注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

子弹快车-----2008年丰田Previa 3.5  

2015-01-18 18:01:53|  分类: 试车日记 |  标签: |举报 |字号 订阅

  下载LOFTER 我的照片书  |
七人跑车-----2008年丰田子弹头3.5 - Ryan  - 粤车无数
SUV有两种,一种系“公路型”,而另一种系“唔系路型”,宜家大部分人揸紧嘅都系“公路型”SUV,呢一种车一般都系头辘带动,有D有四驱,底盘升高少少预你行烂路,大部分得五个位,有D有七个位,但系第三排好难长时间坐得舒服,甚至一上车已经想落车,所以如果想买市区代步嘅七人车,拣部中型MPV会实用过中型SUV多多声,起码MPV唔使好似SUV咁要爬上车,而且一般系头辘带动,易控制又无咁大食,最重要系空间利用率好高,绝对系车界难得一见嘅“三房两厅”设计,咁当然啦,宜家玩SUV算系半个潮人,揸MPV出街就似司机多D。MPV全称系Multi-Purpose Vehicle,即系多用途车咁解,所以今次就介绍一架广东人最熟嘅MPV------------“子弹头”。
七人跑车-----2008年丰田子弹头3.5 - Ryan  - 粤车无数
呢一部系2008年1月份落地嘅“子弹头”,距真名叫做丰田Previa,除左“子弹头”之外,亦都有人叫距做“大霸王”,“大霸王”呢个名要去翻90年代,因为当时除左有水货"大霸王"之外,仲有一部“小霸王”Liteace。至于丰田Previa,宜家就唔可以咁叫距喇,因为真正嘅“大霸王”Alphard丰田牛肺已经入左中国,所以只能够用翻“子弹头“呢个名。Previa一直都系用子弹火车嘅车头设计,就算改款或者出新款,都只不过系执头执尾,比如呢一部咁,圆碌碌可以减低风阻,头冚同挡风玻璃基本上系成一直线,呢D都系低风阻设计,中网同两边雀仔型车头灯系连埋一齐嘅,头灯里面有透镜,有氙气灯,识得转弯,泵把有雾灯,有头灯清洗喷嘴,有车头距离感应器,两边侧镜有转弯灯。
七人跑车-----2008年丰田子弹头3.5 - Ryan  - 粤车无数
为左再减低风阻,呢部车个车顶吴系平嘅,由中排车顶去到尾翼,距系有小小向下斜,当然距唔会斜得好犀利。另外呢部车ABCD四条窗柱位都系黑色,离远睇车顶好似浮起咁,所以亦都有人叫呢种做”太空车“。尾翼比较大只,刹车灯都装系里面,车尾灯系一幅过设计,同头灯差唔多,不过尾泵把就突出少少,如果后面有车嘴埋黎,可能会伤到只尾门。
七人跑车-----2008年丰田子弹头3.5 - Ryan  - 粤车无数
 虽然车门大大只,但系无论开门定闩门都系好轻手,如果第一次开呢种车,个感觉都几新奇,首先系坐姿,呢两张凳对于偏瘦嘅人黎讲,无乜包围力,有D似我办公室果张,而且皮料好跣,凳面无开窿又无通风,夏天估计会好热。手枕系装系张凳度,所以同隔离位无冲突,太盘嘅尺寸对于呢种车黎讲岩岩好,因为揸呢D车本来就系可以好”hea“。头顶空间对于我来讲系奢侈,视野都几好,望出去感觉上系坐得几高,周围都好通透,而且右前辘嘅盲区又无SUV咁大,如果长期系市区里面行,可以考虑下装翻只沙板镜。
七人跑车-----2008年丰田子弹头3.5 - Ryan  - 粤车无数
 叫得做”多用途车“,咁呢部车嘅装备肯定系唔输蚀。首先太盘上面有好多制,左边主要系音响大细声、拣歌拣电台同设定,右边主要系电话同语音功能,后面有定速控制。仪表板装系中控台上面偏中间位置,除左黑底白字同红色指针之外,每一圈都加左层蓝色光上去,时钟同档位显示都有。太盘前面系一个储物盒,储物盒下面系大灯清洗同侧镜控制,仲有AFS转弯照明辅助嘅开关,再下面仲有一个柜桶仔。中控台有一个好旧款嘅屏幕,唔系好衬中控台造型,冷气有空气净化功能,前排嘅冷气出风口系唔同色嘅,中间系黑色,两边系白色,中间冷气出风口下面就系波棍同冷气控制,冷气控制下面有伸缩杯架,再下面就系烟灰缸、点烟器同前排加热。天窗控制开关周围仲有机关,前面有个盒,反出黎系一个球面镜,可以睇到所有乘客,天窗开关隔离有三粒制可以控制电尾门同两边电趟门,呢三只电动门亦都可以用车匙遥控。副驾驶位有两个储物盒,而两张前座之间仲有一个储物箱,呢个储物箱可以拆走,咁就可以系前排行去中排。
七人跑车-----2008年丰田子弹头3.5 - Ryan  - 粤车无数
两边电趟门可以用车门拉手控制,拉一下跟住缩手,只门就识得慢慢趟开,非常之型。入去呢个第二排同入房车第二排唔同,一般房车都系要捐入去,而呢部车系行入去,坐稳之后,再拉一下车门只拉手,只门又试好型咁慢慢闩翻。中排系”子弹头“一个好劲嘅卖点,低地台而且中间无凸起,有双天窗,再加埋高楼底同睇野范围大,感觉上已经好开扬,两个天窗中间有吸顶DVD,侧门上面有射灯同冷气出风口。中排呢两张独立凳同前排一样咁好坐,侧面有几个开关,可以前后移,可以训低,仲可以系凳底伸个脚垫出黎,因为张凳可以移黎移去,所以安全带都系装系张凳度。第三排如果唔坐人可以折埋收入地底,咁就有个大尾箱。如果第三排要坐人,就要将第二排移前少少,反正中排大把脚位,后排有杯架有冷气出风口仲有12伏电可以用,岩晒低头族。
七人跑车-----2008年丰田子弹头3.5 - Ryan  - 粤车无数
呢部车用左一副编号2GR-FE嘅3.5升V6自然吸气引擎,最大马力有275匹,最大扭力系33公斤米,头辘带动。呢个其实系丰田佳美嘅引擎,V6嘅佳美其实好出名嘅,不过由上两代开始已经无行货V6佳美卖,再加上佳美嘅兄弟“凯美瑞”国产,所以更加少人去订水货佳美。呢一部“子弹头”差唔多两吨重,所以就算有33公斤米扭力,都只不过系刚刚好,起步唔会冲出去,但系绝对唔算慢,而且部车快得黎好静。虽然系大扭力头辘车,不过车胎都唔会点打滑,而且部车好定,行佛山一环D大弯都唔觉得部车会摇,侧风影响都好轻微,风声基本无,引擎声都无乜,最嘈就系车胎,而且呢部车行过D路面接驳位,距唔系逐只车辘跳起,而系成部车一齐浮起,感觉上似一只船遇岩有浪咁,但系只要遇岩D好靓嘅路面,一脚油督落去真系话过就过。除左加速有小小惊喜之外,开呢D车其实无乜兴奋感,冷气又静又冻,部车又静,听下歌望下风景一阵就翻到车行,完全唔觉得系过左一个钟。
七人跑车-----2008年丰田子弹头3.5 - Ryan  - 粤车无数
最后再讲下呢部车嘅耗油量,呢部车大约一升油行7公里左右,唔算太夸张。为左悭油同减低车胎接地嘅噪音,呢部车居然用左一条215/55 R17嘅车胎,所以就算部车咁重,打太调头都系觉得好轻手,当然同距用电子太都有关,如果成日飞长途,换翻阔少少车胎会好D,因为呢部车避震好淋,如果前面突然间有车插入黎,一扭太部车就会侧,部车一侧,再加埋部车嘅惯性,,自自然然有一边车辘无咁食地。唔好以为有开防滑就得,因为防滑系统主要系收油或者刹车,一定系要车胎够食地先可以用到,如果车胎唔食地甚至离地,乜嘢电子系统都无用。
  评论这张
 
阅读(263)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017