注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

少有六座-------2007年Q7 4.2  

2015-01-26 21:48:02|  分类: 试车日记 |  标签: |举报 |字号 订阅

  下载LOFTER 我的照片书  |
罕有六座-------2007年Q7 4.2 - Ryan  - 粤车无数
 七人车嘅卖点首先一定系空间阔落,不过大部分七人车,座椅编排都系2+2+3,或者2+3+2,问题就系在于坐3个人呢一排,一般都会坐得好亲近,而且坐系中间呢个人会无所事事,咁即系话,一部七人车坐七个人,其中一个要屈就。呢个就系七人车嘅尴尬位,明明系要做一部合家欢嘅车,但系偏偏因为七个位反而唔可以做到更加舒适,咁有乜办法呢?拆走一个位咯,因为只要拆走一个位,就可以有好公平嘅六个座位,而通常呢D每个座位都一样嘅车,都会有一个好好听嘅名-------行政版。奥迪都有出七人车,讲紧嘅就系平时系街度见到嘅Q7,不过Q7其实都有六个座位嘅版本,比如今次介绍呢部。
罕有六座-------2007年Q7 4.2 - Ryan  - 粤车无数
 呢一部Q7系2007年7月份落地,虽然当年奥迪出Q7系为左同宝马X5争饭食,但系Q7好明显大部好多,睇相系睇唔出嘅,但系只要企系距隔离就会发觉距真系好巨型。Q7系奥迪里面嘅编号叫做4L,平台系大众嘅PL71,同平台嘅仲有大众途锐同保时捷卡宴。Q7唔系越野车,距系公路型SUV,尤其系呢部“行政版”,距有齐头唇、侧裙、尾唇同尾翼,如果系越野车就唔会咁搞法嘅,因为接近角同离去角会细左。
罕有六座-------2007年Q7 4.2 - Ryan  - 粤车无数
 除左有扰流零件之外,呢部车系用20寸合金铃,车胎系又阔又薄嘅公路型车胎,全部都系为左外形杀食同高速稳定。好多人都话买德国车要系德国厂装嵌先好,其实咁系无厘头,Q7系斯诺伐克装嵌,唔使用手摸,用眼睇都见到所有罅隙都系好幼细,所有你见到嘅位置都唔会装到甩头甩骨,其实只要QC做得好,部车系边度装嵌根本唔系问题。
罕有六座-------2007年Q7 4.2 - Ryan  - 粤车无数
 开Q7嘅车门要用D力,因为只门铰好紧,司机位只车门系用得最多嘅,所以如果发觉开门闩门有声或者觉得紧,就要加D雪油。Q7嘅内笼同当年嘅A6内笼差唔多,尤其系中控台同马鞍位波棍座,除左内笼同房车差唔多之外,Q7亦都系第一部有侧面盲点报警系统嘅奥迪。
罕有六座-------2007年Q7 4.2 - Ryan  - 粤车无数
 三排凳,前排两张最好坐,调教角度好多,锁匙窿面向你,拧匙着车果下唔系好似挞车,反而有D似挞着一部船。Q7嘅太盘手感同当年嘅A6太盘差唔多,太环直径系大左D,不过有电动调教角度。仪表板都几靓嘅,如果你接受到橙红色嘅话,时速表都几搞野嘅,D字时大时细,而且由零开始,时速80公里之前每一段加10公里,但系80打后就逐段加20公里,两个表之间有个细mon,除左一般行车电脑信息之外呢,距有胎压监测,连车身升降都有逐级显示。中控台上面呢个就系奥迪MMI系统嘅屏幕,可以显示导航、音响信息、车辆设定资料,而且呢个屏幕系可以熄嘅。中间冷气出风口下面系吞碟式6碟CD机,音响系BOSE Surround sound,全车9只喇叭,下面系双区冷气控制,而且有ECON悭油模式。
罕有六座-------2007年Q7 4.2 - Ryan  - 粤车无数
 波棍座隔离都有好多制,比如两边都有12伏电用,加埋点烟器,即系前排已经有三个12伏电源,波棍座后面有音响大细声同MMI扭制,扭制周围系快捷键,比如导航、信息、车辆信息、车辆设定、电台、多媒体、电话。扶手集成左杯架,扶手下面收埋一个“奥迪牌”无线电话,不过张电话卡要插系储物盒里面。副驾驶位储物箱都有机关嘅,里面可以制冷,仲一个可以固定签字笔嘅笔架。
罕有六座-------2007年Q7 4.2 - Ryan  - 粤车无数
 三排凳里面,第二排系第二好坐,可以手动调教凳背角度,中间系扶手而且有储物盒同杯架,储物盒里面有个MMI嘅遥控,前面系双区恒温冷气,而且又有两个12伏电源可以用。B柱位有冷气出风口,两只后门窗都有窗帘。第三排当年系要加钱装嘅,可以折埋做全平地台,反出黎两张凳可以坐细路,而且呢部Q7有天幕顶,由前排一路去到第三排头顶。
罕有六座-------2007年Q7 4.2 - Ryan  - 粤车无数
呢部车用左一副4.2升V8自然吸气引擎,最大马力有350匹,而最大扭力有43公斤米,波箱用6前速自动波,有加减波功能。引擎用左孖吸入风设计,有直喷又有FSI分层燃烧技术,压缩比去到12.5比1,所以最好加98油。呢部车超过两吨,所以就算有43公斤米扭力,起步果下都系唔识冲出去,要等,引擎出力集中系中低转,所以4000转打后就要靠马力黎扯,波箱反应都几快下,一路踩踩到去4000左右会歇一歇,跟住又好似有第二个力出黎帮手继续冲,冲到红区之前距自己升档,都几爽架。Q7过弯唔算好醒目,尤其系急弯,部车会摇下摇下,就算就黎出弯,距都仲要摇下先,所以就算有直路,都唔系话一出弯就可以笃油,不过呢部车装左电子避震,可以升降车身,如果降到最低,部车系无咁摇,但系避震都系偏淋,再加上太盘无乜路感,同当年A6有九成相似,唯一唔同系呢个太盘大D,所以仲更加轻手,而且呢部大牛龟都好易上手,系市区兜来兜去其实几轻松,因为部车真系几好力,而且我发觉渣部Q7出街,隔离好少有车埋身。
罕有六座-------2007年Q7 4.2 - Ryan  - 粤车无数
见到有“Quattro”牌仔,就唔可以唔讲下奥迪四驱。呢部车系全时四驱车,用左托森中差,为左尽量抵消重磅车身嘅惯性,Q7用左修改过嘅前后双摇臂悬挂,虽然系咁,但系Q7一样有四驱车嘅缺点,就系唔够太,打太打好多,头辘都系摆少少,另外,呢部车用左275/45 R20嘅车胎,所以系无咁灵活,而且又会大食D,因为呢部车一升油都系行5公里左右,如果换翻细一两个码嘅胎铃,虽然无咁型仔,但系油费会悭翻D。

 
  评论这张
 
阅读(182)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017