明显。
定过抬油-------2010年绅宝93细t - Ryan  - 粤车无数
 93嘅中控台系斜嘅,偏向司机一边,冷气出风口四个都系唔同样嘅。仪表板系黑底白字,转速表系左手边,时速表系中间,右手边系油表、水温表同TURBO bar数,时速表由20公里时速开始计起,140公里时速之后变左细字体。呢部车系用6碟CD机,CD机左边有几粒制,其中有一粒叫做nightpanel,晚上开车,噤呢粒制之后除左时速表同档位显示之外,中控台同其他仪表都会熄灯,司机可以更加集中精神。CD机下面有一个杯架,一噤就会弹出黎,虽然距好有机械美感,因为基本上伸缩折叠反转全部都用晒,到头来都系夹唔稳一罐汽水,而且部车行紧果阵仲会有D哩哩啦啦嘅声。冷气系双区恒温冷气,波箱用左五前速自动波,有手波功能。特别讲下距条车匙,系插系马鞍位嘅,呢个设计除左有安全隐患之外,因为锁芯系电子式,比如锁太盘,锁匙要拧去lock位置,但系93曾经试过锁匙会卡死系lock呢个位,着唔到车。
定过抬油-------2010年绅宝93细t - Ryan  - 粤车无数
 93嘅后排唔算细,座垫够厚又够长,虽然造型同第十代翼豹嘅后排差唔多,但系坐落差好远,后排有冷气出风口,而且凳面软熟好多,脚位系少左D,不过未至于顶住膝头。头顶空间都唔错,因为93唔系四门coupe外形,只不过系正正常常嘅三厢式房车,车顶比较平,所以头顶空间都好正常。
定过抬油-------2010年绅宝93细t - Ryan  - 粤车无数
绅宝93有几副引擎可以拣,两公升TURBO都有几种嘅,但系最常见嘅都系大细TURBO版。咁点样分呢?如果写住2.0T就即系代表用高压turbo,写住2.0t就用低压turbo,连涡轮机都唔同嘅,虽然都系TD04系列,但系大T系用TD04-14K,细t系用TD04-11TK。比如呢部93,最大马力175匹,但系扭力有26公斤米。呢个引擎编号系B207L,但系如果斋睇绅宝引擎族谱你系见唔到距嘅,因为呢个引擎最初系叫做Z20NET,系比欧宝威达用嘅,大家都系属于通用LK9系列引擎。讲翻呢部车,其实都好易上手,你可以当距系欧宝威达咁样揸法,只不过93矮D同阔D,可以去得尽D,但系其实由你着车果下开始,就算你明知距地系共用引擎,你都会觉得装系93上面系狼D,因为排气声沉实好多,威达稍为干D,可能大家客路唔同,所以威达调教到好静。93就唔同,入D档唔踩油等距溜出去转第一个弯出路口,你会有少少揸紧宝马嘅错觉,坐得低,腰线低,封油太,又系两圈半太,行过D石仔又系震震地,但系出到直路之后,真系就算325i都未必可以话追就追。呢个低压turbo引擎唔算太低转数发力,行街系好懒嘅,一般都要谷到贴住3000转,最明显系时速60公里开始冲到上120公里真系好鬼快。波箱就唔算太顺畅,升档都几明显。作为一部头辘带动嘅车,距都算系另类,首先,头辘唔系咁易叫,叫都系叫一两声就扯住部车去,因为力水唔系话太过劲抽,呢样野又有D似欧宝嘅车,尤其系旧款雅特,又系咁嘅,过弯嘅话93的确系醒D,后辘有细角度转弯功能帮助入弯,但系车尾都唔会典,车架同避震都可以好轻易控制住,就算你特登又扭太又刹车,距都话知你,一样系好定咁继续行。特别提一提只刹车,距起粉好快,但系D力真系好应,飞几转就成只铃黑晒。

 
  评论这张
 
阅读(36)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017