注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

心机野--------2007年富豪XC90 3.2  

2015-01-10 15:44:53|  分类: 试车日记 |  标签: |举报 |字号 订阅

  下载LOFTER 我的照片书  |
认真无敌--------2007年富豪XC90 3.2 - Ryan  - 粤车无数
想了解一个人,你望下距揸咩车就可以大致知道几成,但系由于宜家嘅人越黎越无性格,所以D车都越黎越无个性。无可否认,宜家揸部SUV出街的确几型,SUV全称系Sport Utility Vehicle,直译即系“运动型多用途车”,但其实大部分人揸紧嘅都无资格叫做SUV,唔够运动,唔够多用途,顶多只能够话距系一部升高左底盘嘅车。SUV虽然系美国兴起,不过整车除左讲文化之外,态度同实力都好重要,所以宜家一流嘅SUV并唔系全部都系美国货,所以今次介绍一架瑞典SUV,呢部车除左系正统SUV之外,仲系一架要车主衬翻转头嘅车。个个都话要揸SUV,系时候啉下,以你今时今日嘅生活态度揸架SUV,到底系有型左定系反而唔够部车有型。
认真无敌--------2007年富豪XC90 3.2 - Ryan  - 粤车无数
 呢部系2007年11月份落地嘅富豪XC90,最初系系2002年10月份出现,距系富豪车厂第一部SUV,而且系2003年已经引入中国,算系几快动作。初期上市嘅XC90,引擎得2.9T涡轮增压版同4.4升V8自然吸气版,之后再追加3.2升V6自然吸气版同2.5T涡轮增压版。XC90嘅外形算系几温柔,部车感觉上好冷静,起码唔会吓亲人,又唔会觉得太过土豪。中网系垂直嘅,头冚都有刻意加高,所以两边会有凸起嘅骨位,车头灯感觉好乖,有大灯清洗喷嘴。头泵把系双色嘅,下面果层系防刮胶,雾灯都系嵌系里面。同级嘅车一般都会系周围捆晒黑边突出crossover形象,但系XC90嘅沙板眉依然系车身同色,而且呢部车装嵌工艺都好顶级。富豪嘅车,侧面条腰线系立体嘅,门板突出玻璃几寸,感觉相当之厚实。
认真无敌--------2007年富豪XC90 3.2 - Ryan  - 粤车无数
 尾灯其实都系跟翻富豪房车,不过因为部车高身,所以尾灯仲有一截系向上发展。XC90嘅尾门系分上下两截打开,就算车尾好贴墙边,都可以开到尾门。呢部车原装系无门边脚踏嘅,车主后尾自己去加装,上落车方便D。另外要提一提,呢部车系无贴玻璃纸嘅,原装跟车翻黎已经用左双层隔音玻璃。另外,XC90有个设计好超前,虽然部车高身,但系设计车身果阵将吸能盒装到好低,如果距同一部矮车面对面撞,两部车嘅吸能盒都有用,对于矮车黎讲安全D,因为唔会一撞就比人骑上去,对于XC90又系安全D,唔会一撞就骑住人,因为如果头辘离地加埋惯性,部车可能会反,所以对于车黎讲,任何时候都系四个车辘店地最安全。
认真无敌--------2007年富豪XC90 3.2 - Ryan  - 粤车无数
XC90嘅车门虽然大只,但系无论关门定开门,手感同同厂S80嘅车门系有分别。富豪整XC90嘅时候,特别将中控台移去前面,所以前排嘅空间感系大过富豪嘅房车小小。XC90嘅内笼设计偏简单,所有制都系好就手,比如门边嘅窗制仲有中控台都系斜嘅,对于司机黎讲,咁样设计会易睇D。虽然系贵价车,但系用料好似无同级对手咁靓,内笼系浅色为主,好容易邋遢。仪表板虽然系简单四个圈设计,由左到右系水温、时速、转速、油表,但系每个圈下面都有独立液晶显示,比如水温表下面可以显示平均时速,时速表下面可以显示里程,转速表下面可以显示档位、时间同温度,油表下面系将一般嘅故障灯集合埋一齐,手刹就用左类似旧款BENZ嘅手抽式设计,太环偏粗,而且好重手,三九点有快捷键,主要系控制定速同音响大细声。
认真无敌--------2007年富豪XC90 3.2 - Ryan  - 粤车无数
呢两张前座都系电动调教,有三段记忆功能,不过腰垫就要靠扭制,唔系好好用。中控台主要都控制冷气、电话同音响,先讲下呢个自己升降嘅显示屏,非常之慢动作,冷气控制就依然用翻富豪车厂最中意嘅人形公仔,而且有空气净化功能。两张凳中间呢个马鞍位系向前斜嘅,波箱用左五前速自动波,有模拟手波功能,向前推系升档,向后拉系降档。波棍座后面系两个杯架,杯架后面有一个超薄型有线电话,手枕偏后,手枕下面系储物格。特别讲下冷气控制下面仲有一个叫做BLIS嘅制,呢个BLIS全称系Blind Spot Information System,直译就系“盲点信息系统”,两边侧镜下面有感应器,如果侧面盲区有车,A柱会有盏灯着提醒你如果想变线就要小心D,对于呢D高身嘅车黎讲,好实用。
认真无敌--------2007年富豪XC90 3.2 - Ryan  - 粤车无数
你见到头枕咁古怪,就知道呢个就系防chok颈头枕,如果后面有车撞上黎,你条颈会惯性向后chok,呢个时候头枕会向前压抵消呢个惯性。中排空间唔算好阔落,杯架收埋系前面两张凳之间,B柱位有冷气出风口,不过成张沙发可以前后移,如果第三排唔坐人,就移后D,如果第三排坐人或者运货,就移前D,中排可以4/2/4拍低,C柱位上面有独立音响控制。第三排其实可以坐大人,而且有独立冷气出风口同耳机插口,坐姿都算正常唔算太阴功,不过只脚要队去中排下面,而且无乜位移动。除左第二第三排可以折之外,连副驾驶位都系可以折埋嘅。
认真无敌--------2007年富豪XC90 3.2 - Ryan  - 粤车无数
 呢部车用左一副编号B6324S嘅3.2升V6引擎,最大马力系238匹,最大扭力系31.5公斤米。呢部车无论着车定系低速行都好静,隔音好好,而且呢个V6机调教都好好,虽然部车重,但系D力系中低转已经好够,吴觉得引擎辛苦,甚至要高转都有小小可以比到你,呢样我非常欣赏。成部车最嘈就系车胎,风声都好细微,波箱反应都唔算慢,而且D力好平均,无乜推背感,但系唔觉得部车慢。呢部车可以望到车头冚,所以你会觉得车头好阔,转弯要留意睇下够唔够过,而且太盘虚位好少,仲有就系转向助力系跟车速调教嘅,熟悉左之后就可以揸得好顺,刹车都好正常,唔会觉得唔够收。呢部车用左硬避震,行烂路有时会跳下跳下,但系行D靓路就好定,高速过弯都好有信心,部车唔会好侧,同级好少有咁嘅水准。
认真无敌--------2007年富豪XC90 3.2 - Ryan  - 粤车无数
XC90系AWD车,AWD即系“全轮驱动”咁解,呢样野同普通4WD有D唔同。首先,XC90嘅四驱系同同乡Haldex公司一齐研究出黎嘅,设定非常之电子化,平时前后轴系行95:5比例,即系偏前驱,但系如果探测到打滑或者知道部车要上落坡,就会自动将比例系95:5至到35:65之间变来变去。除左呢D,距仲有一个自创嘅防反车程式,如果感应器探测到部车侧过头,就会收油同自动分配四只车辘嘅动力,而且仲会探测太盘角度同你踩油踩刹车嘅程度来决定点控制部车为之最安全,所以呢部车其实无乜驾驶感,因为好多时都系隔左一重电子科技,你可以开呢部车开到好快,但系唔代表你手车系坚。
 
 

  评论这张
 
阅读(196)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017