注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

蕉型跑房车----------2008年CLS350  

2014-06-07 13:33:44|  分类: 试车日记 |  标签: |举报 |字号 订阅

  下载LOFTER 我的照片书  |
蕉型房跑车----------2008年CLS350 - Ryan  - 粤车无数
飞车讲求速度感,但系车速有翻咁上下,风阻就会加大,所以好多跑车都会整到好矮,因为将车头拍扁D、削尖D或者谷圆D,都可以减低风阻。跑车车顶无乜平面,通常由挡风玻璃开始一过左侧窗就即刻向下,然之后再将车尾扎起,呢D就系跑车界成日讲嘅流线型设计。以前普遍都会认为一部双门跑车点都会型仔过一部老正四门房车,但系自从出现左四门coupe之后,一样可以俘虏唔少要型又要实用嘅跑车车迷。四门coupe一般都会跟翻同厂同尺寸房车嘅底盘,比如大众嘅帕萨特CC,就系跟帕萨特底盘,又比如BENZ嘅CLA,就系跟新款A仔底盘,不过如果讲到四门coupe嘅开荒牛,就唔可以唔提第一代CLS。
蕉型房跑车----------2008年CLS350 - Ryan  - 粤车无数
CLS嘅概念车版本叫做Vision CLS,最初系2003年出现,而CLS嘅街车版就等到2004年先有得卖,最惊喜就系BENZ厂将当年嘅概念车量产左,呢部车最大嘅意义就系改左之前BENZ嘅设计,因为以前嘅BENZ,无论系房车定跑车都系太过注重气势,反而唔会特别讲求款式。今次为大家介绍嘅CLS系2008年年尾车,有好多新设计,比如L字形车头灯同埋好似改装车咁嘅抛沙板,呢D野系以前嘅BENZ从未出现过嘅,就算到宜家望翻都仲觉得几新鲜。 
蕉型房跑车----------2008年CLS350 - Ryan  - 粤车无数
CLS唔算矮,车身介乎跑车同行政房车之间,呢一代CLS编号系W219,W字头系BENZ里面属于房车阵营,即系话虽然CLS整到好似一部大码跑车,但系并唔属于跑车,再加上距系用当年编号W211嘅E仔底盘,所以严格来讲只不过系一部外形潮D嘅四门房车。CLS嘅腰线由前辘一直拉到去尾灯,侧面望落好修长,尾玻璃同尾箱盖几乎连埋一齐,尾箱盖稍微向下斜,呢D设计系宜家新出嘅跑房车上面都可以稳到。
蕉型房跑车----------2008年CLS350 - Ryan  - 粤车无数
虽然同E仔一样系四只车门,但系CLS嘅车门系无窗框嘅,打开门果阵件玻璃会落少少,关埋门又会升翻少少。入到去会发觉其实距都几有英国味,用左深色木纹去撞米色皮,坐落好軟熟,而且个瓜子型波棍座同旧款积架雪茄XJ好似。太盘同当年嘅CLK跑车差唔多,太环上下有两截木纹饰板,而经常用嘅左右两边就用翻皮料,唔单只太盘似CLK,连仪表板都好似系照搬过来,而且一样系紫紫地,行车电脑设定由太盘嘅快捷键控制,资讯好多不过就用左全英文显示。呢部车虽然有一键挞车制,但系都要插匙,距粒挞车制整左系波棍头上面,睇落好似D飞机发射导弹咁,但其实会好容易店到跟住熄车。
蕉型房跑车----------2008年CLS350 - Ryan  - 粤车无数
CLS嘅车门边有件反光嘅垫片,所有BENZ跑车嘅无窗框车门都会有呢件野,虽然用无窗框嘅车门设计,不过CLS嘅隔音都唔差,甚至仲好过E仔,可能因为挡风玻璃斜D部车又矮D,门边胶边又厚D。CLS着车同CLK都好似,一样会左右左右咁震,预先设定嘅记忆凳会自己移来移去,视线都同CLK差唔多,虽然望唔到车头,但系视线好明显系向下嘅。另外要特别提一提前座中间嘅手枕,无论点样调张凳都一样可以枕到,而且距系向下斜,只手好自然店到支波棍。
蕉型房跑车----------2008年CLS350 - Ryan  - 粤车无数
有四只车门无非都系想上落方便D,好多四门车都有五个位,如果系后辘驱动嘅车,中间要行传动轴,地下自自然然要突起一旧野,所以中间呢个位反而唔实用。CLS总共得四个位,一人一只门,中间用左黎做储物格,又有杯架又有12V电用,后排有独立调教温度嘅冷气出风口,而且后排头枕可以拍低,倒车嘅时候唔会太遮住视线,所以如果讲好坐,CLS未必会输比E仔,如果唔系头顶空间局促D,脚位少D,CLS一样可以做行政房车。
蕉型房跑车----------2008年CLS350 - Ryan  - 粤车无数
CLS350用左一副272匹3.5升V6自然吸气汽油引擎,扭力有36公斤米,波箱系七速自动波有加减。BENZ波箱就好简单嘅姐,尤其系呢个早期嘅七速,C/S即系有两种模式,C系舒适,S系运动,同早期嘅BENZ加减波一样,系D档位置拍左系减档,拍右系加档,不过可能系舒服车调教,无论系C定S模式,都唔会好劲,部车系几顺嘅,开起身都有D似CLK。引擎力水够,如果用左脚踩住刹车右脚督油,等转速扯高再松刹车起步可以响胎响好耐,车头鄂到好高,一抽太部车就侧得好犀利,如果急刹,车尾又会企到好高,车头DUP到好低,所以呢部车嘅刹车唔系好得,因为车尾顶起左,两个后辘抓地力减低,重心走晒去车头,所以就用唔晒刹车嘅力。
蕉型房跑车----------2008年CLS350 - Ryan  - 粤车无数
CLS到依家为止总共得两代,而且属于中大型跑房车格局,所以渣出街收视率都仲几高。如果想买二手CLS,首先要睇下距D证件,如果系第一手新车开到卖,当时应该有D家底,再加埋保养记录,可以大致估计到部车嘅质素。买第一代CLS嘅朋友做左白老鼠,因为要陪BENZ厂一齐测试呢个当时新出嘅七前速自动波,呢个波箱除左档位多之外,波箱电脑都系好敏感,如果部车走电走得犀利,波箱电脑会知道电压低,就会开左保护程式,所以点解咁多旧款CLS车主话由P档拍去R档有时会噔一声,不过呢个都系电路问题,如果系机械故障就唔可以咁判断。跟住到方向机,CLS系用E仔底盘,E仔慢速打太有杂音嘅问题CLS一样有。最后就系引擎同冷气,引擎无问题,反而系水喉容易漏水箱水,冷气就麻烦D,因为识得自己变功率,如果感应器坏左冷气就唔冻,所以如果行行下突然之间无冷气未必系压缩机问题。
  评论这张
 
阅读(306)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017