注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

另类波鞋-------2008年GOLF GTI MK5  

2014-08-07 14:38:07|  分类: 试车日记 |  标签: |举报 |字号 订阅

  下载LOFTER 我的照片书  |
开心有价-------2008年GOLF GTI MK5 - Ryan  - 粤车无数
 如果系90年代,当然系跑车最型,但系到左今时今日,就系跑房车嘅世界。跑房车其实都属于房车,只不过加入左好多跑车嘅元素,可能系一个好好力嘅引擎,亦都可能系一个精心调校嘅底盘。跑房车又分两种,一种系有头有尾嘅三厢款式,而另一种就系五门揭背款式。今次为大家介绍嘅第五代GOLF GTI,就属于德国揭背车里面嘅代表作,呢类车吴系靠样稳食,而系比你专注驾驶嘅基本,但系运动神经又吴及意大利同法国出果D,反而性质有小小似教练车,就算你识得开车都会为左挑战距而重新学习。
开心有价-------2008年GOLF GTI MK5 - Ryan  - 粤车无数
呢个车头其实好常见,因为国产嘅旧款大众速腾房车就系用左类似嘅设计。高尔夫出左咁多代,车头都系偏可爱,你完全吴会觉得距系一架辣车,甚至觉得距好好虾。本来蜂巢款式嘅中网同泵把风口系好有跑车味嘅,无奈宜家好多车都有,所以亦都吴会觉得新奇。最杀食就系呢套战斧合金铃,圆碌碌嘅车身同距真系衬到绝,呢一代GTI之前系佛山车城有得卖,当年卖到四十四万八千。
开心有价-------2008年GOLF GTI MK5 - Ryan  - 粤车无数
 车头系漫画风格,车尾就好德国,但系成部车就似只波鞋。高尔夫一路都有个传统,就系C柱好巨型,而其实呢样都系设计之一,因为两厢设计嘅车,如果C柱太窄就会显得无车尾,C柱加阔就等于话比人听,呢部车系有车尾嘅。德国小型跑房车仲有一个特点,就系好中意用单边双出嘅喉嘴设计,斯斯文文但系又话比人知距与众不同。
开心有价-------2008年GOLF GTI MK5 - Ryan  - 粤车无数
 入到内笼呢,你系吴会觉得距似四十几万嘅车,事关当年十几万嘅波罗仔都有距九成功力,无论门板、仪表板、中控台,都系好普通嘅设计,但系手工同装嵌就好细致,跑车味重嘅设计都有,比如平底GTI太盘,上面又有快捷键,呢个太盘手感其实几硬嘅,虽然三九点都有设计握手位,但系凹位好浅,同埋呢个太盘有D紧,真正开起身,同波罗仔果个都几似。除左太盘造型似跑车,呢个六速DSG波箱都系一个卖点,波棍座前面得两粒制,一个系ESP OFF,一个系胎压监测,但系隔离仲有一排预留嘅空位,应该系可以加钱装其他电子装置。另外仲有两张特别加阔嘅前座皮凳,两边蝴蝶翼系加大嘅,呢张凳仲要出奇地软熟,甚至仲软过帕萨特果张,真系难以理解。
开心有价-------2008年GOLF GTI MK5 - Ryan  - 粤车无数
 后排虽然细,但系就交足功课,虽然皮凳都系偏软熟,不过坐垫就整到好凹,坐落去两边好似夹住咁,椅背都系类似设计,一格格咁摸落都几舒服,后排一共有三个位,三个都有自己嘅头枕,中间呢个仲特别巨型。后排有冷气出风口,不过中间呢个位有D高,最好都系坐两个人,中间可以反个手枕出黎。
开心有价-------2008年GOLF GTI MK5 - Ryan  - 粤车无数
呢部车用左一副2000ccTURBO引擎,大众车迷应该都非常熟悉,200匹马力,大约28公斤米扭力,波箱系六前速DSG双离合。引擎的确好力,行街好够用,就算三档四档都仲大把货系手,超车爬头绝对无问题,反而车尾就比较呆D,入弯出弯车尾都系跟住车头去,吴识得自己走位。最大问题反而系呢个高科技嘅波箱,呢个波箱属于早期嘅产品,转波反应算系快,但系推拉设计有D问题,距系向前推升档,向后拉降档,如果调转会好D,另外呢部车最大问题系塞车嘅时候,成日好似想死火咁,个波箱明显系N档、1档之间跳来跳去,间中出现一次其实都几过瘾嘅,有D似手波车缩离合缩得快,不过长期系咁CHOK下CHOK下,都几烦。另外呢部车换左RE11嘅车胎,成部车就吴同晒。RE11算系街胎,胎面几淋,排水坑都几深,估计落雨都应该问题不大,不过都要知道提早收车。其实行干地,车胎系吴需要花纹嘅,所以你见专业赛车行干地或者跑计时比赛都系用光头胎,有花纹嘅车胎主要系行湿地先要用,一条靓嘅车胎,对于一部头辘车来讲实在太重要。
开心有价-------2008年GOLF GTI MK5 - Ryan  - 粤车无数
临出发试车之前都有人睇紧呢部车,有D问呢部波罗仔使吴使五万蚊,有D行埋黎讲左句“两厢速腾”就走左了。另外仲有一个问题,你有无发觉,宜家强到好似M3咁嘅癫车都话几悭几悭,但系就从来无人话过GTI悭油,一般呢个size嘅车油耗都系行紧7到8之间,不过呢部就过12,又要加95,所以D油都去得几快架,因为呢D就系正版嘅hot hatch。系街时不时都会见到有人渣住架GTI渣到好似POLO咁,其实买得呢D车就应该有属于距嘅渣法,尤其系系市区,坦白D讲揭背跑房车嘅存在价值就系好敏捷咁插来插去,系保证安全嘅前提之下,谷到距尽。
 
  评论这张
 
阅读(426)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017