注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

估你唔到--------2005年波子Cayenne S  

2014-08-26 17:46:57|  分类: 试车日记 |  标签: |举报 |字号 订阅

  下载LOFTER 我的照片书  |
估你唔到--------2005年波子Cayenne S - Ryan  - 粤车无数
人人都知道波子车厂整跑车犀利,无论系传奇嘅911系列定系入门嘅Boxster系列,一样有姿势有实际。跑车劲但系吴代表岩所有人要求,所以为左吸金,波子厂系2002年推出左一部叫做Cayenne嘅车,呢部系一部大码SUV,当时好多人都怀疑波子厂痴左线,因为好多人心目中都会觉得牛龟咁大部车点会有波子嘅轻盈跑车质感,而且当时Cayenne个样又怪怪地,好多外国嘅杂志都曾经笑过距,话距系21世纪最样衰嘅SUV。虽然外型系丑怪D,但系就无人弹过距嘅行车表现,因为波子厂用高科技令到呢部车行起身吴似一架SUV。今次为大家介绍嘅,系一部2005年落地嘅Cayenne S。
估你唔到--------2005年波子Cayenne S - Ryan  - 粤车无数
 Cayenne系西班牙文里面系“辣椒”咁解,用系呢部车上面其实都几岩嘅,因为距圆碌碌,车身有比较修长,车头又比较尖。因为系波子厂第一次整SUV,之前都系整惯跑车未试过整大笨象,点样可以令到人一眼认得出距系一架波子呢?波子车厂最传奇嘅莫过于911,不如试下将911盏车头灯放上去试下吖,问题系如果咁大部车用两盏圆灯未免太滑稽喇,不如试下当时编号996嘅911车头灯吖,又几盏鬼又吴会令人反感,宜家车头灯有喇,不如连头泵把都装埋上去吖,吴够厚喔,加厚距咯,得左,仲搞到双色添。
估你唔到--------2005年波子Cayenne S - Ryan  - 粤车无数
Cayenne另外一个好波子味嘅地方就系车尾,个个都认得911系列有个大pat pat,尾辘已经抛离驾驶室好远,所以911先会比人叫做田鸡。为左继续保持波子传统,Cayenne照跟,然之后装一对非常之德国味嘅类三角型尾灯,最后再系尾玻璃上面痴一只尾翼,礼成。
估你唔到--------2005年波子Cayenne S - Ryan  - 粤车无数
 作为一部豪华嘅大码SUV,空间感就吴可以太压迫。呢部Cayenne S超过1米9阔,大概系1米7左右高,得两排座椅。前排驾驶位有记忆功能,调节范围都几大,无论你系一个东方人定系一个西人,要调岩坐姿吴难。
估你唔到--------2005年波子Cayenne S - Ryan  - 粤车无数
 Cayenne S嘅司机位算几阔,同波子跑车一个天一个地,不过跑车系要讲驾驶感同安全感,包实个司机的确系会更加好,比如早期嘅BENZ SL系列,部车好巨型,但系内笼都系整到又窄又剩,目的都系想咁。SUV就吴同,就算几好飞,都要保持一个轻松嘅环境,可能亦都有人投诉过波子跑车嘅室内空间,所以Cayenne就改进左。呢部车个仪表板几新奇嘅,望落系两个圈,但系为左波子仪表板吴系三圈就系五圈嘅传统,距系中间呢个MON仔度加多一个圈,另外仲有锁匙窿,左太嘅波子锁匙窿系左手边,如果右太就系右手边。中控台就几复杂下,虽然都系冷气音响为主,但系D制就好多花臣,噤嘅拧嘅推嘅拉嘅乜都有,呢部车用左一个有加减波功能嘅自动波,但系由于系早期嘅版本,所以太盘嘅转波控制都系噤,非常之反人类。波棍两边有两支真皮包住嘅三角型扶手,之后就系避震控制,如果系公路行驶,设置自动就得喇。
估你唔到--------2005年波子Cayenne S - Ryan  - 粤车无数
 副驾驶位都系可以多角度调教,不过就无左记忆功能,特别提一提呢部车,虽然系波子,但系我见到距有支宝马LOGO嘅真皮护理喷雾,后尾我再问翻之前一齐玩3系嘅朋友,距话的确系有呢支野卖,主要系用来去皱纹同防止真皮硬化,呢部Cayenne S就快10岁,睇来功效都好显著。
估你唔到--------2005年波子Cayenne S - Ryan  - 粤车无数
 虽然部车好阔身,但系讲到后排嘅空间,最深印象都系冷气够冻,而且系独立调教,连B柱位都有出风口。脚位算系松动,但系如果坐三个大人,内笼就吴系几够阔。呢部车行起身都几静嘅,座椅吴算包身,甚至有D滑,虽然都几接近后辘,但系弹跳吴会好突然,相信都系电子避震嘅功劳。
估你唔到--------2005年波子Cayenne S - Ryan  - 粤车无数
 咁大部车得两排座椅,自然会有个大尾箱,隔板可以拆走,第二排都可以四六分拍低,最紧要系呢个尾箱无乜三尖八角位。
估你唔到--------2005年波子Cayenne S - Ryan  - 粤车无数
 第一代嘅Cayenne有几个版本,最先出就系呢部Cayenne S,跟住就到Cayenne Turbo,后尾就追加左一款Cayenne V6。呢部Cayenne S用左一副4.5升V8自然吸气引擎,最大马力340匹。呢架车渣落其实就好似一架中型房车咁,着车果下系好纯正嘅V8低沉声,中低转踩油都仲系好沉,但系一过左中段就觉得距有小小躁狂,好明显会听到“Gu.......Lu.........”呢D声,令到人觉得大把货系手,虽然部车都吴轻,但系因为扭力够,要超车爬头都好简单,甚至觉得部车几轻盈,绝对吴会觉得距蠢蠢钝钝。呢部车嘅电子避震其中一个功能就系部车行得快识得自己降低车身,而且行过D烂路吸震反应都好好,呢套避震系波子特别为呢架车造嘅,自己会根据路面情况调教,你又可以自己去设置。车身够晒硬净,但系又吴会太跳,有跑车嘅声线,又有房车咁舒服,系就系人人都知道距系一架贵野,但系外形又吴算话太过土豪,SUV来讲都真系几难得。不过咁喔,骑住只V8嘅马爽系几爽喇,但系距D油都几得架,咁梗系啦,你要咁嘅享受就当然要比翻咁嘅钱。
估你唔到--------2005年波子Cayenne S - Ryan  - 粤车无数
呢部车当年新车超过130万,好多人会稳距同揽胜比较,如果讲爬山能力同装备,揽胜系高班D,不过如果讲到公路表现,就系Cayenne S赢。由于波子厂同大众嘅关系,好多人会觉得距嘅四驱系统由大众或者奥迪提供,呢部车嘅四驱系统同一般嘅电控四驱有D吴同,距中间果个差速器系有锁嘅,而且可以设定公路、全时四驱锁定同越野三个模式。如果系默认嘅自动模式,动力分配比例系前38后62,偏尾辘车感觉。如果有车辘行行下打滑,电脑就会重新分四个辘嘅动力。至于越野性能,其实呢部车都有翻咁上下,距可以调教6级离地距,车头接近角度都吴细,如果换翻D爬山用嘅车胎,大部分烂路或者水氹距都可以应付到。
 
  评论这张
 
阅读(365)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017