注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

所谓“神车”-------2010国产大众高尔夫GTI  

2014-07-28 13:14:15|  分类: 试车日记 |  标签: |举报 |字号 订阅

  下载LOFTER 我的照片书  |
所谓“神车”-------2010国产大众高尔夫GTI - Ryan  - 粤车无数
 想知道宜家D人有几浮躁?听下距地讲野就知,所以你时不时会听到乜嘢“学神”、“学霸”,见到靓女会叫距做“女神”,见到型仔会叫距做“男神”,好自然,见到D出位小小嘅车会叫距做“神车”。我第一次听“神车”,系高尔夫GTI国产之后,跟住“神车”呢个朵就未停过喇。去到二手车行,凡系有部GTI睇门口嘅二手佬都系“神车”“神车”咁叫距,吴知内情嘅人一听可能都会以为部车系坏嘅,“神”吖嘛。无可否认,当年GTI国产,仲将价钱拉低到2字头,对于好多中意德国子弹嘅人来讲系几吸引嘅,之但系呢架GTI,又吴系纯种GTI,事关国产之后无手波,胎铃缩水,虽然有XDS电子差速但系就无左DCC避震,所以即使价钱平左,并吴系咁多行内人士睇好。不过大众似乎吴介意,因为呢部中国特色嘅GTI系卖比中国特色车迷,所以有无我头先讲果D都无所谓,因为距地觉得以宜家嘅装备已经可以应付,中意就买,吴中意就吴买,反正无论你中吴中意,都一样大把人买。
所谓“神车”-------2010国产大众高尔夫GTI - Ryan  - 粤车无数
高尔夫系国产合资车里面算系几有地位,尤其系第四代,个样够乖,用料又够扎实,维修保养又容易,所以高尔夫之所红系有距嘅理由。黎到第六代,GTI虽然系一架辣车,但系就似乎吴想人知道距有几劲,所以一路以来无论GTI又好、甚至R20都好,同普通嘅高尔夫外形系差吴多嘅。有无分别?有,但系吴算好大分别,比如呢个头泵把,雾灯隔离有个假嘅入风口,侧裙就加左小小包边,两边侧镜有转弯灯,所以国内好多买左普通高尔夫家庭车嘅人士都可以改到好似GTI咁嘅外形,甚至R20嘅外形都得。
所谓“神车”-------2010国产大众高尔夫GTI - Ryan  - 粤车无数
除左车头似宅男,高尔夫嘅车尾都系无乜特别,呢一代GTI用左双边单出尾喉设计,尾泵把下面仲有一件扰流器。你话距吴新,距又真系靓过第四代好多,你话距新,你睇下2010年打后出果D车,真系要几型有几型,呢只GTI拍埋去,赢都系赢德国味,输就输人情味。但系如果睇翻高尔夫嘅历史,距又真系逐D逐D咁改小小,但系就万变不离波鞋造型。
所谓“神车”-------2010国产大众高尔夫GTI - Ryan  - 粤车无数
 入到GTI嘅内笼,其实都几闷嘅,基本呢部车系用全黑内笼设计,有D似放大左嘅POLO。有D位会成日用,大众就稳人车左D红线上去,啉住话比人知呢架系高性能车,可惜最有GTI精神嘅暗花格仔布凳吴见左,换左两张土豪最霖嘅真皮凳。GTI嘅太盘吴系圆嘅,下面系平嘅,快捷键就集中系三九点位置,手感都吴算太差。关门之后,门窗控制开关比较接近太盘,呢个设计我都几中意,因为实在好就手。GTI用左地台式油门踏板设计,如果站在赛车角度,呢种设计嘅脚感其实吴够吊脚式真实,不过好多贵价车都系用地台式油门,GTI都算系一部贵价细车。除此之外,呢部车仲有一个好废嘅导航,反应慢仲要不断点你行错路。
所谓“神车”-------2010国产大众高尔夫GTI - Ryan  - 粤车无数
 如果你吴满意普通高尔夫嘅后排脚位空间,咁呢部GTI就更加吴系你杯茶,事关GTI前排两张凳系大D嘅,所以脚位会更加少,另外,呢个后排虽然吴算好企,但系张凳似乎好薄,一行过D减速坡,成个人弹起。比较有惊喜系呢部车有后排冷气出风口,冷气都够冻,岩岩开冷气果下有阵酸缩味。
所谓“神车”-------2010国产大众高尔夫GTI - Ryan  - 粤车无数
 除左胎铃缩水,呢架国产GTI嘅引擎都系。原版GTI系有211匹,国产版系200匹,11匹话大吴大,不过如果有会更加好。大众嘅两公升涡轮增压引擎之所以出名,吴系话有几多匹,而系力量输出嘅特性似大排气量引擎,所以呢只野超车爬头系好简单嘅,大脚油,波箱自自然然会帮你拖低,吴怪之得咁多人买距黎玩零四。呢副引擎其实无话边个转速特别生猛,距一样有涡轮迟滞,只不过时间好短,基本上只要踩过2000转,D力就开始涌出黎,冲到上五六千转都吴肯停,引擎声都几大声下,好似好劲咁。另外,呢部车系用6前速DSG波箱,反应都几快嘅,退档都会帮你补油,如果系D听觉系玩家呢,出街改下尾段,退档果下应该会仲明显。至于入弯,头辘都系会叫,咁当然啦,Eagle F1呢条车胎都好有关系,根本骑吴住28公斤米扭力,吴单只咁,去到D急弯,呢只第六代GTI嘅尾真系好呆,又吴识行出黎帮手入弯,有时仲好似专登拖下你。VAG厂嘅车,虽然有粒制比你关防滑电子系统,但其实系无可能完全关嘅,到呢部车准备出弯,稍为大脚D笃油,头辘又叫喇,根本用吴晒引擎嘅潜力。
所谓“神车”-------2010国产大众高尔夫GTI - Ryan  - 粤车无数
“神车”讲到尾都系车一架,几劲嘅车,都吴可以封自己做“神”,因为呢个世界无最劲,只有更劲。GTI其实系一架好有代表性嘅战车,当年之所以推出,系因为想大部分人负担得起,而且部车有翻咁上下实力,你可以话距系一部原厂改装车,又可以话系高尔夫嘅顶级版,随便你。宜家卖车除左讲样讲科技,好多都会加入其他卖点,有战绩会数战绩,有历史就数历史。比如卖Lancer嘅会搬部EVO出黎衬,卖思域嘅就稳架梯丫佬出黎讲,无错,距地系有关联,但系吴代表距地系同一部车。GTI都系一样,你想大家了解GTI,就应该整架原汁原味嘅出黎,贵系贵D,但起码系坚野,如果你明知系一架流野你都要谷,咁你即系玩野。
 
  评论这张
 
阅读(397)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017